Rayynor Silva,Raynor Silva Holdings,RaynorSilva,RayynorSilva

Sooriyan Gossip, Sooriyan news, Gossip Lanka News | Sooriyangossip | Sooriyan Gossip | Sooriyan Fm Gossip | Sooriyan Gossip Official Web Site | Gossip Lanka - திக்கெட்டும் வேறெங்கும் கிட்டாத கிக்கான கிளுகிளு கிசுகிசு இங்கு மட்டும்.

Rayynor Silva,Raynor Silva Holdings,RaynorSilva,RayynorSilva,Sooriyan Gossip, Sooriyan news, Gossip Lanka News | Sooriyangossip | Sooriyan Gossip | Sooriyan Fm Gossip | Sooriyan Gossip Official Web Site | Gossip Lanka - திக்கெட்டும் வேறெங்கும் கிட்டாத கிக்கான கிளுகிளு கிசுகிசு இங்கு மட்டும்.


இசைப்புயல் A .R ரஹ்மான் இதயம் திறந்து தரும் பதில்கள்.

உலகத்தரத்திற்கு தமிழ்த்திரையிசை இன்று தரமுயர்ந்துள்ளது என்றால் மிகையில்லை. தரமுயர்ந்துள்ளது என்பதையும் விட உலகத்தரத்திற்குக் கொண்டு செல்லப்பட்டுள்ளது என்பதே உண்மையும் கூட. இந்த உயர்வுக்குக் காரணமானவரென விரல் சுட்டிக்காட்டுகின்ற அளவுக்கு சாதனைகளின் சொந்தக்காரர், பணிவுக்கும் பண்புக்கும் தன்னடக்கத்திற்கும் உரித்தானவர், ஒஸ்கார் நாயகன், அவர் தான் இசைப்புயல் ஏ.ஆர்.ரஹ்மான்.

தமிழ்த்திரையுலகிற்கு பல சாதனையாளர்களைத் தந்த இயக்குனர்சிகரம் கே.பாலசந்தர் அவர்களின் தயாரிப்பில், இயக்குனர் மணிரத்னத்தின் "ரோஜா"வில் ஆரம்பித்த இசைப்புயலின் சாதனைப்பயணம் தற்போது பிரம்மாண்ட இயக்குனர் சங்கரின் "ஐ" கடந்து பயணிக்கின்றது.

தென்னிந்திய தமிழ்த்திரையுலகிற்கு பல புதிய இளம் பின்னணிப்பாடகர்களை அறிமுகம் செய்கின்ற ஒரு இசையமைப்பாளர் என்பதோடு, இசைத்துறையில் திறமையானவர்களுக்கு அவர்களின் திறமைக்குரிய தகுதியை வழங்க இவர் தயங்கியதில்லை என்று சொல்லலாம். தமிழ் மட்டுமல்லாது இந்தி, ஆங்கிலம் உட்பட பிறமொழித் திரையுலகிலும் தன் இசையாட்சியை நடத்துகின்றதோர் மொழி கடந்த இசையமைப்பாளர் இந்த ஏ.ஆர்.ரஹ்மான்.

இவ்வாறானதொரு சாதனை நாயகன், மலர்ந்திருக்கும் இந்தஆண்டான 2015, ஜனவரி 06-ம் திகதி தன் 48வது அகவையில் கால் பதித்திருக்கிறார். இவரின் பிறந்தநாள் கொண்டாட்டங்கள் நாடு கடந்து இவரின் இசையை நேசிக்கும் அத்தனை உள்ளங்களாலும் கொண்டாடப்படுகின்றது.



                   

 

இது இப்படியிருக்க, தன் பிறந்தநாள் சிறப்பாக தன்னையும், தன் இசையையும் நேசிக்கும் அன்பான உள்ளங்களோடு Facebook இன் லைவ் ஸ்ட்ரீம் மூலமாக இணைந்துகொண்டு அவர்களின் கேள்விகளுக்கும் சிறப்பாக பதில் வழங்கியிருக்கிறார் ஏ.ஆர்.ரஹ்மான்.

அவ்வாறு இசைப்புயலிடம் கேட்கப்பட்ட சிறப்பான சில கேள்விகளும், அவரால் வழங்கப்பட்ட சுவாரஸ்யமான பதில்களும் உங்களுக்காக........

 

1.கேள்வி: "பம்பாய்" படம் போல் மீண்டும் ஒரு படத்திற்கு இசையமைக்க விரும்புகிறீர்களா?

  ஏ.ஆர்.ரஹ்மான்: இல்லை. அந்த தருணம் முடிந்து விட்டது. மாற்றங்கள் நிகழ்கின்றன.


2.கேள்வி: ரசிகர்கள், "ரோஜா" மற்றும் "பம்பாய்’ படங்களின் இசையைப் போலவே இன்னமும் உங்களிடம் இசையை     எதிர்பார்கின்றார்கள். இதைப்பற்றிய உங்கள் கருத்து.....?

ஏ.ஆர்.ரஹ்மான்: திரையிசை என்பது கதை மற்றும் காட்சி அமைப்பு, திரைக்கதை என்பவற்றைப் பொறுத்தது. இவை எல்லாவற்றுக்கும் மேலாக, இப்போது மக்களை ஓரிடத்தில் தக்க வைப்பது மிகவும் கடினம். மக்களின் இசை கேட்கும் முறையே மாறிவிட்டது.


