உலக நாயகனை வைத்து ஷங்கர் இயக்கும் ‘இந்தியன் 2’ படத்தின் படப்பிடிப்பு வேகமாக நடந்து வருகின்றது. சமீபத்தில் வெளியான ‘இந்தியன் 2’ படத்தின் ஃபர்ஸ்ட்லுக் போஸ்டரில் பாடலாசிரியர்கள் பெயர் பட்டியலில் பாடலாசிரியர் விவேக் பெயர் இருந்தது.
ஆனால் ரசிகர்கள் சிலரோ அது நகைச்சுவை நடிகர் விவேக் என்று கூறி வதந்திகளை பரப்பி வந்துள்ளார்கள். விவேக் நடிப்பது தொடர்பில் பட குழுவினர் எந்த வித கருத்துக்களையும் உறுதியாக தெரிவிக்காத நிலையில் இப்படி வரும் வதந்திகளுக்கு முற்றுப்புள்ளி வைக்கும் வகையில் விவேக் விளக்கம் அளித்திருக்கிறார்.
அதில், ‘இப்படத்தின் கதைக்கு நான் தேவை என்றால் கண்டிப்பாக இயக்குனர் ஷங்கர் என்னை கூப்பிடுவார். அதுவரை வதந்திகள் வேண்டாம். மேலும் 1975ஆம் ஆண்டு ‘அபூர்வ ராகங்கள்’ வெளியானபோது சாந்தோம் பள்ளியில் படித்து கொண்டிருந்தேன். அந்த காலத்தில் இருந்து நான் கமல் ரசிகர், அவருடன் நடித்தாலும், நடிக்காவிட்டாலும் அவருடைய படங்களை பார்க்க தவறுவதில்லை’ என விவேக் குறிப்பிட்டுள்ளார்.