Rayynor Silva,Raynor Silva Holdings,RaynorSilva,RayynorSilva

Sooriyan Gossip, Sooriyan news, Gossip Lanka News | Sooriyangossip | Sooriyan Gossip | Sooriyan Fm Gossip | Sooriyan Gossip Official Web Site | Gossip Lanka - திக்கெட்டும் வேறெங்கும் கிட்டாத கிக்கான கிளுகிளு கிசுகிசு இங்கு மட்டும்.

Rayynor Silva,Raynor Silva Holdings,RaynorSilva,RayynorSilva,Sooriyan Gossip, Sooriyan news, Gossip Lanka News | Sooriyangossip | Sooriyan Gossip | Sooriyan Fm Gossip | Sooriyan Gossip Official Web Site | Gossip Lanka - திக்கெட்டும் வேறெங்கும் கிட்டாத கிக்கான கிளுகிளு கிசுகிசு இங்கு மட்டும்.


இயக்குனர், ஒளிப்பதிவாளர் கே.வி.ஆனந்த் இயக்கத்தில் தனுஷ் நடித்து வரும் திரைப்படம் அனேகன்.

இத்திரைப்படத்தில், தனுஷுக்கு ஜோடியாக அம்ரியா தஸ்தூர் என்ற புதுமுக நடிகை அறிமுகமாகிறார். மேலும், இதில் நவரச நாயகன் கார்த்திக் முக்கிய கதாபாத்திரம் ஒன்றில் நடித்திருக்கிறார்.

தனுஷுக்கு இதில் மூன்று விதமான கெட் அப்பாம்.
 
தமிழ் சினிமாக்களில் காதல் என்பது தவிர்க்க முடியாத ஒன்று. எந்தவகைத் திரைப்படமாக இருந்தாலும் அதில் காதலும் இழைந்தோடியே இருக்கும். சில திரைப்படங்களில் காதல் மட்டுமே பிரதானமாக இருக்கும். ஆனால், காதல் இல்லாத திரைப்படங்களைத் தனித்துக் காண்பது அரிதிலும் அரிது.



அந்தவகையில், தனது அனேகன் திரைப்படமும் காதலை மையப்படுத்தியது தான் எனத் தெரிவித்துள்ளார் கே.வி.ஆனந்த். இது தொடர்பில் அவர் மேலும் கூறியுள்ளதாவது, 

"அனேகன் திரைப்படம் காதலை மையப்படுத்தி எடுக்கப்பட்டுள்ளது. அனேகன் என்ற பெயர் ஒரு தனிமனிதனை குறிப்பிடுவது அல்ல. பல மனிதர்களை உள்ளடக்கியது. திருவாசகத்தில் இடம்பெற்றுள்ள ஒரு வாசகத்தை வைத்துத்தான் இத்திரைப்படத்தின் தலைப்பை தெரிவு செய்துள்ளோம்.

வெவ்வேறு கால கட்டங்களில் நடக்கும் கதை என்பதால் இப்படத்தில் தனுஷும், அம்ரியா தஸ்தூரும் மூன்றுவிதமான கதாபாத்திரங்களில் நடித்துள்ளனர்" என தெரிவித்துள்ளார் கே.வி.ஆனந்த். 



இத்திரைப்படத்துக்கு, ஹரீஸ் ஜெயராஜ் இசையமைக்க, ஓம் பிரகாஷ் ஒளிப்பதிவு செய்துள்ளார்.
இது கே.வி.ஆனந்த் இயக்கம் 5ஆவது திரைப்படமாகும். 

இத்திரைப்படத்தின் இறுதிகட்ட வேலைகள் நடந்து வருகின்றன. பாடல்களை இம்மாதத்தில் வெளியிட படக்குழுவினர் முடிவு செய்துள்ளனர். நவம்பரில் படம் வெளியாகும் எனத் தெரிவிக்கப்படுகிறது.
2,979 Views
இது நம்ம ஆளு - சிம்புவுக்கு ஜாலி - புதிய படங்கள் 

பாருங்களேன் மீண்டும் நயனோடு சேர்ந்த குஷி சிம்புவின் முகத்தில் எப்படி ஜொலிக்குது பாருங்கள்..

நயன்தாராவும் கொஞ்சம் பிரகாசிக்கிறாவோ?
ஏதோ மீண்டும் சிக்கல், பிக்கல் புடுங்கல் இல்லாமல் சந்தோஷமா படம் வந்தா சரி.









