இதில் ரஜினி, அக்ஷய் குமார், எமி ஜாக்சன் உள்ளிட்ட பலர் நடித்துள்ளார்கள்.
ஏ.ஆர்.ரஹ்மான் இசையமைத்துள்ள இந்தப் படம், நாளை பெரும் எதிர்பார்ப்பில் உள்ள ரசிகர்களுக்கு விருந்தளிக்கவுள்ளது.
''யு/ஏ'' சான்றிதழ் வழங்கப்பட்ட ‘2.0’ படத்திற்கு புரமோஷன் வேலைகள் மிகப்பெரிய அளவில் முன்னெடுக்கப்பட்டுள்ளது.
இந்நிலையில், ‘2.0’ படத்துக்காக எமி ஜாக்சன் தான் சண்டைப் பயிற்சி எடுத்த காணொளி ஒன்றை அவரது இன்ஸ்டாகிராமில் பதிவிட்டுள்ளார்.
அதில், “2.0 படப்பிடிப்பு தொடங்குவதற்கு முன்பாகவே, சிறந்த சண்டைப் பயிற்சிக் கலைஞர்கள் சென்னைக்கு வந்து சண்டைக் காட்சிகளுக்கான பயிற்சிகளை கொடுத்தார்கள் என்றும், நாங்கள் மேற்கொண்ட முதல் பயிற்சியின்போது இந்த காணொளி எடுக்கப்பட்டது என்றும் பதிவிட்டுளளார்.
எனது தவறுகள் என்னென்ன என்பதைப் பார்த்து திருத்திக் கொள்ள ஸ்லோமோஷனில் படம்பிடித்தோம் என்று எமி ஜாக்சன் அதில் மேலும் பதிவிட்டுளளார்.