Rayynor Silva,Raynor Silva Holdings,RaynorSilva,RayynorSilva

Sooriyan Gossip, Sooriyan news, Gossip Lanka News | Sooriyangossip | Sooriyan Gossip | Sooriyan Fm Gossip | Sooriyan Gossip Official Web Site | Gossip Lanka - திக்கெட்டும் வேறெங்கும் கிட்டாத கிக்கான கிளுகிளு கிசுகிசு இங்கு மட்டும்.

Rayynor Silva,Raynor Silva Holdings,RaynorSilva,RayynorSilva,Sooriyan Gossip, Sooriyan news, Gossip Lanka News | Sooriyangossip | Sooriyan Gossip | Sooriyan Fm Gossip | Sooriyan Gossip Official Web Site | Gossip Lanka - திக்கெட்டும் வேறெங்கும் கிட்டாத கிக்கான கிளுகிளு கிசுகிசு இங்கு மட்டும்.


இலங்கையின் மத்திய மலைநாட்டில் காசல் ரீ பிரதேசத்தில் குணதாச என்பவரின் வீட்டு தோட்டத்தில் உள்ள வாழை மரத்தில் அதிசயமான முறையில் வாழைக்குலை ஒன்று காய்த்துள்ளது.

வாழைக்குலை தோன்றும்போது பூமியை நோக்கியே காய்ப்பது வழமை.
ஆனால் இவ் வாழைக்குலை வானத்தை நோக்கியவாறே காணப்படுகின்றமை அதிசயமானதாகும்.

இதற்கு முன்பதாக இவ்வாறு காய்த்ததில்லையெனவும் இதுவே முதல் தடவை என குணதாசவின் மனைவி ரம்யாமாலினி தெரிவித்தார்.

இந்த அதிசய வாழைக்குலையை இப்பிரதேச மக்கள் மட்டுமல்லாமல் வெளியிடங்களிலிருந்தும் அதிகளவான மக்கள் வருகை தந்து பார்வையிடுகின்றமை குறிப்பிடத்தக்கது.

அதிசய வாழைக்குலை படங்கள் 









4,991 Views
ஷங்கர் இயக்கத்தில் விக்ரம் நடித்துவரும் திரைப்படம் 'ஜ'. இந்த திரைப்படத்தில் விக்ரம் கொஞ்சம் வித்தியாசமான தோற்றத்தில் தோன்றுகிறார். மிக கஷ்டப்பட்டு எடையை குறைத்து மெலிந்து ஒல்லியாக நடிக்கிறார். இவருக்கு ஜோடியாக எமி ஜெக்சன் நடிக்கின்றமையும் குறிப்பிடதக்க விடயம். இதன் படபிடிப்புகள் அதிக செலவில் வெளிநாடுகளில் படமாக்கப்படுகிறது இது அனைவரும் அறிந்ததே.

ஆஸ்கார் பிலிம்ஸ் தயாரிக்கும் இப்படத்திற்கு இசைப்புயல் ஏ. ஆர் ரஹ்மான் இசையமைத்துள்ளார்.

இவரின் இசையில் அனிருத் ஒரு பாடலை பாடியுள்ளார்;. தமிழ் திரையுலகில், ஒரு இசையமைப்பாளரின் இசையில் இன்னொரு இசையமைப்பாளர் பாடுவது புதிதல்ல. பிற இசையமைப்பாளர்களின் இசையில் பாடியுள்ள அனிருத் A.R.ரஹ்மானின் இசையில் பாடுவது இதுவே முதல் தடவை.

இவ் விடயத்தை இயக்குனர் சங்கர் தனது டுவிட்டர் தளத்தில் பதிவேற்றியுள்ளார். படம் ரிலீசுக்கு தயாராகிவிட்டது. பாடல் வெளியீட்டு விழாவை மிக பிரம்மாண்டமாக கனடாவில் நடாத்த திட்டமிட்டுள்ளனர் படக்குழுவினர். ரஹ்மானின் இசையில் அனிருத்தின் பாடலை எதிர்பார்த்து காத்திருக்கின்றனர் ரசிகர்கள்.
2,275 Views
"என் பெயர் லூ வின்சென்ட், நான் ஒரு ஏமாற்றுக்காரன் "
கிரிக்கெட் சூதாட்டக்காரர் வின்சென்ட் இன்று வாக்குமூலம் கொடுத்தார்.

கிரிக்கெட் சூதாட்டத்தில் ஈடுபட்டு ஆயுள் தடை விதிக்கப்படும் நிலையில் உள்ள முன்னாள் நியூசிலாந்து வீரர் லூ வின்சென்ட் தனது தவறுகளை ஒப்புக் கொண்டு இன்று பரபரப்பு வாக்குமூலம் அளித்துள்ளார்.

இவர் மீது இங்கிலாந்து கிரிக்கெட் சபை 14 சூதாட்டப் புகார்களை எழுப்பியது. 2011ஆம் ஆண்டு Sussex அணிக்கு ஆடிய போது இரண்டு போட்டிகளில் சூதாட்டத்தில் ஈடுபட்டதாகவும்,  Lancashire  அணிக்கு எதிரான இருபது ஓவர் போட்டி, Kent அணிக்கு எதிரான 40 ஓவர் கிரிக்கெட் போட்டிகளில் இவர் சூதாட்டம் அம்பலமாகியுள்ளது.

