எனினும் அவரது தீவிர ஆதரவாளர்கள், அவரது பக்தர்களாகவே இருக்கும் பலர் இதனை ஜீரணித்துக்கொள்ள முடியாமல் உள்ளமை மறுக்க முடியாத உண்மையாகும்.

75 நாட்கள் வைத்தியசாலையில் இருந்த அவரின் வாழ்வு இரவோடு , இரவாக முடிந்து போனதாக வைத்தியசாலையால் அறிவிக்கப்பட்டாலும், அது பல்வேறு கேள்விகளை எம்முன் விட்டுச் சென்றுள்ளது.

தமிழக முதல்வர் வைத்தியசாலையில் அனுமதிக்கப்பட்டதிலிருந்து , அதன்பின்னர் அங்கு நடந்த தாக அறிவிக்கப்பட்ட பல விடயங்களும் உலகமே அறிந்த து.

இந்நிலையில், ஜெயாவின் மரணம் முக்கிய கேள்விகள் சிலவற்றை விட்டுச் சென்றுள்ளது.

அதற்கு விடையளிக்க நாங்கள் முயற்சிக்கவில்லை, உங்களால் முடிந்தால் நீங்கள் முயலுங்கள்...

• ஆரோக்கியத்துடன் இருந்த ஒருவர், தீடீரென சுகயீனமுற்றதாக தெரிவிக்கப்பட்டு, இரவோடு இரவாக வைத்தியசாலையில் அனுமதிக்கப்பட்டமை.
• வெறும் காய்ச்சல், நீர் சத்துக்குறைப்பாட்டினால் மட்டுமே பாதிக்கப்பட்டுள்ளார், இரண்டு தினங்களில் வீடு திரும்புவார் என அறிவிக்கப்பட்டது.
• ஜெயா நல்ல நிலையில் உள்ளார், என அடிக்கடி அறிக்கை வந்தது எதனால்?
• 75 நாட்கள் கடந்த பின்பும் எவரும் அவரை சந்திக்க அனுமதிக்கப்படாதது ஏன்? யார் அந்த உத்தரவுகளை பிறப்பித்தது?
• கடந்த 75 நாட்கள், யாரின் அதிகாரத்தின் கீழ் கட்சி மற்றும் அரசு இயங்கியது?
• கடந்த 75 நாட்களின் இடைநடுவே, ஜெயல லிதா குணமடைந்து விட்டதாகவும், ஐ.சி.யுவில் இருந்து சாதாரண அறைக்கு மாற்றப்பட்டு விட்ட தாகவும், உணவுகளை தானாக உண்பதாகவும் அறிவிக்கப்பட்டது எதனால்?
• அவர் விரைவில் வீடு திரும்புவார், அவர் சிகிச்சைகளுக்கு நல்ல முன்னேற்றத்தை காட்டுகின்றார் என தெரிவித்தது யார்?
• அவர் சிகிச்சையளிக்கப்படும் படங்கள் ஒன்று கூட கடைசி வரை வெளியாகாதது ஏன்?
• தேர்தலில் போட்டியிடும் வேட்பாளர்களை அவரே தெரிவுசெய்தார் என அறிவிக்கப்பட்ட போதிலும், தனது நிலை மற்றும் சிகிச்சை தொடர்பில் அறிவிக்காதது ஏன்?
• தமிழக அரசினால் அவரது மரணம் தொடர்பில் உத்தியோகபூர்வமாக அறிவிக்கப்பட முன்னர் கட்சியின் தலைகளை ஒன்று கூட்டி அடுத்த முதல்வரை தெரிவு செய்ய முடிந்த து எவ்வாறு?
• அமைச்சரவை மாற்றத்தை அவ்வளவு இலகுவாக குறுகிய நேர இடைவெளியில் நிகழ்த்த முடிந்தது எவ்வாறு?
• ஜெயலலிதாவின் இரத்த உறவுகளால் கூட அவரை கடைசி நேரத்தில் கூட பார்க்க முடியாமல் போனது எதனால்?  விரட்டப்பட்டமை எதனால்?
• அவ்வளவு இலகுவாக , விரைவாக பன்னீர் செல்வம் பதவியேற்றமை எவ்வாறு? அதுவும் அம்மாவின் தீவிர விசுவாசியாக தன்னை காண்பித்த ஒருவரால் அவ்வளவு இலகுவாக முடிந்தது எவ்வாறு?