3.கேள்வி: உங்களுக்கு தற்போதைய இந்த இணையத்துடன் கூடிய டிஜிட்டல் உலகை பிடித்திருக்கிறதா ?

ஏ.ஆர்.ரஹ்மான்: கண்டிப்பாக. அடுத்து அடுத்து நடப்பவைகளை தெரிந்து கொள்ள முடிகின்றது. மக்களின் மனநிலை பற்றியும் உடனுக்குடன் புரிந்து கொள்ள முடிகிறது.


 4.கேள்வி: திரையில் உங்களை 'ஹீரோ'வாக பார்க்க ஆசை. இதற்கு உங்கள் பதில்...?

 ஏ.ஆர்.ரஹ்மான்: கண்டிப்பா நோ. எனக்கு இசை போதும். மகிழ்ச்சி. ஆனாலும் வேண்டாம். ஒரு படத்திற்கு கதை எழுதுகிறேன்.நானே தயாரிக்க போகிறேன் அதுவே போதும்.ஆனால் உங்கள் கேள்வியால் நான் க்ளீன் போல்ட். நன்றி

 

5.கேள்வி: திரைப்படங்களுக்கு இசையமைக்கும்போது இயக்குநரின் தெரிவை (choice) ஏற்றுக்கொள்வீர்களா? அவர்களை நம்புவீர்களா?

ஏ.ஆர்.ரஹ்மான்: கண்டிப்பாக, சில நேரங்களில். அப்படி இயக்குநர் தெரிவில்(choice) வெளிவந்த பாடல் தான் சில்லென்ற ஒரு காதல் திரைப்படத்தில் இடம்பெற்ற ‘முன்பே வா அன்பே வா’. காதல் பாடல் ஆனால் சோகமாக இருப்பது போல் எனக்கு தோன்றியது. ஆனால் இயக்குநருக்கு பிடித்திருந்தது. அந்த பாடல் செம ஹிட்.

 
               

 

உள்ளத் தூய்மையுடன் உண்மையாய் வாழ்த்துக்கூறும் இசைப்புயலின் இசையால் வசமான இதயங்களின் வாழ்த்துக்களோடு, எம் வாழ்த்துக்களையும் இணைக்கின்றோம். இன்னும் அவர் பல்லாண்டு நலமுடன் வாழ்ந்து இசைப்பணி செய்திட நம் நல்வாழ்த்துக்கள்.......

*கணேசமூர்த்தி ராகவன்.
 2015.01.07

%MCEPASTEBIN%
2,546 Views
தமிழ் சினிமாவில் தனக்கென தனியிடத்தைப் பிடித்திருக்கும் த்ரிஷா, கிசுகிசுக்களிலும் தனித்துவமான இடத்தை பெற்றுக் கொண்டவர் என்பதை மறுக்க முடியாது.

கிட்டத்தட்ட 10 ஆண்டுகள் கதாநாயகியாக முடிந்தவரை அத்தனை ஹீரோக்களோடும் பல மொழிகளிலும் கலந்து கட்டி டூயட் பாடியுள்ள த்ரிஷ், இப்பொழுதுதான் உத்தியோகபூர்வமாக தனது மண வாழ்வின் அறிவிப்பை வெளியிட்டுள்ளார்.

த்ரிஷாவின் அன்பர்களுக்கு இது கசக்கும் தகவலாக இருந்தாலும், பொதுவான இரசிகர்களைப் பொருத்தவரைக்கும், இனிப்பான செய்தியை தந்திருக்கிறார்.
  அண்மையில் சில மாதங்களாகவே தயாரிப்பாளர் வருண் மணியனுக்கும் த்ரிஷாவுக்கும் இடையில் இரகசிய உறவு இருப்பதாகவும், அவர்கள் சேர்ந்தே பல இடங்களில் தோன்றுவதாகவும் பல கதைகள் கட்டவித்து விடப்பட்டிருந்தன. இணையங்களை ஆக்கிரமித்திருந்தன. சம்மந்தப்படவர்கள்  தரப்பில் யாரும் வாயே திறக்கவில்லை.

இப்பொழுதுதான் அம்மணி தன் ட்விட்டர் பக்கத்தில் பாகாய்இனிக்கும் தன திருமணம் தொடர்பான செய்திகளை அள்ளிவிட்டுள்ளார்!

   அதாவது, எனக்கும் வருனுக்கும் நிச்சயதார்த்தம் எதிர்வரும் 23ஆம் திகதி தனிப்பட்ட நிகழ்வாக எமது முக்கிய குடும்ப உறுப்பினர்கள் மட்டும் கலந்து கொள்ளும் வகையில் நடைபெறவுள்ளது.

    நடிப்பதா ? இல்லையா என்பது தொடர்பில் இன்னும் முடிவு செய்யவில்லை. இரண்டு படங்களில் ஒப்பந்தம் செய்யவுள்ளேன். அத்தோடு எப்போது திருமணம் என்பது தொடர்பில் நானே அறிவிப்பேன் என்கிறார் த்ரிஷா!
#மணமகளே !! மணமகளே வா !!
  