இதுமாத்திரமல்லாமல்  முன்னாள் வீரர்கள் பலரிடம் இவர் சென்று  மோசமாக ஆட பணம் தருவதாக  கூறியதும் அவர்கள் அதனை  மறுத்ததும், பின்பு வின்சென்ட் இதனை  ஒப்புக்கொண்டதும் அண்மைய நாட்களில் பரபரப்பான விடயமாக மாறியிருந்தது.

இந்தநிலையில் இவர் தற்போது வெளிப்படையாக தனது தவறுகளை ஒப்புக் கொண்டு அளித்துள்ள ஒப்புதல் அறிக்கையில் பல திடுக்கிடும் உண்மைகளை கிரிக்கெட் உலகுக்கு சொல்லியுள்ளார்.

"நான் ஒரு ஏமாற்றுக்காரன், தொழில்பூர்வ விளையாட்டு வீரர் என்ற எனது தகுதியை துஷ்பிரயோகம் செய்து விட்டேன். ஆட்டத்தை முன்கூட்டியே நிர்ணயம் செய்ய பணம் வாங்கினேன்.

இந்த இருண்ட ரகசியத்துடன் நான் பல ஆண்டுகள் வாழ்ந்துள்ளேன். ஆனால் சில மாதங்களுக்கு முன்பு தவறை உணர்ந்து உண்மையைக் கூற முடிவெடுத்தேன். இந்த உண்மை நியூசிலாந்து கிரிக்கெட்டில் குழப்ப நிலையையும் , சர்வதேச கிரிக்கெட் உலகில் சர்ச்சைகளையும் கிளப்பியுள்ளது.

நான் எனது நாட்டிற்கும், கிரிக்கெட்டிற்கும் தீராப்பழியை உருவாக்கி விட்டேன். எனக்கு நெருக்கமானவர்களையும் இதன் மூலம் அவமானப்படுத்தி விட்டேன். நான் என் மீதும் என் ஆட்டத்தின் மீதும் நம்பிக்கை இழந்து விட்டேன், நான் நேசித்த இந்த விளையாட்டை துஷ்பிரயோகம் செய்து கறைப்படுத்தி விட்டேன்.

நான் செய்த தவறுகளை நானேதான் சரிசெய்ய முடியும்.
நான் செய்த தகாத காரியங்களின் விளைவுகளைச் சந்திக்கும் நேரம் வந்து விட்டது. விளைவுகளை ஒரு மனிதனாக நான் ஏற்கக் கடமைப்பட்டுள்ளேன்...

இது முழுதும் என்னுடைய தவறே, என்னால் இனி கிரிக்கெட் ஆட்டத்தின் முன் ஒரு நாணயமான மனிதனாக நிற்க முடியாது.
எனக்குக் கொடுக்கப்படும் தண்டனையை ஏற்கிறேன்."

இவ்வாறு கூறிய வின்சென்ட் தனது மனைவியினால் உண்மையைக் கூறும் தைரியம் பெற்றதாகத் தெரிவித்துள்ளார். அதன்மூலமாகவே இவ்வளவு நாளும் பொத்தி பொத்தி மறைத்து வைத்த உண்மைகளை இன்று சொன்னதாகவும் அவர் குறிப்பிடுள்ளார்.

ஜூன் மாதம் பங்களாதேஷ் பிரிமியர் லீக் போட்டிகளில் சூதாட்டத்தில் ஈடுபட்டமைக்காக 3 ஆண்டு தடை விதிக்கப்பட்ட நிலையில் இங்கிலாந்து கிரிக்கெட் சபையும் இவருக்கு வாழ்நாள் தடை விதித்துள்ளது.

இவர் நியூசிலாந்து கிரிக்கெட் அணி சார்பாக 2001-2007 வரையான காலப்பகுதியில் 23 டெஸ்ட்,103 ஒருநாள் போட்டிகள்,9 Twenty 20 போட்டிகளிலும் பங்கெடுத்துள்ளமை குறிப்பிடத்தக்கது. 

சூதாட்டத்தை முற்றாக ஒழிப்பதற்காக சர்வதேச கிரிக்கெட் சபை பல நடவடிக்கைகளை முன்னெடுக்கையில் அடிக்கடி புதிது புதிதாக சூதாட்ட தகவல்கள் அம்பலமாகி அதிர்ச்சி கொடுக்கின்றமை கிரிக்கெட் ரசிகர்களுக்கு அதிர்ச்சி + கவலையே.
 
 
 
2,119 Views
இதோ தமிழக அரசியலைக் கலக்கப்போகிறார் என்று கருதப்பட்டவர் நடிகை குஷ்பு. திமுகவில் இணைந்ததோடு திமுக தலைவர் கலைஞர் கருணாநிதியின் அன்பையும் வென்று முக்கிய உறுப்பினர்களில் ஒருவராகக் கருத்தப்பட்ட குஷ்பு நாடாளுமன்றத் தேர்தலிலும் போட்டியிடுவார் என்று கருதப்பட்டவர்.

எனினும் போட்டியிட வாய்ப்பும் கிடைக்கவில்லை.

அதன் பின்னர் ஸ்டாலினின் கை ஓங்க குஷ்பு கொஞ்சம் ஒதுக்கப்பட்டது போல் தெரிந்தது.

அதன் பின் அனைவரும் ஆச்சரியப்படும் விதமாக திடீரென்று திமுகவிலிருந்து விலகினார்.