2,764 Views

ஹெச்பி HP என்று அழைக்கப்படும் ஹெவ்லெட் பேக்கார்ட் (Hewlett Packard) நிறுவனத்தின் முக்கிய துறைகளின் வளர்ச்சியை கருத்தில் கொண்டு இந்நிறுவனம் இரண்டாக பிரிந்து செயல்பட உள்ளதாக இந்நிறுவனம் தெரிவித்துள்ளது. இந்நிலையில் நிறுவனம் பிரிக்கும் பொழுது ஹெச்.பி நிறுவனத்தில் இருந்து சுமார் 5,000 பணியாளர்களை நிறுவனத்தை விட்டு நீக்குவதாகவும் ஹெச்.பி நிர்வாகம் தெரிவித்துள்ளது.


66 பில்லியன் டாலர் மதிப்புடைய இந்நிறுவனத்தை தற்போது மெக் வித்மேன் தலைமை வகித்து நடத்தி வருகிறார். இந்நிறுவனத்தின் வன்பொருள் மற்றும் சேவை பிரிவில் இருந்து Laptop, கம்பியூட்டர் மற்றும் பிரிண்டர் வர்த்தகத்தை தனியாக பிரிக்க இந்நிறுவனம் திட்டமிட்டுள்ளது.

ஹெச்.பி நிறுவனம் கடந்த சில காலாண்டுகளாக மந்தமான வர்த்தகத்தையே சந்தித்து வருகிறது. இதனால் நிறுவனத்தின் சில பிரிவுகளை தனியாக பிரிப்பதன் மூலம் முக்கிய வர்த்தகத்தில் அதிகப்படியான கவனத்தை செலுத்த முடியும் என மெக் வித்மேன் தெரிவித்துள்ளார். சில ஆண்டுகளுக்கு முன்பு இதே முயற்சியை எடுக்க நினைத்த முன்னாள் தலைவர்கள் சில பல காரணங்களாக கைவிட்டனர் என்பது குறிப்பிடதக்கது.


மேலும் இந்த நிறுவன பிரிவின் மூலம் 5000 பணியாளர்களை நிறுவனத்தை விட்டு வெளியேற்ற திட்டமிட்டுள்ளார் மெக் வித்மேன். இந்நிறுவனத்தில் தற்போது சுமார் 3 இலட்சம் பணியாளர்கள் பணியாற்றி வருகின்றனர்.

கடந்த நிதியாண்டில் இந்நிறுவனம் சுமார் 112 கோடி ரூபாய் வருமானம் பெற்றது. மேலும் இந்நிறுவனத்தின் பங்குதாரர்கள் இந்நிறுவனத்தின் கணினி பிரிவுகளை தனியாக பிரிக்கவும் அல்லது கணினி தயாரிப்பை விற்றுவிடவும் வலியுறுத்தி வருகின்றனர்.

ஹெச்.பி நிறுவனத்தை போன்று மைக்ரோசாப்ட், சிஸ்கோ, ஐபிஎம் போன்ற முன்னணி நிறுவனங்களும் அதிகளவில் பணியாளர்களை பணிநீக்கம் செய்ய திட்டமிட்டுள்ளன.
1,988 Views
ஒரு நாளில் ஒரு படம் வெளியாகினாலே, தியேட்டர்கள் நிரம்பிவழியும் என்பது புதிய விடயமல்ல. இப்படி இருக்கும் போது ஒரே நாளில் 10 படங்கள் ரிலீசாமே? இந்த ஆண்டு தமிழ் சினிமா ஏதோ ஒரு முடிவிலிருக்கிறது போலிக்கிறது. எப்படியும் 200 படங்களுக்கு மேல் வெளியாகிவிடும் என்கின்றனர் சினிதுறையினர். 
 
தமிழ் சினிமாவில் இதுவரை இவ்வாறு நடந்ததில்லை. ஒரே நாளில் 10 படங்கள் சேர்ந்தாற்போல் வெளியானதில்லை. தீபாவளி, பொங்கலுக்கு கூட இவ்வாறு படம் வெளியானதில்லை. ஆனால் ஒக்டோபர் மாதம் 10 ம் திகதி, அதாவது நாளை மறுதினம் 10 படங்கள் ஒன்றாக வெளியாகவுள்ளன. 
அவையாவன..ஆலமரம், குபீர், ஜமாய், குறை ஒன்றுமில்லை, முயல், நீ நான் நிழல், பண்டுவம், புளிப்பு இனிப்பு, வெண்ணிலா
வீடு, யாவும் வசப்படும் எனும் படங்களாகும். 
 
இவற்றில் சில காட்சிக்கு ஒன்று வீதமும், சில சென்னையில் மட்டும் வெளியாகின்றமை குறிப்பிடத்தக்கது. 
 