3,247 Views
வீட்டிலே மனைவருக்கு ஒத்தாசையாக, உதவிகள், வீட்டு வேலைகளில் பங்கெடுக்கும் கணவர்கள் எந்த நாட்டில் இருக்கிறார்களோ அந்த நாட்டில் மணம்முடிக்க தானே எங்கள் பெண்கள் ஆசைப்படுவார்கள்?
 
அப்படியாக இருந்தால் ஐஸ்லாந்து நாட்டில் உள்ள யாராவது ஆண் மகனை தேடிக் காதலியுங்க பெண்களே..
அங்கே தான் அதிகமாக பெண்களுக்கு வீடுகளில் ஆண்கள் உதவி, ஒத்தாசையாக இருக்கிறார்களாம்.
 
World Economic Forum என்ற நிறுவனம் எடுத்த சர்வதேச ஆய்வு ஒன்றிலேயே இந்தத் தகவல்கள் வெளியாகியுள்ளன.
 
இந்த வரிசையில் இலங்கையின் ஆண் மகன்கள் உலகத்தில் 79ஆம் இடத்தில் இருக்கிறார்கள்.
ஆனால் இந்தியர்களோ 114ஆம் இடத்தில்.

  





இன்னும் இன்னும் உதவி செய்யுங்கள் நண்பர்களே...
அடுத்தமுறை மேலே வரணும்.
 
 
​ஏ.ஆர்.வீ ​
12,372 Views

ஏப்ரல் 2ம்  திகதி திரைக்கு வரும் நண்பேன்டா இந்த படத்தில் உதயநிதி மற்றும் நயன்தாரா நடித்துள்ளார்கள்.பாஸ் என்கிற பாஸ்கரன் படத்தில் ஆர்யா சந்தானம் இணைந்து கலக்கியநண்பேன்டா என்ற வார்த்தையே தலைப்பாக்கி உள்ளார்கள்..சந்தானம் ,பட்டி மன்ற ராஜா , மனோ பாலா என்று பலர் நடித்த்துள்ளனர். உதயநிதியின் ரெட்ஜெயண்ட் மூவிஸ் நிறுவனம் தயாரித்துள்ளது. சமிபத்த்தில் இத்திரைப்படத்தின் பாடல்களும் ட்ரைலர்களும் அண்மையில் வெளிவந்தமை குறிப்பிடதக்கது.இந்த சந்தர்ப்பத்தில் உத்தியபூர்வமாக இப்படம் ஏப்ரல் 2ம் திகதி வெளிவரும் என அறிவிக்கப்பட்டுள்ளது.

 ஏப்ரல் 2ம் திகதி வெளிவரும் என்றாலும் இப்போதே உதயநிதி தியட்டர்களை புக்கிங் செய்வதில் கடும் பிசியாக இருக்கிறார். 

நண்பேன்டா ட்ரெய்லர்

1,709 Views
இந்திய உலக கிண்ண அணியும்.!
தேர்வு முறையில் தொக்கி நிற்கும் கேள்விகளும்.!

11 வது உலக கிண்ணத்தை குறி வைத்துக் களமாடக் காத்திருக்கும் இந்திய கிரிக்கெட் படையணியின் இறுதிப் பட்டியல் இன்று வெளியிடப்பட்டிருக்கின்றது.

இந்திய அணியின் தேர்வுக் குழு இன்று மும்பையில் பிரதம தேர்வாளர் சந்தீப் பட்டேல் தலைமையில் கூடி அதிக வாதப் பிரதிவாதங்களுக்கு மத்தியில் ஒரு நியாயமான,பக்கச் சார்பற்ற அணியொன்று தேர்வு செய்யப்பட்டிருக்கிறது.

ஆனாலும் இந்த அணியில் ஏன் சில வீரர்கள் சேர்க்கப்படவில்லை,ஏன் இவர்கள் சேர்க்கப்பட்டார்கள் என்ற கேள்விகள் எல்லோராலும் இன்று அதிகமாக கேட்கபட்டது.

இப்படியான நிலையில் இது குறித்தான விபரங்களை கொஞ்சம் ஆழமாகத் தேடிப்பார்த்து சிலரது கேள்விகளுக்கு ஒட்டுமொத்தமான விடையைத்தர முனைகின்றோம்.

இம்முறை தேர்வு செய்யப்பட்ட அணிஎன்பது அண்மைக் காலபெறுதிகளுக்கும் அவர்களது தற்போதைய உடற்தகுதி நிலைகளையும் கருத்தில் கொண்டே தேர்வு செய்யப்படிருக்கிறதே  தவிர, அவர்களது கடந்தகாலச் சாதனைகள் கவனத்தில் கொள்ளப்படவில்லை என்பது திட்டவட்டமாக தெரிகிறது.

*இன்று தேர்வு செய்யப்பட்டிருக்கும் இந்தியாவின் உலக கிண்ண 15 பேர் கொண்ட அணி இதுதான்.

1.சிகார் தவான்,
2.ரோஹித் சர்மா,
3.விராத் கொஹ்லி,
4.அஜின்கியா ரஹானே
5.சுரேஷ் ரைனா,
6.MS டோனி,
7.அம்படி ராயுடு,
8.ரவீந்திர ஜடேஜா,
9.ரவிச்சந்திரன் அஸ்வின்,
10.அக்சார் பட்டேல்
11.புவனேஸ்வர் குமார்,
12.மொகம்மது சாமி,
13.இஷாந்த் சர்மா,
14.உமேஷ் யாதவ்
15.ஸ்டுவர்ட் பின்னி



ஆகிய வீரர்களே இன்றைய நாளில் இறுதி அணியாக தேர்வு செய்யப்பட்டவர்களாவர்.

