வடிவேலு முதன்முறையாக நாயகனாக நடித்த இம்சை அரசன் 23ஆம் புலிகேசி திரைப்படம் மிகப்பெரிய வரவேற்பை பெற்றது. சிம்புதேவன் இயக்கிய இந்த படத்தின் இரண்டாம் பாகம் விரைவில் தொடங்கும் என பட தயாரிப்பாளரான இயக்குநர் ஷங்கர் தெரிவித்திருந்தார். இந்நிலையில் இன்று முதல் அதன் படப்பிடிப்புகள் பூஜையுடன் தொடங்கியுள்ளன. படத்தின் firstlook போஸ்டர், மற்றும் மோஷன் போஸ்டர்களையும் வெளியி்ட்டுள்ளது.
படத்திற்கு இம்சை அரசன் 24-ம் புலிகேசி என்று பெயரிட்டுள்ளனர். வடிவேலுக்கு ஜோடியாக பில்லா 2 படத்தில் அஜித்துக்கு ஜோடியாக நடித்த பார்வதி ஓமனகுட்டன் நடிக்க உள்ளதாக தெரிகிறது. ஜிப்ரான் இசையமைக்க, சரவணன் ஒளிப்பதிவு செய்ய உள்ளார். கலை இயக்கத்தை டி.முத்துராஜ் செய்ய உள்ளார்.