13,441 Views
தென்னிந்திய தமிழ்திரையுலகில் மட்டுமன்றி உலகத் தரத்தில் இசப்புயலாக தன் இசைத்திறமையை நிருபித்தவர், இரண்டு ஒஸ்கார் விருதுகளை ஒரே மேடையில் கைப்பற்றியவர், பல புதிய இளம் பின்னணிப் பாடகர்களுக்கு திரையுலகில் அறிமுகம் தந்தவர் என புகழுக்கே சொந்தக்காரர் தான் ஏ.ஆர்.ரஹ்மான். 

                                                            இந்த "இசைப்புயலை" திரையுலகுக்கு தன்  "ரோஜா"  திரைப்படத்தின் மூலம் ஒரு இசையமைப்பாளராக அறிமுகப்படுத்தியவர் இயக்குனர் மணிரத்தினம். இவர் இயக்கிய பல வெற்றித்திரைப்படங்களின் அந்த வெற்றிக்கு இசைப்புயலின் இசையும் மிக முக்கியமான பங்குண்டு என்றால் மிகையாகாது.இந்தக் கூட்டணி, இன்னமும் பெயர் இடப்படாத ஒரு திரைப்படத்தின் மூலம் மீண்டும் இணைகின்றது.இதில்தான் ஒரு முக்கியமான விசயமே ஆரம்பிக்கின்றது. 

                                தந்தையை போலவே, மணிரத்னத்தின் இயக்கத்தில் உருவாகும்  இந்தப்படத்தில்  தனது தமிழ் திரையுலக பிரவேசத்தை ஆரம்பிக்கிறாராம் இசைப்புயல் ஏ.ஆர்.ரஹ்மானின் மகன் அமீன். இந்தப்படத்தில்,  தந்தையின் இசையில் இடம்பெறும் ஒரு பாடலைப் பாடுவதன் மூலமே திரையுலகில் தன் முதற்பாதம் பதிக்கவிருக்கிறார் இசைவாரிசு அமீன்.இதை ஏ.ஆர்.ரஹ்மானும் உறுதி செய்திருக்கிறார்.

பெரிதாக வெளியே தெரியாமலிருந்த ரஹ்மானின் மகன் அமீன் பற்றி அண்மையில் பல செய்திகள் வெளியே வந்திருந்தன.
அமீனை பலர் திரைப்படங்களில் நடிக்க வைக்க அணுகியதாக ரஹ்மான் வழங்கிய பேட்டிகள் பற்றி செய்திகள் வெளிவந்திருந்தது நினைவுபடுத்தக்கூடியது.

வாழ்த்துக்கள் கூறுவோம்...வரவேற்போம்..வாகை சூட..
7,145 Views

விஷாலும் யுவன் சங்கர் ராஜாவும் இப்போதும் நல்ல நண்பர்கள்தான். 

விஷாலின் இப்போது வெளிவந்துள்ள படமான பூஜைக்கும்  யுவன்தான் இசை ஆனால் விஷால் - சுந்தர் சி கூட்டணியில் உருவாகும் ஆம்பள படத்திலிருந்து விலகி இருக்கிறார் யுவன்.
அவருக்குப் பதில் ஐந்து இசையமைப்பாளர்கள் அந்தப் படத்துக்கு இசையமைக்கின்றனர்.


இந்த வெளியேற்றத்துக்கான காரணம் தெரியவில்லை. சுந்தர்.சிக்கும் யுவனுக்கும் ஒத்துப் போகவில்லை என்கிறது உள்வட்டாராம். இத்தனைக்கும் சுந்தர்.சியின் பல படங்களுக்கு இசையமைத்தவர் யுவன்.


ஐந்து இசையமைப்பாளர்கள் இப்போது ஆம்பள படத்தின் இசையமைப்பாளர்களுள் ஒருவராக ஹிப் ஹாப் தமிழா ஆதி அறிமுகமாகிறார். ரஹ்மானின் உதவியாளர் ஒருவரும் இசையமைக்கிறார். மேலும் 3 புதிய இசையமைப்பாளர்களையும் இந்தப் படத்தில் அறிமுகம் செய்கிறார் சுந்தர்.சி.

 

முதன் முதலாக தமிழ் சினிமாவில் 5 இசையமைப்பாளர்களை அறிமுகப்படுத்தியவர் இயக்குனர் வசந்த் அடுத்ததாக இயக்குநர் பார்த்திபன் தன் கதை திரைக்கதை வசனம் இயக்கத்திலும் 5 இசை அமைப்பாளர்களைப் பயன்படுத்தினார். இதே போல ராகவா லாரன்ஸ் இயக்கும் முனி 3-ம் பாகமான கங்காவிலும் 5 இசையமைப்பாளர்கள் இசையமைக்கின்றனர்.