இந்த அணியின் சராசரி வயது 27 ஆகும், அத்தோடு இந்த அணியின் துடுப்பாட்ட வீரர்களால்  48 சதங்களும் ,178 அரைச்சதங்களும் பெறப்பட்டுள்ளதோடு,அணியின் பந்து வீச்சு குழாமில் இடம்பெற்றுள்ளவர்களால் ஓவருக்கு சராசரியாக 5.16 எனும் அடிப்படையில் ஓட்டங்கள் விட்டுகொடுக்கபட்டு மொத்தமாக 587 விக்கெட்கள் கைப்பற்றப்பட்டுள்ளன.

இந்த அணியை பொறுத்தவரையில் துடுப்பாட்ட வீரர்களாக சிகார் தவான்,ரோஹித் சர்மா,விராத் கொஹ்லி,அஜின்கியா ரஹானே
சுரேஷ் ரைனா,MS டோனி,அம்படி ராயுடு ஆகிய 8 வீரர்கள் பெயரிடப்பட்டுள்ளனர்.

மேற்குறித்த இந்த வீரர்களை அணியில் இணைத்துக் கொண்டதில் தவறுகள் எதனையும் யாராலும் சொல்லிவிட முடியாது.

ஏனென்றால் இந்த அணிதான் இந்தியா சார்பில் அண்மைய நாட்களில் ஒரு நாள் போட்டிகளில் பங்கெடுத்து வருகின்ற அணியாக இருக்கின்றது.

இதிலே துடுப்பாட்ட வீரர்களாக உள்ளூர் போட்டிகளில் பிரகாசித்துவரும் ரொபின் உத்தப்பா மற்றும் அவுஸ்திரேலிய அணிக்கெதிரான டெஸ்ட் போட்டிகளில் பிரகாசிக்கும் தமிழக வீரர் முரளி விஜய் ஆகியோர் கவனிக்கபடாமல் போனது ஏன் என்ற கேள்விகளும் இல்லாமல் இல்லை.

தமிழக வீரர் முரளி விஜையை பொறுத்தவரையில் 31 வயதாகும் இவர் இறுதியாக 2013 ஜூலை மாதத்திற்குப் பின்னரான கடந்த ஒன்றரை ஆண்டுகளாக அணியில் இணைக்கப்படவில்லை ,அதைவிடவும் இவர் பங்கெடுத்துள்ள 14 ஒரு நாள் போட்டிகளில் 33 ஓட்டங்களையே  அதிகபட்சமாக பெற்றுள்ள இவரது சராசரி 20 க்கும் குறைவாகவே உள்ளது.



டெஸ்ட் போட்டிகளில் இவர்  காட்டி வரும் திறமையின் அடிப்படையில் இவரை அணியில் சேர்க்கவேண்டும் என்று தேர்வாளர்கள் கருதியிருப்பினும் சிலவிடயங்களில் இவர் பின்தங்கிப் போகிறார்.

ஆரம்ப வீரர்களாக ஒருநாள் போட்டிகளில் அண்மைய நாட்களில் சிறப்பாக செயற்படும் தவான்,ரோஹித் மற்றும் ரஹானே ஆகிய வீரர்கள் இருக்கின்ற போது விஜையும் ஒரு ஆரம்ப வீரராக அணியில் இவரை சேர்ப்பதை விடுத்து தேர்வாளர்கள் ஒரு மத்திய வரிசை வீரரை தேடியிருக்கலாம்.

அந்த வகையில் மத்திய வரிசையில் அண்மைய நாட்களில் இந்திய அணியில் தனக்கு கிடைத்த வாய்ப்புக்களை கெட்டியாக பயன்படுத்திய அம்பாட்டி ராயுடவை நீக்குவது தவறானதாகப் பட்டிருக்கும்.

அத்தோடு உள்ளூர் போட்டிகளில் சிறப்பாக செயற்படும் ரொபின் உத்தப்பாவை பொறுத்த வரையில் இவர் உள்ளூர் போட்டிகளில் காட்டும் திறமையை சர்வதேச போட்டிகளில் பங்கெடுக்கும் போது காட்டுவதில்லை என்ற ஒரு குற்றச் சாட்டு இவருக்கு இருக்கிறது.

அனாலும் ஒரு அணியின் ஆரம்ப வீரராக ,அல்லது மேலதிகமான விக்கெட் காப்பாளராக இவர் அணியில் சேர்க்கப்படலாம் என்றாலும் அந்த விடயத்திலும் இவர் தேவை இல்லாமல் போய்விட்டது.

M .S டோனி நல்ல உடற்தகுதி நிலையில் இருக்கின்ற போது மேலதிகமான ஒரு விக்கெட் காப்பாளர் தேவை என்பது ஏற்புடையதாயினும் அம்பாத்தி ராயுடுவும் விக்கெட்காப்பு தெரிந்தவர் என்கின்ற ரீதியில் முரளி விஜய்,உத்தப்பா ஆகியோரோடு போட்டி போடுகின்ற போது அம்பத்தி ராயுடுவுக்கு முன்னுரிமை வழங்கப்பட்டிருக்கின்றது.

