இங்குதான் இதுவரை சுமுகமாக சென்றுக்கொண்டிருந்த இருவரின் உறவும் கொஞ்சம் நிலை தடுமாறுகிறது. தன காதலை தன் குடும்பத்தினரிடம் தெரிவித்த நித்யா அவர்களின் சம்மதம் பெற்று வாசுவிடம் இதுகுறித்து தெரிவிக்கிறாள். ஆனால் நித்யா எதிர்பார்த்தது போல வாசு இந்த செய்தி கேட்டு மகிழ்ச்சி அடையவில்லை. மாறாக நித்யாவை கடிந்தே கொண்டான் ஏனெனில் நித்யா தனது இரண்டு சகோதரிகளுக்கும் திருமணம் செய்துவைக்கவேண்டிய பொறுப்பு தன்னிடமே உள்ளது என்பது அறிந்தும் இவ்வாறு பேசுகிறாள் என்று தான் என்றாலும் நித்யா தன் நிலைமை குறித்து வாசுவிடம் எடுத்துரைக்கிறாள். இங்கு வாதம் முற்ற மனவேதனையோடு இருவரும் அன்று பிரிகிறார்கள்.

அன்றிலிருந்து சந்திக்கிற ஒவ்வொரு நாளும் இருவரும் இது குறித்து விவாதிப்பதும் சண்டையிடுவதுமாகவே நகர்கிறது இந்த விவாதம், அதற்கு பிறகு இருவரும் சந்திப்பதும் பேசிக்கொள்வதும் குறைகிறது. நித்யாவும் இடமாற்றம் பெற்று வேலைக்காக வேறு இடம் செல்கிறாள். இன்று இருவரும் வெவ்வேறு இடங்களில் ஆனால் உடலால் பிரிந்த இவர்களின் உள்ளங்கள் இன்றும் இணைந்தே இருக்கிறது. கடமைக்காக காதலை துறந்த வாசுவும், நித்தியாவும் இதயத்தால் இணைந்தே வாழ்ந்துக்கொண்டிருக்கிறார்கள். கண்ணீரை குடும்ப திரையிட்டு மறைத்தபடி.............

உங்கள் பிரச்சனைகள் குறித்தும் மனம் திறந்து பேச இதயத்தோடு இதயம் வாரநாட்களில் இரவு 9 மணிமுதல் 12 மணிவரை. அழையுங்கள் 0112346744 அல்லது 0114790760 ,0114799750 இலக்கங்களுக்கு. "சூரியனின் இதயத்தோடு இதயம் எந்தன் சப்தமும் உங்கள் நிசப்தமும் சந்திக்கும் புள்ளியில் வேதனைகளுக்கு ஆறுதல் தேடும் முயற்சி" மீண்டும் சந்திப்போம்