இப்படியே போன  ஒரு படத்தில் ஒரு பாடலுக்கு ஒரு இசையமைப்பாளர் என்ற நிலை வந்துரும் போல ம்ம்ம்ம்……

2,838 Views
கௌதம் மேனன் இயக்க அஜித்,அனுஷ்கா, த்ரிஷா ஆகியோர் இணைந்து நடிக்கும் "தல55" எனும் இதுவரை பெயர் குறிப்பிடப்படாத புதிய படத்தை பற்றி தினமும் ஒரு புதிய செய்தி கோடம்பாக்கத்தில் வெளியாகிக்கொண்டே  இருக்கிறது. அதனால் இந்தப்படத்தின் வெளியீட்டிற்கான எதிர்பார்ப்பு அஜித் ரசிகர்களிடமும் மட்டுமன்றி  கோலிவுட் வட்டாரத்திலும் பரவி வருகிறது.

                                                                   இந்நிலையில், இந்த படத்தை பற்றி குறிப்பிட்டு சொல்லும் காட்சிகளில் யாராவது ஒரு பிரபலம் குரல் கொடுத்தால் காட்சியமைப்பு சிறப்பாக அமையும் என கௌதம் மேனனுக்கு ஒரு யோசனை தோன்றியபோது, முதலில் ஞாபகம் வந்தது "உலகநாயகன்" கமல்தானாம்.

                                                                ஏற்கெனவே ‘வேட்டையாடு விளையாடு’ படத்தில் கமலுடன் இணைந்து பணியாற்றிய அனுபவமுள்ள கௌதம் மேனன் "தல55" படத்தில் ஒரு சில காட்சிகளுக்கு பின்னணியில் கமலை வைத்தே குரல் கொடுக்க முடிவு செய்துள்ளாராம். இதற்காக விரைவில் உலகநாயகனிடம் அனுமதி கேட்க கெளதம் முடிவு செய்துள்ளதாக கூறப்படுகிறது.

                                                   எதிர்வரும்  பொங்கலுக்கு வெளியிட முடிவுசெய்யப்பட்டிருக்கும் இந்தப்படத்தின் வெளியீட்டிற்கான இறுதிக்கட்டப்பணிகள் நடைபெற்றுவரும் நிலையில், வெகுவிரைவில் ஹரிஷ் ஜெயராஜின் இசையில் உருவாகியுள்ள பாடல், இசை வெளியீட்டோடு படத்தின் பெயரையும் உத்தியோகபூர்வமாக அறிவிக்க தீர்மானித்திருக்கிறார்களாம் படக்குழுவினர்.     

உதவுவாரா உலகநாயகன் கமல்....? கெளதம் மேனனுக்கு கை கொடுப்பாரா....
தலயைத் தட்டிக் கொடுப்பாரா?
4,001 Views

இங்கிலாந்து பயிற்சியாளர் ஆண்டி பிளவர் மற்றும் விக்கெட் காப்பாளர் மட் பிரையர் ஆகியோர் சக வீரர்களை திட்டியும், அசிங்கப்படுத்தியும் மோசமாக நடந்து கொண்டதாகக் குற்றம்சாட்டிய கெவின் பீட்டர்சன், இந்திய வீரர்களுக்கே இது நன்றாக்த் தெரியும் என்று கூறியுள்ளார்.

"மேற்கிந்திய வீரர்களைக் கேளுங்கள்,இலங்கை,அவுஸ்ரேலிய ,இந்திய வீரர்களைக் கேளுங்கள், , இந்தியர்களிடமிருந்து எனக்கு குறுஞ் செய்தி வந்தது. அதாவது நான் எப்படி இப்படிப்பட்ட வீரர்களுடன் விளையாடி வருகிறேன், நம்பமுடியவில்லை’என்று எனக்கு குறுஞ் செய்தி செய்துள்ளனர்.

சர்வதேச வீரர்களிடம் கடந்த 3 அல்லது 4 ஆண்டுகளாக இங்கிலாந்து வீரர்கள் எப்படி நடந்து கொள்கிறார்கள் என்று கேட்டுப்பாருங்கள் உங்களுக்கு நிச்சயம் நான் கூறியிருப்பதன் உண்மை தெரியவரும்”

என்று கெவின் பீட்டர்சன் தனது சுயசரிதை நூல் வெளியாவதை முன்வைத்து தி டெலிகிராப் பத்திரிக்கையில் இவ்வாறு கூறினார்.