இப்படியான நிலையிலேதான் இந்த அணியில் டோனி அடங்கலாக 8 துடுப்பாட்ட வீரர்கள் தேர்வாகியிருக்கின்றார்கள்.

வேகபந்து வீச்சாளர்களை பொறுத்த வரையில் அணியின் பிரதானமான வேகபந்து வீச்சாளர்களாக புவனேஸ்வர் குமார்,
மொகம்மது சாமி,உமேஷ் யாதவ், ஆகிய வீரர்களோடு ஓரளவு அனுபவம் என்ற அடிப்படையில் இஷாந்த் சர்மாவும் தேர்வில் வந்திருக்கிறார்கள்.

   

மோஹித் சர்மா ,வருண் ஆரோன் ,தவால் குல்கர்னி ஆகிய வீரர்களில் இருந்து ஒரு வேகபந்து வீச்சாளர் தேர்வு செய்யப்படும் வாய்ப்பு இருப்பினும் போட்டிகள் நடைபெறும் ஆடுகளம் வேகப்பந்துக்கு சாதகாமான ஆடுகளம் என்ற அடிப்படையில் ஒரேயொரு வேகபந்து வீசகூடிய  சகலதுறை வீரரையாவது அணியில் சேர்க்கவேண்டும் என்கின்ற அடிப்படையில் ஸ்டுவர்ட் பின்னியும் அணியில் வாய்ப்பை பெற்றுக்கொண்டிருக்கின்றார்.

இவரது தந்தையார்  ரோஜர் பின்னி இந்தியாவின் மத்திய மண்டலம் சார்பில் சந்திப் பட்டேல் தலைமையிலான இந்திய கிரிக்கெட் அணியின் ஒரு தேர்வுகுழு அங்கத்தவர் என்பதை மறந்து விடுங்கள்.

சுழல் பந்து வீச்சாளர்களை பொறுத்தவரையில் பிரதானமாக அஸ்வின் ,ஜடேஜா,மற்றும் இளம் வீரர் அக்சார் பட்டேல் ஆகியோர் அணியில் உள்வாங்கபட்டுள்ளனர்.

ரவீந்திர ஜடேஜாவுக்கு உபாதை தொடர்ந்து அவரால் போட்டிகளில்  தொடர்ந்து பங்கேற்க முடியாவிட்டாலும் அவரைப் போன்றே துடுப்பாட்டம் ,பந்து வீச்சு மேற்கொள்கின்ற அதுவும் அண்மைய நாட்களில் சிறப்பாகவும் ,சிக்கனமாகவும் செயற்படும் இவரையும் அணியிலிருந்து புறக்கணிப்பது இந்திய தேர்வாளர்களுக்கு கடினமான முடிவைகொடுத்திருக்கும்.

இப்படியான கேள்விகளுக்குப் பிறகுதான் ஜுவ்ராஜை உலக கிண்ண அணியில் சேர்க்க முடியுமா என்பது பற்றி தேர்வாளர்களின் கவனம் வந்திருக்கும்.

கடந்த முறை இந்திய அணி உலக கிண்ணத்தை ஏந்துவதற்கு பிரதான பாத்திரமேற்ற இவர் அணியில் கண்டுகொள்ளப் படாமல் போனது அநேக ரசிகர்களு கவலையான விடயம் என்பதில் மாற்றுக் கருத்தில்லை.

ஆனால் ஜுவ்ராஜ் ஏற்கனவே தேர்வான 30 பேர் கொண்ட பட்டியலில் இணைக்கப்படாத நிலையில் தற்போது உபாதை அடைந்துள்ள சகலதுறை வீரர் ரவீந்திர ஜடேஜாவுக்கு பதிலாக இவரை அணியில் இணைக்கும் வாய்ப்பு இருப்பதாகவே கடந்த 2 நாட்களாக அறியப்பட்டது.

உள்ளூர் ரஞ்சி கிண்ணப் போட்டிகளில் 3 போட்டிகளில் அடுத்தடுத்து 3 சதம் அடித்து 520 ஓட்டங்களை பெற்றுள்ள ஜுவ்ராஜ் அணியில் ஒரு முக்கிய வீரராக இணைக்கப்படுவதனை இந்திய ரசிகர்கள் ஆவலோடு எதிர்ப்பார்த்துக் காத்திருந்தனர்.

ஆனால் இந்திய தேர்வாளர்களது தேர்வுக் குழு கூட்டத்தில் இன்று ஜுவ்ராஜின் பெயரும் பரீசீலனைக்கு வந்தாலும் இறுதியில் வாய்ப்பு கொடுக்கப்படவில்லை.

      

கடந்த உலக கிண்ண போட்டிகளில் 15 விக்கெட்டுக்கள் அடங்கலாக 362 ஓட்டங்களையும் பெற்று ஆட்டநாயகன் விருதையும் வென்ற ஜுவ்ராஜ்
கடந்த ஓராண்டுக்கும் அதிகமாக இந்திய ஒருநாள் அணியில் இடம்பிடிக்கவில்லை என்பதும் நோக்கத்தக்கதே!