திமுகவில் இருந்து விலகிய கையோடு கனடாவில் உள்ள தமிழர் அமைப்புகளின் அழைப்பை ஏற்று நிகழ்ச்சிகளில் பங்கேற்க அங்கு சென்றார் குஷ்பு.

கனடாவில் நடைபெற்ற ஒரு நிகழ்ச்சியில் மேடையில் உராகமாக,கண்ணைக் கவரும் சேலையில் தோன்றி ரசிகர்களை வசீகரித்த குஷ்பு, மேடையில் பாடிய பாடல்களுக்காக நடனமும் ஆடி வந்திருந்த கூட்டத்தினரை மகிழ்வித்தாராம்..!

(ஒருவேளை திமுகவில் இருந்து விலகிய சந்தோஷமா இருக்குமோ..

(அப்பாடா இனி ஆட்டமும் பாட்டுமாக இருந்தால் சரி.. சரசியல் தலைவலி, கும்பிடு கூத்து எல்லாம் தேவையில்லை என்று நினைத்திருப்பாரோ?)

குஷ்புவின் குத்து நடனப் படங்கள் இதோ..
























11,455 Views
MCC - Marylebone Cricket Club​ என்ற கிரிக்கெட்டின் மிகப்பழமையான இங்கிலாந்தின் கிரிக்கெட் கழகத்தின் சிறப்பு நிகழ்வாக ஒரு கண்காட்சிக் கிரிக்கெட் போட்டி இடம்பெறவுள்ளது. 

MCC கழகம் கிரிகெட் விளையாட்டுக்கு விதிகளை சீர்தரப்படுத்தி கட்டுப்பாடுகளை ஆளுகை செய்யக்கூடிய ஒரு கழகமாக உருவெடுத்தது 1887 இல். அப்போது இருந்தே லோர்ட்ஸ் மைதானத்தில் நிலை கொண்டதுடன் மைதான உரிமையாளராகவும் இயங்கி வருகிறது. 

MCC என பெயருடன் 1987 இல் மீளுருவாக்கம் பெற முன்னரே அக்கழகம் 18 ஆம் நூற்றாண்டின் முற்பகுதியில் இருந்தே வேறு பெயர்களில் ஒரு மேல்தட்டு குமுக்காய கழகமாக இயங்கி வந்திருக்கிறது. 

இந்தப் புகழ்பெற்ற கழகத்தின் ஆளுகைக்குட்பட்ட லோர்ட்ஸ் மைதானத்தின் 200வது ஆண்டு நிறைவை சிறப்பிக்குமுகமாக எதிர்வரும் 5ஆம் திகதி லண்டன் லோர்ட்ஸ் மைதானத்தில் இடம்பெறும் ​​நட்சத்திர கண்காட்சி கிரிக்கெட் போட்டி உலகின் முன்னாள், இந்நாள் சர்வதேச நட்சத்திரங்களை இரு அணிகளாகப் போட்டியிட்டுப் பார்க்கும் அரிய சந்தர்ப்பத்தை வழங்கியுள்ளது.

MCC​ அணியின் தலைவராக இந்தியாவின் துடுப்பாட்டக் கடவுள் சச்சின் டெண்டுல்கர் கௌரவ நியமனம் பெற்றுள்ளார்.
மறுபக்கம், Rest of the World​ அணியின் தலைவராக அவுஸ்திரேலிய சுழல்பந்து மன்னன் ஷேன் வோர்ன் அறிவிக்கப்பட்டுள்ளார்.

இலங்கையின் உலக சாதனை நட்சத்திரம் முரளிதரன் ஷேன் வோர்னின் அணியில் இடம்பெற்றுளார்.

முன்னாள் மேற்கிந்தியத் தீவுகளின் உலக சாதனையாளர் பிரையன் லாரா, இந்தியாவின் ராகுல் டிராவிட், அடம் கில்க்ரிஸ்ட், ப்ரெட் லீ, சந்தர்போல், கெவின் பீட்டர்சன், சயீட் அஜ்மல், சேவாக், அஃப்ரிடி போன்றோரும் விளையாடவுள்ளனர்.



கண்காட்சிப் போட்டி தானே என்று கணக்கெடுக்காமல் விடாமல், இப்பொழுதே பயிற்சிகளில் இறங்கியுள்ளார்கள் நட்சத்திரங்கள். 
 
இந்த 50 ஓவர்கள் கொண்ட கண்காட்சிப் போட்டியின் டிக்கெட்டுக்கள் அத்தனையும் பரபரப்பாக விற்றுத் தீர்ந்திருக்கின்றன.

சில செய்ம்மதித் தொலைக்காட்சிகளும் நேரலையாக இந்தப் போட்டியைக் காண்பிக்கவுள்ளன.
4,524 Views
தமிழ்த் திரை உலகினர் அனைவரும் இணைந்து கலைநிகழ்ச்சிகள், பேரணிகள், ஊர்வலங்கள் இவையெல்லாம் தாண்டி படப்பிடிப்புக்கள் இல்லாத நேரம், (அல்லது வாய்ப்புக்கள் இல்லாத நேரம்) விளையாட்டுகளில் ஈடுபடுவது வழக்கம். 
 
ஏற்கனவே இவர்களால் ஒன்றாக இணைந்து 'நட்சத்திர கிரிக்கெட்' - Celebrity Cricket League என்று தொடங்கப்பட்டது. இது கிரிக்கெட் ரசிகர்கள் மத்தியில் மிகவும் பிரபலமானது. 
   


