'தளபதி 63' இன் படப்பிடிப்பு, மிகவும் வேகமாக, விறுவிறுப்பாக நடைபெற்று வருகின்றமை நாம் அறிந்த விடயம்.இதில், தளபதி விஜய், கால்பந்து வீரராகவும், பெண்கள் கால்பந்து அணியின் பயிற்சியாளராகவும் நடித்துள்ளதாகக் கூறப்படுகிறது.
அதுமட்டுமல்லாமல், இந்தப் படத்தில், ஒரு முக்கியமான கதாபாத்திரத்தில், பேராசிரியரும், பட்டிமன்ற நடுவருமான, கு.ஞானசம்பந்தம் நடித்துவருகிறார்.
இந்தத் திரைப்படம் குறித்து, அவர் கூறியிருப்பதாவது, "இந்தப் படம் வந்தபிறகு,கால்பந்து விளையாட்டுக்கு, நிச்சயம் ஒரு ஏற்றம் வரும் என நம்புகிறேன்' என்றுள்ளார்.
நயன்தாரா, கதிர், ஜாக்கி ஷராப், ரெபா மானிகா, இந்துஜா, வர்ஷா பொல்லாமா, விவேக், யோகிபாபு, டேனியல் பாலாஜி, ஆனந்த்ராஜ், தேவதர்ஷினி, ஞானசம்பந்தம் என ,பல பிரபலங்கள் நடித்துள்ள இந்தத் திரைப்படத்துக்கு, இசைப்புயல் இசை.வரும் தீபாவளிக்கு திரைப்படம் வரும் என எதிர்பார்க்கப்படுகிறது.