இப்படியிருக்க நாங்கள் மேற்குறிப்பிட்டுள்ள  விடயங்களோடு நீங்களும் ஒத்துபோனால் ஜுவ்ராஜை அணியில் 16 வது வீரராகத்தான தேர்வாளர்களால் இணைத்திருக்க முடியும்.

15 வீரர்கள் எனும் குறித்த வரையறைகளுக்கு மட்டுப்பட்டு அண்மைய பெறுதிகளின் அடிப்படைகளையும் கவனத்தில் கொண்டு இந்த இறுதி அணி தேர்வாகியிருக்கலாம்.

ஆனால் இந்திய கிரிக்கெட் ஜாம்பவான்கள் பலரும் தங்கள் உலக கிண்ண அணியை அண்மைய பல நாட்களாக தேர்வு செய்து வந்தாலும் அவர்கள் எல்லோரது அணித்தேர்வுகளை விடவும் முன்னாள் வீரர் டிராவிட் தேர்வு செய்திருக்கும் அதே 15 பேர் கொண்ட அணியே உலக கிண்ணத்துக்கு தேர்வாகியுள்ளமை குறிப்பிடத்தக்கதுவே.

முன்னாள் தேர்வாளர் ஸ்ரீகாந்தின் கனவு அணியில் சகலதுறை வீரர்  பின்னியை விடுத்து உத்தப்பா ,முரளி விஜய் ஆகியோரை சேர்த்திருந்தார்.

சுனில் கவாஸ்கரது அணியில்  இசாந்த் சர்மாவுக்கு பதிலாக மோகித் சர்மா சேர்க்கபட்டமையும்  குறிப்பிடத்தக்கது.

எது எவ்வாறாயினும் இப்போது தேர்வு செய்யப்பட்டிருக்கும் இந்த இந்திய அணி நடப்பு உலக சாம்பியன் எனும் மகுடத்தை காப்பாற்றுமா என்பதை பொறுத்திருந்தே அறிந்துகொள்ள வேண்டும்.

*தில்லையம்பலம் தரணீதரன்.
2015.01.06
5,563 Views

சிவகார்த்திகேயன், கீர்த்தி சுரேஷ், சூரி உள்ளிட்ட பலர் நடித்து திருப்பதி பிரதர்ஸ் தயாரிப்பில் பொன்ராம் இயக்க, இமான் இசையமைக்க படம் வேகமாக கதையாகி வருகிறது ரஜினி முருகன் 

இந்தப்படத்தை அவசர அவசரமாக வெளியிட உத்தேசித்திருக்கும் படக்குழு தெரிவு செய்துள்ள திகதி தல அஜித்தின் பிறந்ததினமான மே.01.
 காரணம், ஏற்கனவே சிவா நடிப்பில் வெளிவந்து பெரும் வெற்றிபெற்ற எதிர்நீச்சல் படத்தையும் தலயின் பிறந்த நாளில் தான் வெளியிட்டார்கள்.
படம் ஏகோபித்த ஆதரவையும் பாராட்டுக்களையும் பெற்று வெற்றிப் படமாகியது.
அந்த வழியில் இந்த ரஜினி முருகனையும் நகர்த்தி வெளியிட்டு ஹிட்டடித்துவிட வேண்டும் என்பது படக்குழுவின் எண்ணமாக உள்ளது.

சிவாவும் அஜித்தை போல வர வேண்டுமென தன் நெருங்கியவர்களிடம் கூறி புளகாங்கிதம்   அடைந்து வருவதால், எதிர்வரும் மே-01 ரஜினி முருகனை நாமும் சந்திக்கலாம்.

#வாங்க ரஜினி முருகன்... பேசலாம் !

3,048 Views

மலையாளத்திலிருந்து வந்து குதித்து கோடம்பாக்கத்தை கட்டிப் போட்டிருக்கும் பதுமைகளே அதிகம். இவர்கள் வரிசையில் சிந்தும் புன்னகை மூலம் அறிமுகமானவர் ''பீட்ஸா'' புகழ் ரம்யா நம்பீஷன்.

    சில படங்களில் தலைகாட்டியிருந்தாலும் பீட்ஸாவுக்கு  பிறகாவது நல்ல படங்களும் பெயரும் அமையும் என காத்திருந்தவருக்கு, வாய்ப்புக்கள்  கதவைத் தட்டவில்லை.
பலர் எதிர்பார்த்தார்கள் ரம்யாவுக்கு நல்ல எதிர்காலம் வரவுள்ளது என்று! ஆனால், டமால் டுமீல் என ஒரு படத்திலே நடித்தார். அதுவும் பேசப்படவில்லை. பின்னர், இரண்டு பாடல்களைப் பாடினார். அதுவும் என்னவோ போலாகிவிட்டது.
உடனே தாய்மொழி மலையாளத்துக்கு தாவிவிட்டார்.

    மலையாளத்தில் ஏகப்பட்ட படங்களில் அம்மணி தலைகாட்டுவதாக தகவல் வர விசாரித்தோம்.
   அப்போதுதான் கசிந்தது உண்மை.
ஜெயசூர்யா ஜோடியாக நடிக்கும் ரம்யா நம்பீஷன், படத்தில் மாறுபட்ட பாத்திரத்தில் தோன்றுகிறாராம். அதாவது, இரண்டு குழந்தைகளுக்கு அம்மாவாக அரிதாரம் பூசுகிறார். 10 வயது மகன், 6 வயது மகளாக இரு குழந்தைகளோடு படம் முழுக்க வந்து தன் பாத்திரத்தை உயிர்ப்பிக்க உள்ளார் ரம்யா.