     

இதே போல தமிழ் திரையுலகினர் அனைவரும் ஒன்று சேர்ந்து பெட்மிட்டன் போட்டிகளை நடாத்த 'இந்தியன் பட்மின்டன் செலிபிரட்டி லீக்' என்ற அமைப்பு திட்டமிட்டுள்ளது.
 
இதில் கலந்துகொள்ள பல பிரபலங்கள் ஆர்வம் காட்டி வருவதோடு, இப்போதே அவர்களின் பெயர்களையும் பதிவு செய்து வருகின்றனர். இதுவரைக்கும் ஆர்யா, பரத், ஜெய், ஜெயம் ரவி, வீ.டி.வீ கணேஷ், வெங்கட்பிரபு, பிரேம்ஜி, உதய், ஆதி, மேலும் பலரும், நடிகைகளில் அமலா பால், லக்ஷ்மி ராய், ரூபா மஞ்சரி, ஜனனி ஐயர் ஆகியோரும் அடங்குவர். 
இதற்கான பயிற்சிகள் எதிர்வரும் ஜுலை மாதம் முதல் ஆரம்பிக்கப்படவுள்ளது. நேரு உள்ளக விளையாட்டரங்கில் நடைபெறவுள்ள இப்போட்டிகளின் தொடக்க விழா ஜுலை மாதம் 8ம் திகதி நடைபெறவுள்ளது. இதில் வசூலாகும் நிதியை பட்மின்டன்வீரர்களின் நலன்கருதி செலவிடவுள்ளனர் என்பதும் குறிப்பிடத்தக்க விடயம்.  
 
எல்லாம் நல்லா நடந்தா சரி தான்.. 
 
1,773 Views
நம்ம சூப்பர் ஸ்டார் ரஜினிகாந்த் நடிப்பில் மிக வேகமாக வளர்ந்துவருகின்ற திரைப்படம்தான் இந்த 'லிங்கா'. 
 
இந்தப் படத்தைப் பொறுத்தவரைக்கும், கோச்சடையானை எந்தளவு எதிர்பார்த்தோமோ அதேயளவுக்கு அமோகமான எதிர்பார்ப்பு ஏற்பட்டுள்ளது. அனிமேசனில் உருவான கோச்சடையான் கொஞ்சம் இரசிகர்களை ஏமாற்றி விட்டதனால், அதிரடியான ரஜினியை இரசிகர்கள் எதிர்பார்க்கிரார்கள். 
 
எனவே, லிங்காவில் அப்படியான  அனைவரதும் விருப்புக்கும் ஏற்ப  ரஜினிகாந்தின் பாத்திரம் செதுக்கப்பட்டுள்ளதாம். 
 
       என்ன மாதிரியான பாத்திரத்தில் ரஜினி வரப் போகிறார் இந்தப்படத்தில் என்பது நமது தேடலாக இன்றுவரை தொடந்து கொண்டிருந்த நேரத்தில், சும்மா அசை போட்ட வாய்களுக்கு அவல் கொடுக்கும் செய்தியாக சூப்பர் ஸ்டாரின் கரெக்டர் பற்றிய செய்தி கசிந்துள்ளது. 
   வக்கீல் பாத்திரத்தில் தான் லிங்காவில் ரஜினிகாந்த் உலாவப் போகிறார். அதிரடியான வசனங்களும் காட்சிகளும் படத்தில் அதிகமாக இடம்பெறுகிறதாம் என்பது இன்னொரு ஸ்பெஷல். 
(இன்னொரு பக்கம் ரஜினி மாவட்ட கலெக்டராக வந்து அரசியல்வாதிகளைக் கதிகலங்க வைக்கிறாராம் என்று இன்னொரு பேச்சும் உலாவுகிறது)
 
எனவே, ஆவலோடு காத்திருக்கும் இரசிக கோடிகள், இன்னும் ஒரு படி மேலே போய், லிங்காவை எதிர்பார்க்க ஆரம்பித்திருக்கிறார்கள் இப்பொழுது!
 
கோச்சடையான் போல இல்லாமல், கொஞ்சம் இரசிக்கும்படி வந்தால் நாங்களும் வாழ்த்துக்கள் சொல்வோம் 
 
(அம்புட்டுதான் இப்போதைக்கு)
 
3,387 Views
இன்று முதல் UltraTech Super 4s 


இலங்கையின் முன்னணி சர்வதேச கிரிக்கெட் நட்சத்திரங்கள் அத்தனை பெரும் இந்தப் போட்டிகளில் பங்கெடுக்கின்றனர்.
 
மத்தியூஸ், மலிங்க, சந்திமால், திரிமன்ன ஆகிய நால்வரும் சம பலமாகப் பிரிக்கப்பட்டுள்ள நான்கு அணிகளுக்குத் தலைமை தாங்குகின்றனர்.



ஸ்கோர் விபரங்களையும் புதிய செய்திகளையும் சூரியன் மூலம் அறிந்திடுங்கள்.
 
உங்கள் அபிமான கிரிக்கெட் நட்சத்திரங்களை நேரில் கண்டுகளிக்கும் வாய்ப்பையும் பெற்றிடுங்கள்.

அனைத்துப் போட்டிகளும் கொழும்பு SSC மைதானத்தில் - அனுமதி இலவசம்.