தென்னாபிரிக்காவில் பிறந்த KP இங்கிலாந்து குடியுரிமை பெற்று அந்த அணிக்காக 100 டெஸ்ட் போட்டிகளில் ஆடியவர்,அணி தலைவராகவும் கடமையாற்றியவர்.

இங்கிலாந்து கிரிக்கெட் அணி KP என்ற இந்த குதிரையில் ஏறி சவாரி செய்த காலமும் இருக்கிறது.இப்படியிருக்க அவுஸ்ரேலிய அணிக்கெதிரான ஆஷேஸ் போட்டி தொடரில் இங்கிலாந்து மோசமான தோல்வியை தழுவ பலிக்கடாவாக்கப்பட்ட நபர் இந்த KP மட்டுமே.

இவரது சுயசரிதை நூல் தொடர்பில் தெரிவித்த கருத்துக்களால் சர்ச்சையில் சிக்கித் தவிக்கிறார். சர்சைகளால் பேசப்பட்ட கெவின் இப்போது இங்கிலாந்து ஊடகங்களின் தலைப்பு செய்தி ஆகிவிட்டார்.

இவரது இந்த கருத்துக்கள் தொடர்பில் தெரிவித்த முன்னாள் சுழல் பந்து வீச்சாளர் ஸ்வான் பல விடயங்களை சொல்லியுள்ளார். இவருக்கு யார் நல்லவர்,யார் கெட்டவர்,யாரெல்லாம் இவருக்கு உதவினார்கள் என்பதை மறந்து கருத்துரைக்கிறார் என்று விசனம் வெளியிட்டுள்ளார்.

உண்மையில் விக்கெட் காப்பாளர் மட் பிரையர் இவர் அணியில் இருக்க வேண்டும் என்று விரும்பியவர் என்றும் ஸ்வான் குறிப்பிட்டுள்ளார்.

எது எவ்வாறாயினும் தான் தென்னாபிரிக்காவை விட்டு வந்தது மிகப்பெரும் தவறு என்றும்,அதுதான் தன் சந்தோசம் பறி போனதற்கு காரணம் என்ற கருத்தையும் KP முன்வைக்க தவறவில்லை.

காலம் கடந்த ஞானமும் காலம் கடந்த விசாரணைகளும் கவைக்கும் உதவாது அவைக்கும் உதவாது.


3,710 Views
ஹிந்தி திரையுலக பிரபல நட்சத்திரம் ஷாருக்கான் தன்னுடைய சின்ன மகனை கிட்டத்தட்ட ஒன்றரை வருடங்களாக வெளியுலகிற்கு காட்டவில்லை. மகன் தொடர்பில் ஊடகங்கள் அவரிடம் கேட்ட கேள்விகளுக்கு கூட அவர் கோபமாக பதில் சொன்ன சந்தர்ப்பங்களும் உண்டு. அந்த மகன் தொடர்பில் எந்தவொரு விடயத்தையும் ஷாருக் கூற விரும்பவில்லை. ஒரு புகைப்படத்தை கூட வெளியிடவில்லை.

2013ம் ஆண்டு மே மாதம் 27ம் தகதி பிறந்த இந்த பாலகனின் பெயர் ஆப்ராம் (AbRam) ஹஜ்ஜு பெருநாளுக்கு தனது மகனுடன் எடுத்த போட்டோவுடன் ஷாருக் ட்விட்டர் மூலமான வாழ்த்தொன்றை வெளியிட்டுள்ளார்.

ஆனால் இதுவரைக்காலமும் இவர் மகனை வெளியுலகிற்கு காண்பிக்காததற்கான காரணம் இன்னமும் தெரியவில்லை.
3,900 Views
ஒரு காலத்தில் கொடிகட்டிப் பறந்த ஹீரோக்களின் வரிசையில், மிக முக்கியமானவர் நடிகர் சரத்குமார். இவரது படங்களில் இன்றுவரை நம்ம ரசிகர்களுக்கு ஒருவித ஈர்ப்பு இருக்கிறது. நடிப்போடு பின்னர் அரசியலில் குதித்து ஒரளவு வெற்றியும் கண்டார்.
அதன் பின்னர் அரசியலும் சினிமாவும் ஒரே நேரத்தில் சறுக்கிவிட, சினிமாவிலிருந்து கொஞ்சம் விலகினார் என்றுதான் சொல்ல வேண்டும். 