#என்னம்மா? இப்போவே அம்மா ஆகிட்டீங்க?



2,546 Views
தைத்திருநாள் பொங்கலன்று, நமக்கெல்லாம் இரட்டிப்பு மகிழ்வை அள்ளித் தெளித்திருக்கிறது கோடம்பாக்கத்து படப் பட்டியல்களின் விபர வெளியீடு.

ஏகோபித்த எதிர்பார்ப்புக்கள் நிறைந்திருக்கும் திரைக் காவியங்கள், அபிமான நட்சத்திரங்களின் நடிப்பில், வித விதமான கதைக் களத்தோடு, புதிது புதிதான உத்திகளைக் கையாண்டு நீயா நானா? என போட்டியிட்டு வெளிவர தயாராகவுள்ளன.

இந்தப் படம் வரும், அந்தப் படம் வராது என்று, இடையிடையில் குழப்பங்கள் வேறு பேச்சாக கிளம்பினாலும், இரசிகர்களின் எதிர்பார்ப்புக்கள் அதிகரித்தனவே தவிர குறைந்தபாடில்லை. அந்தளவுக்கு வர இருக்கும் ஒவ்வொரு படங்களும் ஏற்படுத்தியிருக்கும் பிரம்மாண்டங்களின் நீளம் அதிகம்!

இந்த வரிசையில் அதிகமாய் பொங்கல் வெளியீடுகளாய் எதிர்பார்க்கப் படும் படங்களைப் பற்றியும், அவைகளின் தற்போதைய நிலை பற்றியும் இந்தச் செய்தி விரிவாய் அலசுகிறது.

    ♥கௌதம் வாசுதேவ மேனன் இயக்கத்தில் அஜித்குமார், அனுஷ்கா, த்ரிஷா, அருண் விஜய் ஆகியோர் நடித்திருக்கும் என்னை அறிந்தால் படத்திற்கு, ஆரம்பம் தொடக்கம் இற்றைவரை ஆதரவும் அகோர எதிர்பார்ப்பும் காணப்படுகிறது. ஹாரிஸ் ஜெயராஜ் இசையில் வந்துட்ட பாடல்களில்,  சில பாடல்கள் ஊத்திக் கொண்டாலும் ஏனைய பாடல்கள் எல்லாம் சபாஷ் போடும் ரகம்தான்! பல திரையரங்குகளை தனக்கென இந்தப்படம் பிடித்துக் கொண்டாலும், இடையில் தடாலடியாக படக்குழு 29ஆம் திகதிக்கு ரிலீஸ் திகதியை மாற்றிக் கொண்டார்கள். காரணமாக, படத்தில் இறுதிக்கட்ட பணிகள் நிறைவடையவில்லை என்று அறிவித்தார்கள். ஆக, என்னை அறிந்தால் பொங்கல் போட்டியில் கலந்து கொள்ளாது  என்பது தெளிவாகிவிட்டது.

    ♥ அடுத்து, பிரம்மாண்ட இயக்குனர் சங்கரின் கைவண்ணத்தில் விக்ரம், எமி ஜக்ஸன் ஆகியோர் நடித்து இன்னும் பரபரப்பை கூட்டியிருக்கும் படம் ஐ.  டிரைலர் மற்றும் பாடல் முன்னோட்டங்கள் மூலமாக படத்தின் மீதான எதிர்பார்ப்பு ஓஹோ என்று காணப்படுகிறது. எக்கச்சக்கமான திரையரங்குகளில் ஐ தான் ஆதிக்கமாகியிருக்கிறது. இதுவரைக்கும் நிச்சயப்படுத்தப்பட்ட படமாக உள்ளது ஐ மட்டும்தான்!
        ♥ அடுத்து ஐயுடன் இணைந்து உறுதிப்படுத்தப்பட்ட பொங்கல் வெளியீட்டில் உள்ள படம், விஷால், ஹன்ஷிகா ஆகியோரின் நடிப்பில் வந்துள்ள சுந்தர்.சி இயக்கியுள்ள படம் ஆம்பள. இந்தப்படத்தின் அனைத்து பணிகளும் நிறைவடைந்து பொங்கலில் திரையில் தவழும் படமாக இந்தப்படமும் காத்திருக்கிறது.
        ♥  என்னை அறிந்தால், ஐ, ஆம்பள ஆகிய படங்களே பொங்கல் போட்டியில் இதுவரை குதித்திருந்தும் என்னை அறிந்தால் விலகிக் கொண்டதால், ஏக கொண்டாட்டத்தில் போட்டியிடும் இரண்டு படக்குழுவும் காணப்பட்டன. இப்பொழுது இறுதியாக கிடைத்த தகவலின் அடிப்படையில் மகிழ்ச்சிக்கு முற்று வைப்பதாய், இன்னும் இரண்டு படங்கள் பொங்கல் ரேஸில் மோதத் தயாராகியுள்ளன.