களமிறங்கும் 4 அணிகள் 


Western Troopers
------------------------

Angelo Mathews - Captain, Udara Jayasundara, Dilshan Munaweera, Kithruwan Vithanage, Kaushal Gajasinghe, Chathuranga De Silva, Kosala Kulasekera, Kanishka Alvitigala, Suranga Lakmal, Lahiru Gamage, Isuru Udana, Sachitra Senanayake, Janaka Gunarathne, Dimuth Karunarathne, Gayan maneeshan, Shehan Fernando, Pawan Devinda, Vishva Fernando, Banuka Rajapaksha

Yaal Blazers
----------------

Dinesh Chandimal - Captain, Mahela Udawatte, Chamara Kapugedera, Ashan Priyanjana, Mahela Jayawardana, Jeewan Mendis, Thisara Perera, Shaminda Eranga, Chaminda Bandara, Ramith Rambukwella, Rangana Herath, Akila Dananjaya, Rumesh Buddika, Anuk Fernando, Alankara Asanka, Dushmantha Chameera, Chaturanga Kumara, S. Sanjeewan, Sahan Wijerathna

Udarata Rulers
-------------------

Lahiru Thirimanna - Captain, Upul Tharanga, Shehan Jayasuriya, Kumar Sangakkara, Chamara Silva, Asela Gunarathna, Milinda Siriwardana, Nuwan Kulasekera, Dilhara Lokuhettige, Dammika Prasad, Lahiru Jayarathne, Ajantha Mendis, Suraj Randiv, Nuwan Pradeep, Kaushal Lokuarachchi, Dananjaya De Silva, Dasun Chanaka, Malinga Bandara, Primal Perera

Southern Express
---------------------

Lasith Malinga - Captain, T.M.Dilshan, Kusal Janith Perera, Danushka Gunathilaka, Angelo Perera, Jehan Mubarak, Niroshan Dickwella, Dilruwan Perera, Seekuge Prasanna, Ishan Jayarathne, Farveez Maharoof, Kasun Madushanka, Binara Fernando, Yashoda Lanka, Sadun Weerakkody, Charith Jayampathi, Andy Solomons, Sachith Pathirana, Lakshan Sandaken

2,035 Views
உலகத்தில் முதன் முதலாக செய்தி வாசிக்கும் ரோபோக்களை ஜப்பானிய விஞ்ஞானிகள் உருவாக்கி சாதனை படைத்துள்ளனர்

ஜப்பானில் உள்ள இஷ்கியுரோ என்ற விஞ்ஞானி தனது குழுவினருடன் சேர்ந்து உருவாக்கி அந்த ரோபோக்களை செய்திகளை வாசிக்க வைத்துள்ளார்.





இந்த ரோபோவுக்குள் செய்திகள், தரவுகளை ஏற்கனவே பதிவு செய்துவிடுவார்களாம் பின்னர் அவை தானாகவே செய்தி வாசிக்க ஆரம்பித்துவிடும். தெளிவான உச்சரிப்புடன், முகபாவனையுடன் ஒரு பெண் செய்தி வாசிப்பது போல் வாசித்து அசத்துகின்றது இந்த ரோபோக்கள.

இந்த செய்தி வாசிக்கும் ரோபோக்கள் இரண்டு வகைகளில் உருவாக்கப்பட்டுள்ளன. குழந்தை ரோபோ ரோபோ இது மழழை மொழியில் செய்தி வாசிக்கும். வயது வந்தவர்கள் ரோபோ என்பது இன்னுமொரு வகை.





இது குறித்து இந்த ரோபோவினை தயாரித்த இஷ்கியுரோ கூறுகையில் எதிர்காலத்தில் இன்னும் புத்திக்கூர்மையான ரோபோக்களை உருவாக்க திட்டமிட்டுள்ளேன் என்றார்.

இந்த செய்தி வாசிக்கும் ரோபோக்கள் தற்பொழுது தலைநகர் டோக்கியோவில் உள்ள அருங்காட்சியத்தில் பார்வையாளர்களின் பார்வைக்கு வைக்கப்பட்டுள்ளது.

ரோபோ செய்திகள் வாசிக்கும் அதிசயக் காணொளியை இங்கே காணுங்கள் 
1,931 Views
கனடாவைச் சேர்ந்த வில்லியம் - லூசி எனும் தம்பதியினர் கடந்த 54 ஆண்டு காலமாக இல்லற வாழ்வில் மிக சந்தோஷமாக இணைந்து வாழ்ந்தவர்கள். இவர்களுக்கு மூன்று பிள்ளைகளும் உள்ளனர். இவர்கள் இருவருக்கும் இடையில் முரண்பாடுகள், சண்டை சச்சரவுகள், மனக்கசப்புகள் இருந்ததே இல்லையாம். இதற்கு ஆதாரம் இவர்களின் பிள்ளைகள்.

இப்படியிருந்த தம்பதியினருக்கு, இருவருக்குமே புற்றுநோய் இருப்பதை மருத்துவர்கள் கண்டுபிடித்தனர், இந்த கசப்பான விடயம் கூட இவர்களின் அன்பிற்கு இடையூறாக இருக்கவில்லை.
ஓ அப்படியா என்று கேட்டவர்கள்.....
ஒரே வைத்தியசாலையில் ஒரே அறையில் சிகிச்சை பெற்று வந்தனர்.