சில படங்களில் அண்மையில் சிறப்புத் தோற்றத்தில் தோன்றியிருந்த சரத்குமார், காஞ்சனாவில் எதிர்மறையான அத்தோடு சவாலான பாத்திரத்தில் தோன்றி பிரமிப்பையும் இரசிகர்களின் கைதட்டல்களையும் பெற்றுக் கொண்டார். 
இப்பொழுது சரத்குமார் மீண்டும்,  சினிமாவில் ஆர்வமாகி இருக்கிறார். 

இப்பொழுது ஒரு த்ரில்லர் கதையாக உருவாகி வரும் 'நீ நான் நிழல் ' படத்திலும், ஏ.வெங்கடேஷ் இயக்கத்தில் 'சண்டமாருதம்' படத்திலும் நடித்து வருகிறார். அத்தோடு இந்த சண்டமாருதம் படத்தில் இரட்டை வேடத்தில் கலக்கும் சுப்ரீம் ஸ்டார் சரத்குமார், அதன் பின்னர் , மிஸ்கின் இயக்கம் ஒரு புதிய படத்தில், இன்றைய இளைய நடிகர்களுக்குப் போட்டியாக சிக்ஸ்பேக்  வைத்து நடிக்கவுள்ளார். 

    ஒல்லிப் பிச்சான்கள் எல்லோரும் சிக்ஸ்பேக் வைத்து நடிக்கும் போது, எவ்வளோ கனமான பாத்திரங்களாக தோன்றிய சரத்குமாரினால், முன்னைய மிஸ்டர்.மெட்ராஸ் ஆணழகரால் சிறப்பாக சிக்ஸ்பேக்  வைத்து நடிக்க முடியும்!
அவர் ஒரு திறமையான நடிகர் என்று, இப்பொழுதே சரத் புகழ் பாட ஆரம்பித்திருக்கிறார் இயக்குனர் மிஸ்கின். 

அதானே...
எத்தனை பேரைப் பார்த்திட்டோம்..
 
5,262 Views
உலகத்திலேயே மிகவும் பெரிதான தொலைக்காட்டியை (டெலஸ்கோப்) இந்தியாவோடு இணைந்து அமெரிக்கா,  ஜப்பான், கனடா  ஆகிய  நாடுகள் இணைந்து அமைக்கின்றனர். இதில் முக்கியமான விசயமே,கீரியும் பாம்புமான இருக்கும் சீனாவும் இந்தியாவோடு இந்த திட்டத்தில் பங்கேற்பது தான்... 

                            இது ஜப்பானில் உள்ள மவுனா கீ மலையில் 4,012 மீட்டர் உயரத்தில் கட்டப்படுகிறது.இந்தப்பணிக்காக  ரூ.8,500 கோடி செலவிடப்படுகிறதாம்.இந்த தொலைக்காட்டி ஜப்பானுக்கு பெருமை சேர்க்கவிருப்பதால் செலவிடப்படுகின்ற தொகையில் கால் பகுதியை ஜப்பான் ஏற்றுக் கொண்டுள்ளதாகவும் ஒரு கொசுறுத்தகவல்.

                                                   இந்த தொலைக்காட்டி(டெலஸ்கோப்) கட்டுமான பணியில் பங்கேற்கின்ற 5 நாடுகளையும் சேர்ந்த, 100 விண்வெளி விஞ்ஞானிகள் பங்கேற்கின்றார்கள்.2022-ம் ஆண்டில் நிறைவு பெறத் தீர்மானிக்கப்பட்டிருக்கும் இது, கட்டி முடிக்கப்பட்டவுடன் உலகிலேயே மிகப்பெரிய தொலைக்காட்டி என்ற பெருமையைப் பெறவுள்ளதாம்.

ஜப்பானின் ஒசாகா – டோக்கியோ நகரங்களுக்கு இடையேயான 500 கி.மீட்டர் தூரத்தில் சிறிய நாணயம் இருந்தால் கூட மிக துல்லியமாக பார்க்க முடியும் என்பதோடு,பூமியில் இருந்து மிக தொலைவில் உள்ள நட்சத்திரங்களையும் இதன் மூலம் தெளிவாக காண முடியுமாம். 

                                                      இதேவேளை, ஜப்பானில் இதே மவுனா கீ மலைப் பகுதியில், ஏற்கனவே கடந்த 1999–ம் ஆண்டு முதல் செயல்பட்டு வரும், உலகிலேயே மிகப் பெரிய "சுபாரு" எனப்பெயரிடப்பட்ட ஒரு தொலைக்காட்டி உள்ளது.அதை விட 13மடங்கு அளவில் பெரியதாம், இன்னும் பெயரிடப்படாத இந்த தொலைக்காட்டி.
 
