ஆம் அதற்கு அவள் சொன்ன காரணமோ அவன்மீது அவனுக்கே வெறுப்பை உண்டாக்கியது. பாடசாலையில் கல்வி கற்றப்போது தன்னை மட்டுமே நேசித்த அனுஷியா. இப்போது தன்னோடு வாழ்வது தரக்குறைவென நினைக்கிறாள் என எண்ணும்போது அவன் செத்தேபோனான். தன் தொழில்தான் அவளுக்குப் பிரச்சனை என எண்ணிய சுரேன் இத்தனை காலமாக தன்னையும் தன் குடும்பத்தையும் வாழவைத்த தொழிலையும் துறக்க முடிவெடுத்தாலும். சிறிது காலத்துக்குப் பின்னரே அதன் உண்மையான காரணம் தெரிந்து அதிர்ந்துப்போனான் சுரேன். என்றாலும் அனுஷியாவை சமாதானப்படுத்தி தன்னோடு வாழவைத்துவிடலாம் என்று முயற்சித்த சுரேனுக்கோ மிஞ்சியது ஏமாற்றமே.

இறுதியில் விகாரத்து கோரிநின்ற அனுஷியாவிற்கு விவாகரத்து வழங்குவதென முடிவெடுத்தான். வழக்கு விசாரணைக்கும் வந்தது. அனுஷியாவை விவாகரத்து செய்ய முடிவெடுத்த சுரேனுக்கு ஆறுதலாக இருந்த அவனது செல்ல மகனையும் பறித்துக்கொண்டாள் அனுஷியா. அதன் பின்னர் ராகவனை மறுமணம் செய்துகொண்ட அனுஷியா தன்மகனையும் தன்னோடு கூட்டிச்செல்ல, கட்டிய மனைவியும் பெற்றெடுத்த பிள்ளையும் இல்லாது தனிமரமாய் தவிக்கிறான் சுரேன். காதல் என்ற அழகிய கனவுகள் தந்த தன் காதலியின் பிரிவினால் மதுவின் துணையோடு வாழும் சுரேனுக்கு ஆறுதல் தந்தது சூரியனின் இதயத்தோடு இதயம்.

காதலுக்கு கண்கள் இல்லையென்று சொன்னதாலோ என்னவோ எல்லோரும் கண்களை மூடிக்கொண்டே காதலிக்கிறார்கள். தூக்கம் விழிக்கிறபோது கலைகிற கனவுபோல சிலரது காதலும் மறைந்துபோகிறது. காதல் இது குலையாமல் இருப்பதால்தான் பூமி இன்னும் சீராய் இயங்கிக்கொண்டிருக்கிறது. இந்த இயக்கம் இயல்பாய் இருந்திட இதயங்கள் புனிதமாய் இருக்கட்டும் பூமியில். இப்படிக்கு சூரியனின் இதயத்தோடு இதயம்.

அழையுங்கள் 0112346744 , அல்லது 0114799760, 0114799750 இலக்கங்களுக்கு. இதயத்தோடு இதயம் "எந்தன் சப்தமும் உங்கள் நிசப்தமும் சந்திக்கும் புள்ளியில் உங்கள் வேதனைகளுக்கு ஆறுதல் தேடும் முயற்சி" மீண்டும் சந்திப்போம்