இந்நிலையில் கடந்த சில நாட்களுக்கு முன்பு வில்லியம்ஸின் அன்பு மனைவி லூசி இறந்துள்ளார், அதை அடுத்துவந்த 11 மணித்தியாலத்தில் வில்லியம்சும் இறந்துள்ளார்.
தன் அம்மா தனியாக இருப்பதை அப்பா எப்போதும் விரும்புவதில்லை என பிள்ளைகள் தெரிவிக்கின்றனர். மேலும் அப்பாவும், அம்மாவும் மிகவும் ஒற்றுமையாக வாழ்ந்தவர்கள். அவர்களை சுற்றியிருப்பவர்களை எப்போதும் சந்தோஷமாக வைத்துக்கொள்வார்கள் எனவும் கூறியிருந்தனர்.

இதை படிக்கும் போது இந்த காலத்தில் இப்படி ஒரு தம்பதியினரா என வியக்கின்றீர்களா? சில உண்மைகள் வியக்கவும் எம்மை நெகிழவும் வைக்கும்.
3,482 Views
ரசிகர்கள் மனம் கவர் நடிகை என்ற கருத்துக் கணிப்பில் ஷ்ருதி ஹாசன் முதல் இடத்தில் உள்ளார். ஐதராபாத்தைச் சேர்ந்த ஒரு நிறுவனம் இந்த கருத்து கணிப்பை நடத்தியிருந்தது.

இதில் அதிகமானோர் ஷ்ருதி ஹாசனுக்கு வாக்களித்திருந்தனர். ஷ்ருதி ஹாசன் சமீபத்தில் நடித்து வெளியான திரைபடங்கள் அனைத்தும் சுப்பர் ஹிட்டான நிலையில், இவர் அதிகமான ரசிகர்களை கவர்ந்துள்ளார் என்பது தெரியவந்துள்ளது.

இவர் இப்போது தமிழில் 'பூஜை' படத்தில் நடித்துக்கொண்டிருகின்றார், இது தவிர ஹிந்தியில் நான்கு திரைப்படங்கள் கைவசம் உள்ளது.
ஆரம்ப காலகட்டத்தில் ஷ்ருதி ஹாசனுக்கு அவ்வளவான வாய்ப்புகள் கிடைக்கவில்லை, இருப்பினும் கிடைத்த வாய்ப்புகளை சரியான முறையில் பயன்படுத்தியுள்ளார் என்றே சொல்ல வேண்டும்.



அண்மைக்காலமாகவே ஷ்ருதி அதிக பரபரப்பைக் கிளப்பிய நாயகியாக இருந்திருந்தார் என்பது அவரது பெயரை எப்போதும் கிசுகிசுக்களிலும் தலைப்புச் செய்திகளிலும் வைத்திருந்தது.

தெலுங்கு படமொன்றில் கவர்ச்சி மழையில் ரசிகரை நனைய வைத்தது, பின்னர் கிரிக்கெட் வீரர் சுரேஷ் ரெய்னாவுடன் காதல் என்ற கிசுகிசு..

​இப்படி எங்கே பார்த்தாலும் ஷ்ருதியே பேச்சு.​

இக்கருத்துக்கணிப்பில் தமன்னா 2ம் இடத்திலும், நயன்தாரா, காஜல் அகர்வால், ஷ்ரேயா, ஆகியோர் முதல் 10 இடங்களிலும் உள்ளமை குறிப்பிடத்தக்க ஒரு விடயமாகும்.

கடந்த வருடம் நடாத்தப்பட்ட கருத்துக்கணிப்பில் முதலிடத்திலிருந்த சமந்தா 12 ம் இடத்திற்கு தள்ளப்பட்டுள்ளமை சமந்தா ரசிகர்களுக்கு கவலையான விடயம் தான்.
3,441 Views
நேற்றிரவிலிருந்து மீண்டும் ஒரு தடவை இலங்கை அரச இணையத்தளங்கள் மீது இணைய முடக்கத் தாக்குதல்கள் (hacking) மேற்கொள்ளப்பட்டுள்ளன.
இதுவரை 352 இணையத்தளங்கள் முடக்கப்பட்டுள்ளன.


முன்னதாக நேற்றிரவு OP Sri Lanka என்ற ட்விட்டர் கணக்கிலிருந்து அனுப்பப்பட்ட ட்வீட் ஒன்றில் 
Extremist ‘Bodu Bala Sena’ bodubalasena.org has been TangoDown #OpSriLanka #BBS @HackerBrigade #CrimesAgainstHumanity
(இனத்துவேஷமான பொது பலசேனவின் இணையத்தளம் வீழ்த்தப்பட்டது)
என்ற விடயம் குறிப்பிடப்பட்டிருந்தது.
 
அதேபோல இப்போது வரை பொது பலசேனவின் இணையத்தளம் இயங்க முடியாமல் முடக்கப்பட்டுள்ளது.



இன்னும் பல அரச இணையத்தளங்களும் முடங்கியே இருக்கின்றன.
 
நாட்டு சூழ்நிலையில் பாதிக்கப்பட்டுள்ள மக்களின் பிரதிபலிப்பாக வெளிநாடுகளில் இயங்கும் hackers கூட்டமைப்பின் எதிர்ப்பு வெளிப்பாடே இது என்று ட்வீட்களை அவர்கள் வெளியிட்டுள்ளனர்.
 
பிரதமர் அலுவலகம் Primeminister.gov.lk, வெளிநாடுகள் பலவற்றுக்கான தூதரகங்கள், Sri Lanka Transport Authority, Ceylon Petroleum, the Employee’s Trust Fund website, Ports Authority, National Institute of Health, Department of Lotteries என்று பல முக்கிய தளங்கள் ஹக் செய்யப்பட்டுள்ளன.


