இந்த சந்திப்பில் இரு தலைவர்களும் கூட்டு உடன்படிக்கைகையில் கையெழுத்திடும் நிகழ்வு ஏற்பாடு செய்யப்பட்டிருந்தது. ஆனால் உடன்பாடு எட்டப்படாததால், இரு தரப்பு நிகழ்ச்சிகளும் ரத்து செய்யப்பட்டன. அமெரிக்கா விதித்த பொருளாதார தடைகளில் ஒரு பகுதியை கூட அகற்ற முன்வராததுதான் இந்த பேச்சுவார்த்தை தோல்விக்கு முக்கிய காரணம் என வடகொரியா தரப்பில் கூறப்பட்டது. இதனால் அதிருப்தி அடைந்த வடகொரியா மீண்டும் ஏவுகணை சோதனை நடத்துவதற்கான பணிகளில் ஈடுபடுவதாக தகவல்கள் வெளியாகின.

அத்துடன் ஏவுகணை தளத்தை மறுக்கட்டமைப்பு செய்து வரும் புகைப்படங்களும் வெளியாகி இருந்தன. இதுகுறித்து கருத்த வெளியிட்ட அமெரிக்க அதிபர், வடகொரியா, அணு ஆயுத சோதனைகளை நடத்தினால் தான் பெரும் ஏமாற்றம் அடைவேன் என்றும், நடப்பதை பொறுத்திருந்துதான் பார்க்கவேண்டும் என்றும் தெரிவித்திருந்தார்.

எது எவ்வாறு இருப்பினும், வியட்நாம் சந்திப்பின்போது டிரம்ப் பாதியிலேயே எழுந்து சென்றதற்கு பேச்சுவார்த்தை முறிந்ததாக பொருள் கிடையாது. அந்த சந்திப்பில் உடன்பாடு எட்டப்படாததற்கு பல்வேறு காரணங்கள் உள்ளன என்று, அமெரிக்க தேசிய பாதுகாப்பு ஆலோசகர் John R. Bolton விளக்கம் கொடுத்துள்ளார்.

இந்நிலையில் அணு ஆயுத பரவலை தடுக்க கிம் ஜோங் உன்னுடன் மீண்டும் பேச்சுவார்த்தை நடத்த நடவடிக்கை மேற்கொள்ளப்பட்டுள்ளது.