தல அஜித் ஜோடியாக பில்லா 2 இல் இறக்குமதியானது, இந்த புன்னகை பூகம்பம் பார்வதி ஓமனக்குட்டன். அழகான ஒல்லிப்பிச்சான் நடிகையாக கோடம்பாக்கத்துக்குள் வந்த அம்மணிக்கு வேறு படங்கள் கை கொடுக்கவில்லை. வாய்ப்பும் வரவில்லை.
ஆனாலும், இந்த அழகி 2008இல் மிஸ் இந்தியா பட்டம் பெற்றவர் என்பதும் முக்கியமானது. அஜீத்துக்காக தமிழுக்கு வந்தாலும், அம்மணி ஏற்கனவே ஹிந்திப் படங்களில் படு பிசியான நடிகை. பல படங்களில் நடித்தும் வருகிறார்.
இந்நிலையில், பார்வதிக்கு இப்பொழுது சமூக சேவை சார்ந்த அம்சங்களில் ஆர்வம் அதிகரித்துள்ளது. சிறுவர் இல்லங்கள், முதியோர் இல்லங்கள் மற்றும் ஏனைய பொதுநலன் சார்ந்த அமைப்புகளுக்கும் அடிக்கடி விஜயம் செய்து வருகிறார். இவை அனைத்துக்கும் மேலாக தனது உடல் உறுப்புக்களில் அடுத்தவர்களுக்கு பயன்படும் உறுப்புக்களை தானம் செய்துள்ளார்.
தன்னால் முடிந்த சின்ன உதவி இது என பெருமையாக பேசி வருகிறார் பார்வதி ஓமனக்குட்டன்.
-கொண்டு வந்தது கோடம்பாக்கக் குருவி-