இப்போவே இலங்கையிலிருந்து பார்க்கும்போது சீனா தெரியுது.
ஜப்பானிலிருந்து பார்க்கும்போது சீனா தெரிகின்றதா...? கொஞ்சம் பார்த்து சொல்லுங்க ப்ளீஸ்....
2,556 Views

ஆணுக்கும் பெண்ணுக்கும் கல்யாணம் இந்தகாலம் மாறி இப்போதெல்லாம்  ஆணுக்கும் ஆணுக்கும் கல்யாணம் பெண்ணுக்கும் பெண்ணுக்கும் கல்யாணம் நடக்கிறது அதுவும் இனி மாறிப்போகும் போல..

இங்கிலாந்தைச் சேர்ந்த கிரேஸ் ஹெல்டர் என்ற இளம்பெண்ணே இத்தகைய செயற்பாட்டில் ஈடுபட்டுள்ளார்.  

புகைப்படக்கலைஞரான இவருக்கு எந்த ஆணையும் அல்லது பெண்ணையும் திருணம் செய்துகொள்ள விருப்பமில்லை.

 இங்கிலாந்தை சேர்ந்த கிரேஸ்  ஆணையோ பெண்ணையோ திருமணம் செய்ய விருப்பம் இல்லாத இவர் கடந்த 6 வருடமாக தன்னைதானே காதலித்து தன்னைதானே திருமணம் முடித்திருக்கின்றார்.

 டெவன் என்ற இடத்தில் தன் நண்பர்கள் உறவினர்களை அழைத்து அவர்களுக்கு விருந்து வழங்கிய பின்னர் கண்ணாடி முன்பு நின்று கொண்டு தனக்குத் தானே மோதிரத்தை அணிவித்து திருமணம் செய்து கொண்டார் கிரேஸ். கண்ணாடியில் தோன்றிய தனது உருவத்துக்கு தானே முத்தம் கொடுத்து அன்பையும் பறிமாறிக் கொண்டார்.

 கிரேசின் திருமணத்திற்கு வந்திருந்தவர்கள், இது வித்தியாசமான திருமண அனுபவத்தைப் பார்த்த அனுபவத்தைத் தந்ததாக கருத்துத் தெரிவித்துள்ளனர்.

3,805 Views
ஒவ்வோர் ஆண்டும் பல்வேறு துறைகளிலும் இடம்பெறும் ஆக்கபூர்வமான கண்டுபிடிப்புகளுக்காக நோபல் பரிசுகள் வழங்கப்படுவது தெரிந்ததே. இந்த ஆண்டும் மருத்துவத்துறைக்கான நோபல் பரிசு 3 பேருக்கு வழங்கப்படுகிறது.ஸ்வீடன் தலைநகர் "ஸ்டாக்ஹோம்" இல் வைத்து இந்த நோபல் பரிசை நோபல் பரிசுக்குழு  இன்று அறிவித்தது.

             மனிதனின் மூளை செல்கள் தொடர்பான கண்டுபிடிப்புக்காகவே இந்தப்பரிசு வழங்கப்படுகின்றது. அமெரிக்காவைச் சேர்ந்த நரம்பியல் விஞ்ஞானி ஜோன் ஓ கீஃப்,  மற்றும் நோர்வே நாட்டின் அறிவியல் மற்றும் தொழில்நுட்ப பல்கலைக்கழக விஞ்ஞானிகளான எட்வர்ட் ஐ மோசர்,அவரது மனைவி மே பிரிட் மோசர் ஆகிய மூவருக்குமே இந்த   மருத்துவ நோபல் பரிசு பகிர்ந்து வழங்கப்படுகின்றது.





                                    இந்த, மருத்துவத்துறைக்கான நோபல் பரிசுக்குரிய 1.1 மில்லியன் அமெரிக்கடொலர் பரிசுத்தொகையில் பாதி தொகை நோர்வே நாட்டின் விஞ்ஞானிகளுக்கு வழங்கப்படவிருக்கும் நிலையில்,மறுபாதி தனியொருவர் ஜோன் ஓ கீஃபுக்கு கிடைக்கவிருக்கிறது.    

                               இதேவேளை,எம்மைச் சுற்றியுள்ள இடத்தின் வரைபடத்தை மூளை உருவாக்குகின்ற விதம் மற்றும் ஆபத்தான,சிக்கலான சூழ்நிலையில் மூளை அதற்கேற்ப எம்மை எப்படி வழிநடத்தி செல்கிறது? போன்ற மூளை சம்பந்தமான பல விடயங்களை தெரிந்துகொள்வதற்கு இவர்களின் கண்டுபிடிப்புகள் உதவியாக இருக்கும் என்று நோபல் பரிசுக்குழு தெரிவித்துள்ளது.
1,561 Views

நீண்ட நாட்களுக்கு பின்னர் கருநிறத் தலைமுடியோடு அஜித் நடித்துவரும் படம் இதுவரை பெயர் இன்றியே படமாக்கப்பட்டு வருகின்றது.