ஜனாதிபதியின் தளம் உட்பட சில அரச இணையத்தளங்கள் தற்போது மீட்கப்பட்டு இயங்க ஆரம்பித்துள்ளன.
 
கடந்த ஏப்ரல் மாதம் இதே போல இலங்கையின் அரச இணையத்தளங்கள் மீது துருக்கி, ஆப்கானிஸ்தான் மற்றும் இன்னும் சில மத்திய கிழக்கு மற்றும் கிழக்காசிய நாடுகளின் hackers குழுமங்கள் OP Sri Lanka - Operation Sri Lanka என்னும் பெயருடன் இணையவெளிப் போரைப் பிரகடனப்படுத்தி நூற்றுக்கணக்கான இணையத் தளங்களை முடக்கியதோடு, அந்த இணையத்தளங்களின் சகல விபரங்களையும் (login details) வெளிப்படுத்தியிருந்தார்கள்.
 
இலங்கையில் பாதிக்கப்பட்ட தமிழ் மக்களின் எதிர்ப்புக்குரல் என்று 'கறுப்பு மே' மாதத்தை நினைவு கூர்ந்ததாக அந்த OP Sri lanka குழுமம் தெரிவித்திருந்தது.
 
எனினும் சில மணி நேரங்களின் பின்னர் அனேக தளங்கள் மீண்டும் மீட்கப்பட்டு செயற்பட வைக்கப்பட்டன. 
 
எனினும் இப்போதைய தாக்குதல் கடந்த ஞாயிறு பொது பலசேன முஸ்லிம் மக்கள் மீது கட்டவிழ்த்த சம்பவங்களின் எதிரொலி என்று கருதப்படுகிறது.
 
அதிலும் முதல் குறியாக பொது பலசேனவின் தளம் முடக்கப்பட்டதும் அதையே காட்டியிருக்கிறது.
 
11,635 Views
திரையுலக பிரபலங்கள் அரசியலுக்கு வருவது சகஜம். 
இது என்ன புது விடயமா என நீங்கள் கேட்கலாம். 
ஆம் புதிதல்ல! 
வருவது புதிதல்ல வந்து சாதிப்பது தான் புதிது & பெரியது.
 
பலர் திரையுலகில் சாதிக்கும் அளவிற்கு அரசியலில் சாதிப்பதில்லை. இந்நிலையில் இருதுறையிலும் வெற்றிக்கொடி நாட்டியவர் தான் எம்.ஜி.ஆர் அவர்கள்.
 
இவரைத்தொடர்ந்து ரஜினி வருவார் என எதிர்பார்க்கப்பட்டு வந்த போதும், அரசியலுக்கு வருவீர்களா எனும் கேள்விக்கு மௌனம் மட்டுமே அவருடைய பதிலாக இருந்தது இருந்து வருகிறது. 

இது இப்படியிருக்க சில வருடங்களுக்கு முன்பு இளைய தளபதி 'விஜய் மக்கள் இயக்கம்' என ஒரு  இயக்கத்தை ஆரம்பித்தார். இதன் பின்னர் இவருடைய நிஜ வாழ்விலும் சரி படங்களிலும் சரி அரசியல் பார்வை இருந்து வந்தது. அரசியல் தொடர்பான வசனநடைகள் இருந்து வந்தது. 
 
குறிப்பாக 'தலைவா' 'துப்பாக்கி' போன்ற திரைப்படங்களுக்கு பல தடைகளும் விதிக்கப்பட்டிருந்தது. இப்பிரச்சினையானது சுமூகமான முறையில் தீர்க்கப்பட்டிருந்த போதிலும் இவருக்கு தமிழக அரசினாலும் அரசின் முதல்வரினாலும் ஏற்பட்ட பல சவால்களுக்கு முகம் கொடுக்க வேண்டியிருந்தது. 
 
இப்போது இதற்கு பதில் அளிக்கும் விதமாக அவர் 'நான் எப்போதும் சத்தமில்லாமல் மக்களுக்கு உதவி செய்து வருகிறேன், எனவும் இன்னும் இன்னும் எதிர்காலத்தில் உதவி செய்வேன்' என்றும் கூறியுள்ளார். 
 
இந்த பதில் இவர் அரசிலுக்கு வருவது தொடர்பில் சூசகமாக உள்ளது என சினி வட்டாரம் தெரிவிக்கின்றது.
 
விஜய்ணா மீண்டுமா என்று தளபதி ரசிகர்கள் அங்கலாய்ப்பார்களே...
3,971 Views
ஆச்சரியப்பட்டுப்போவீர்கள்...

கடந்த 25 ஆண்டுகளில் அமெரிக்க மக்களின் மனம் கவர்ந்த அதிபர் பில் கிளிண்டன் தான் என்பது தெரிய வந்துள்ளது. அமெரிக்காவில் பிரபல நிறுவனம் ஒன்று கருத்து கணிப்பை வெளியிட்டுள்ளது.

முன்னாள் அதிபர் பில் கிளிண்டனுக்கு 42 சதவீதம் பேர் ஆதரவு தெரிவித்துள்ளனர்.

