3,453 Views
பனிப்பிரதேச கண்டமான அண்டார்டிகாவில் முதன் முறையாக பிரிட்டனைச் சேர்ந்த ஆராய்ச்சியாளர்கள் இருவருக்கு திருமணம் நடக்க உள்ளது.
புவியின் தென் துருவமான அண்டார்டிகா முற்றிலும் பனிப்பாறைகளால் ஆனது. இங்கு மைனஸ் 9 டிகிரிக்கும் குறைவான வெப்பநிலை நிலவுவதால் மனிதர்கள் வாழ்வதற்கான சூழ்நிலைகள் இங்கு இல்லை. இருப்பினும், பல்வேறு நாடுகளின் ஆராய்ச்சி மையங்கள் இங்கு செயல்பட்டு வருகின்றனர். அதில் ஆராய்ச்சியாளர்கள் தங்கியிருந்து பணியாற்றி வருகின்றனர்.
இந்நிலையில், அங்குள்ள பிரிட்டிஷ் ஆராய்ச்சி மையத்தில் பணிபுரியும் பிரிட்டனைச் சேர்ந்த டாம் சில்வெஸ்டர் மற்றும் ஜூலி பவ் ஆகிய இருவரும் திருமணம் செய்ய முடிவெடுத்தனர். வித்தியாசமான முறையில் திருமணம் நடைபெற வேண்டும் என விரும்பிய ஜோடி, ஏன் நமது திருமணம் இங்கேயே நடக்கக் கூடாது? என யோசித்ததின் விளைவாக அண்டார்டிகாவில் முதல் அதிகாரப்பூர்வ திருமணம் நடக்க இருக்கிறது.
அண்டார்டிக் கண்டத்தின் மேற்கில் இருக்கும் அடேய்லயீட் தீவில் உள்ள ரோதரா ஆராய்ச்சி நிலையத்தில் உறைய வைக்கும் குளிரில் இந்த வார இறுதியில் இருவருக்கும் திருமணம் நடக்க இருக்கிறது. இந்த சிறப்பு மிக்க திருமணத்தை ஆராய்ச்சி மையத்தின் தலைவர் நடத்தி வைக்க இருக்கிறார்.
திருமண வைபோகத்தில் ஷாம்பையினுடன் கூடிய காலை உணவும், இசையுடன் கூடிய சிறியதொரு நிகழ்ச்சியும் நடைபெறும். ஆனால், சிறு குறையாக மணமக்களின் பெற்றோர்களோ, உறவினர்களோ திருமணத்தில் கலந்து கொள்ள முடியாது என்பது தான் வருத்தம் தரக்கூடிய விஷயம் என்கிறார் ஆராய்ச்சி நிலையத் தலைவர் பால் சாம்வெஸ்.
Make a Comment
Follow US
Make a Comment
இன்னும் கிசுகிசு செய்திகளுக்கு
'ரத்னம்' திரைப்படத்தின் புதிய அப்டேட்.
202 Views
ரஜினியுடன் இணையும் ரன்வீர்!
129 Views
Hot Gossip
Recent Gossip Post
திக்கெட்டும் உச்சம் பெற்ற பரபரப்புச் செய்திகள்
Top 10 Commenters
Latest Comments
