லண்டனில் இயங்கும் பிரிட்டிஷ் ஸிப்ரோபிராக்டிக் அசோஸியேசன் (BCA) குழும விஞ்ஞானிகள் குழு ஒன்று சமீபத்தில் தங்களது தொடர் ஆராய்சிகள் மூலம் தகுந்த சான்றுகளுடன் பெண்களின் உடல் வலிக்கு காரணம் அவர்கள் அணியும் உடலை இறுக்கிப்பிடிக்கும் வகையில் அணியும் இறுக்கமான ஆடைகளும், பாரம் நிறைந்த நவீன அணிகலன்களும் , அவர்கள் அணியும் மெல்லிய கூரான ஹை ஹீல்ஸ் பாதணிகளுமே காரணமென்று உறுதிப்படுத்தியுள்ளனர்.
மற்றவர்கள் போல் கொஞ்சம் அழகாகவும் நவீனமாகவும் காணப்படவேண்டுமென்பதற்காக அவர்களுக்கு அசெளகரியமாக இருந்தாலும் இறுக்கமான ஆடைகளாக இருந்தாலும் சரி ,பாரமான அணிகலன்களாக இருந்தாலும் சரி, விதவிதமான கூரான ஹை ஹீல்ஸ் பாதணிகளென்றாலும் அவற்றை அணிகின்றார்கள்.
இவற்றை அணிவதால்தான் பெண்களுக்கு முதுகுவலி, மூட்டு வலி, கழுத்து வலி, இடுப்பு வலி,கண் எரிச்சல் போன்றவை நாளடைவில் ஏற்படுவதாக கண்டுபிடித்துள்ளனர். அதனால் பெண்கள் மேற்குறிப்பிட்டவாறு ஆடை அணிகலன்கள் ஹை ஹீல்ஸ் பாதணிகள் அணியாமல் இருந்தாலே பல உடல் ரீதியான வலிகள் மற்றும் பிரச்னைகளிலிருந்தும் விடுபடலாம் என்று BCA ஆய்வு முடிவுகள் கூறுகின்றது.