இந்த கருத்துக்கணிப்பில் தற்போதைய அதிபர் பராக் ஒபாமாவுக்கு இரண்டாவது இடம் கிடைத்துள்ளது. அவருக்கு 18 சதவீதம் பேர் ஆதரவளித்துள்ளனர்.

மூன்றாவது இடத்தில் ஜார்ஜ் புஷ் உள்ளார். அவருக்கு 17 சதவீதம் பேர் ஆதரவளித்துள்ளனர். அவரது தந்தை ஜார்ஜ் புஷ் 16 சதவீதம் பேரின் ஆதரவுடன் நான்காவது இடத்தில் உள்ளா

இது மாத்திரமல்லாமல் 2016ம் ஆண்டு அதிபர் தேர்தலில் முன்னாள் வெளியுறவுத்துறை செயலாளர் ஹிலாரி கிளிண்டனுக்கு வாக்களிப்போம் என்று 55 சதவீதம் பேர் தெரிவித்துள்ளனர்.

பாருங்கப்பா..
மனுஷன் 'பலான' விஷயத்தில் கில்லாடியா இருந்தும் கூட பலத்த மக்கள் ஆதரவு இருக்காம்.

கில்லாடி கிளிண்டன் தான்.
2,023 Views
​இலங்கை அணியின் சுழல்பந்து வீசும் சகலதுறை வீரரான கௌஷால் லொக்குஆராச்சி BPL என்றழைக்கப்படும் Bangladesh Premier League போட்டிகளில் கிரிக்கெட் பந்தயக்காரர்களுடன் தொடர்புகள் வைத்திருந்தமைக்கும், தெரிந்த தகவல்களை உரிய முறையில் முறையிடாமைக்குமாக ​பங்களாதேஷ் கிரிக்கெட் விசாரனைக்குழுவினால் 18 மாத காலத் தடை விதிக்கப்பட்டுள்ளார்.



கௌஷால் லொக்குஆராச்சி வாகன விபத்து வழக்கில் சம்பந்தப்பட்டு சில காலம் இலங்கை அணிக்காக விளையாடாமல் இருந்தவர்.
4 டெஸ்ட் மற்றும் 23 ஒருநாள் போட்டிகளில் இலங்கையை பிரதிநிதித்துவப்படுத்தி இருந்தார்.

இவரோடு முன்னாள் நியூசீலாந்து வீரர் லூ வின்சென்ட்டும் தடைக்கு ஆளாகியுள்ளார். வின்சென்ட்டுக்கு அவர் வைத்திருந்த தொடர்புகளுக்காக 3 ஆண்டுகாலத் தடை விதிக்கப்பட்டுள்ளது.



ஏற்கெனவே பல நாடுகளிலும் இடம்பெற்ற போட்டிகளில் நடந்த போட்டி நிர்ணயம் தொடர்பாக தனக்குத் தெரிந்திருந்ததாக அண்மையில் பகிரங்கப்படுத்தியிருந்தார் வின்சென்ட்.

இவர் நியூ சீலாந்துக்காக 23 டெஸ்ட் மற்றும் 107 ஒருநாள் போட்டிகளில் விளையாடியிருக்கிறார்.
எனினும் கடந்த ஏழு ஆண்டுகளாக இவர் நியூ சீலாந்து அணிக்காக விளையாடியிருக்கவில்லை.

இதேவேளை பங்களாதேஷ் அணியின் முன்னாள் தலைவர் மொஹமட் அஷ்ரஃபுல் 2013ஆம் ஆண்டு பருவகாலப் போட்டிகளில் கிரிக்கெட் சூதாட்டங்களில் ஈடுபட்ட குற்றம் நிரூபிக்கப்பட்டமையால் 8 வருட காலத் தடைக்கு ஆளாகியுள்ளார்.

மிக இளம் வயதில் தனது அறிமுக டெஸ்ட் போட்டியில் இலங்கை அணிக்கெதிராக சதம் அடித்தவர் உட்பட பங்களாதேஷ் அணிக்காக பல பெருமைகளைப்பெற்றவர் அஷ்ரஃபுல்.

​அஷ்ரஃபுல் 61 டெஸ்ட் போட்டிகள், 177 ஒருநாள் சர்வதேசப் போட்டிகள் மற்றும் 23 T20 போட்டிகளில் விளையாடியுள்ளார்.​

லொக்குஆராச்சி மற்றும் அஷ்ரஃபுல் ஆகிய இருவர் மட்டுமே குற்றம் சுமத்தப்பட்டவர்களில் தாங்கள் குற்றம் இழைத்தவர்கள் என்பதை ஏற்றுக்கொண்டவர்கள்.

இதேவேளை இங்கிலாந்தின் பிராந்தியப் போட்டிகளில் ஆட்ட நிர்ணயக் குற்றச்சாட்டுக்களில் குற்றங்கள் நிரூபிக்கப்பட்ட பாகிஸ்தானைச் சேர்ந்த நவெட் ஆரீஃப் இங்கிலாந்து கிரிக்கெட் சபையினால் ஆயுட்கால கிரிக்கெட் தடை விதிக்கப்பட்டுள்ளார்.


மிக நீண்ட விசாரணைகளின் பின்னரே இந்த முடிவுகள் எடுக்கப்பட்டுள்ளன.

உப்பைத் தின்றால் தண்ணி குடிக்கத்தானே வேண்டும்.


8,317 Views
[1]      «      394   |   395   |   396      »      [402]
Hot Gossip


Recent Gossip Post




Top 10 Commenters

Latest Comments

Top