அஜீத்துக்கு ஜோடியாக அனுஷ்கா, த்ரிஷா ஆகியோர் நடித்துள்ளனர். ஹாரிஸ் ஜெயராஜ் இசையில் அமைந்துள்ள இப்படத்தின் பாடல்களை நவம்பரில் வெளியிடப் போகிறார்களாம்.

பாடல்கள் தயாராகிவிட்டது,படமும் நிறைவுறும் நிலையில் உள்ளது,ஆனால் படத்துக்கான தலைப்பு மட்டும் இதுவரை வரவேயில்லை.

ஆயுத பூஜைக்கே படத்தின் தலைப்பை வெளியிடுவார்கள் என எதிர்பார்ப்பு நிலவியது.ஆனால் வெளியிடவில்லை. தீபாவளியை முன்னிட்டு இந்தப் படத் தலைப்பை வெளியிடத் திட்டமிட்டுள்ளார்களாம்.

இந்தப் படம் ஆரம்பிக்கப்பட்டு கிட்டத்தட்ட படப்பிடிப்பே முடியப் போகிறது. ஆனால் படத்தின் தலைப்பை அறிவிக்காமல் ரகசியம் காக்கிறார்கள். அஜீத் படங்களுக்கு அதை ஒரு ட்ரெண்டாகவே வைத்துவிட்டார்கள்.

கவுதம் மேனன் இயக்கத்தில் அஜித் நடிக்கும் படத்துக்கு பெயர் வைப்பதற்கு ஒரு இழுபறி நிலையே தொடர்கிறது.இன்னும் இன்னும் பெயர் இழுத்தடிக்கப்படும் நிலையில் தீபாவளிக்கு படமல்ல, படத்தின் தலைப்பை எதிர்பார்க்கிறார்கள்.

இப்படத்தின் தலைப்பாக ‘சத்யா' அல்லது ‘ஆயிரம் தோட்டாக்கள்' ஆகிய பெயர்கள் பரிசீலனையில் உள்ளது. இதுதவிர, மேலும் 3 தலைப்புகளை கௌதம் மேனன் பரிசீலனையில் வைத்திருப்பதாகக் கூறப்படுகிறது.

எது எப்படியாயினும் படம் வெளிவந்தால் போதும் என்ற நிலையில் இப்போது தல ரசிகர்கள் தவம் கிடக்கிறார்கள்.

தல 55 - புத்தம்புதிய படங்கள்

 
 
1,770 Views

இந்தியாவில் கிரிக்கெட் பிரபலம் அடைந்த அளவுக்கு அங்கு கால்பந்தாட்டம் பிரபலம் இல்லை என்பது அனைவரும் அறிந்ததே.

இந்தநிலையில் அங்கு கிரிக்கெட் போன்று கால்பந்தையும் பிரபலமாக்கும் முனைப்பில் ISL "இந்தியன் சூப்பர் லீக்" கால்பந்து போட்டிகள் ஏற்பாடு செய்யப்பட்டுள்ளது.

எந்த போட்டி தொடர் எதிர்வரும் 12 ம் திகதி ஆரம்பமாகி டிசம்பர் 20 வரை இடம்பெறவுள்ளது.

இந்தநிலையில் ஒரு கால்பந்தாட்ட அணிக்கு இந்திய கிரிக்கெட் அணியின் தலைவர் தோனியை அணியின் இணை உரிமையாளாராக்கும் முனைப்புக்கள் மேற்கொள்ளப்படுகின்றன. Bollywood நட்சத்திரம் அபிஷேக் பச்சன் உரிமையாளராகவுள்ள Chennaiyin FC என்ற கழகத்திற்கே தோனியை அணியின் இணை உரிமையாளாராக்கும் முனைப்புக்கள் மேற்கொள்ளப்படுகின்றன.

ஏற்கனவே விராட் கோஹ்லி FC Goa அணிக்கும் ,முன்னாள் தலைவர் கங்குலி Atletico de Kolkata அணிக்கும், சச்சின் டெண்டுல்கர் Kerala Blasters அணிக்கும் இணை உரிமையாளர்களாக நியமிக்கபட்டமை குறிப்பிடத்தக்கது.

1,509 Views
[1]      «      259   |   260   |   261      »      [274]
Hot Gossip


Recent Gossip Post




Top 10 Commenters

Latest Comments

Top