சிவகார்த்திகேயன், ஸ்ரீ திவ்யா ஜோடியாகியுள்ள ''காக்கிச் சட்டை'' மற்றும் இசையமைப்பாளர் பாடகரென வலம் வரும் ஜி.வி.பிரகாஷ்குமார் நடித்துள்ள ''டார்லிங்'' ஆகிய படங்கள், இந்தப் பொங்கல் போட்டியில் தம்மையும் இணைத்துக் கொண்டுள்ளன. எனவே, இப்பொழுது பெரிதாய் எதிர்பார்க்கப்படும் படங்களாக இந்த படங்கள் நான்குமே வரவிருப்பது உறுதியாகி விட்டது.
விநியோகஸ்தர்கள் மற்றும் திரையரங்கு உரிமையாளர்கள், இரசிகர்களிடையே இந்த படங்கள் தொடர்பான எதிர்பார்ப்பு இன்னுமின்னும் அதிகரிக்கத் தொடங்கியுள்ளது.
   இதில் பெரிய படங்களோடு மோதி ஏன் நம்மை நாமே தோல்விப் பாதைக்குள் இட்டுக் கொள்வான் என்று, கார்த்தியின் கொம்பன் படம் தானாக விலகிக் கொண்டது.

 மொத்தத்தில், பெரிய படம் சின்னப் படமென மொத்தமாக 4 படங்கள் பொங்கலுக்கு வருகிறது. இவற்றில் இரசிகர்கள் மத்தியில் எந்தப்படம் இடம்பிடித்து வெற்றியடைகிறது என்பதை பொறுத்திருந்து பார்த்து இரசிப்போம்.


 

3,863 Views

சிம்புதேவன் இயக்கத்தில் விஜய் நடிக்கும் படத்தின் படப்பிடிப்பு கடந்த சில மாதங்களாக சென்னை ஈசிஆரில் உத்தண்டி என்ற இடத்தில் போடப்பட்ட செட்டில் நடைபெற்று வருகிறது. ஜனவரி 30 ஆம் தேதியோடு இந்த செட்டில் படப்பிடிப்பு நிறைவடைகிறது. எனவே படப்பிடிப்பு தற்போது வேகம் பிடித்துள்ளது.

'புலி' என இப்போது உத்தியோகபூர்வமாகப் பெயரிடப்பட்டுள்ள இந்தப் படம் மிக எதிர்பார்க்கப்படுகிறது.

இப்படத்தின் கதை சரித்திர பின்னணி மற்றும் இன்றைய காலகட்டம் என இரு மாறுபட்ட காலகட்டங்களில் நிகழ்கிறது.

சரித்திர பின்னணியில் நடைபெறும் காட்சிகள் தற்போது படமாக்கப்பட்டு வருகிறது. நிகழ்கால காட்சிகளை கேரளாவில் படமாக்க இருக்கிறார்கள். பிப்ரவரி முதல் தேதியிலிருந்து கேரளாவில் படப்பிடிப்பு தொடங்கி நடைபெற உள்ளது.

இப்படம் குறித்து புதிய தகவல் கிடைத்திருக்கிறது. அந்த புதிய தகவலின் படி இப்படத்தில் இடம்பெறும் சரித்திர கதையில் விஜய், தந்தை – மகனாக நடிக்கிறார். ஆக இந்தப் படத்தில் விஜய்க்கு 3 வேடங்கள்.

ஏற்கனவே விஜய், ‘அழகிய தமிழ் மகன்’, ‘கத்தி’, ‘வில்லு’ ஆகிய படங்களில் இரட்டை வேடங்களில் நடித்திருக்கிறார். இதில் ‘வில்லு’ படத்தில் விஜய்யின் தந்தையாக விஜய் ஒரு ஃப்ளாஷ் பேக் காட்சியில் மட்டும் வருவார். சிம்புதேவன் இயக்கும் இந்தப் படத்தில் விஜய்யின் தந்தை – மகன் கேரக்டர்கள் சம முக்கியத்துவமுள்ள கேரக்டர்களாக வடிவமைக்கப்பட்டுள்ளதாம்.

விஜய்யுடன் ஸ்ருதி ஹாசன், ஹன்சிகா மோத்வானி, ஸ்ரீதேவி என பெரிய நட்சத்திரப் பட்டாளமே நடிக்கும் இப்படத்திற்கு தேவிஸ்ரீ பிரசாத் இசை அமைக்கிறார் என்பதும், ‘நட்டி’ நட்ராஜ் ஒளிப்பதிவு செய்கிறார் என்பதுதெல்லாம் எல்லோரும் அறிந்த தகவல்கள்.

11,047 Views

நடிகர் வினீத்தை உங்களுக்கு ஞாபகமிருக்கிறதா?

புதிய முகம், ஜென்டில்மேன், ஆவாரம்பூ, காதல் தேசம், சந்திரமுகி உட்பட ஏராளமான தமிழ் படங்களில் நடித்தவர். தவிர, ஏராளமான மலையாள படங்கள் மற்றும் தெலுங்கு, கன்னட படங்களில் நடித்துள்ள வினீத், நடனக்கலையிலும் தேர்ச்சி பெற்றவர். நடிப்பு போக மற்ற நாட்களில் பரதநாட்டிய நடன நிகழ்ச்சிகள் நடத்துவதற்காக உலகம் முழுக்க சுற்றிக் கொண்டிருப்பார்.

அதனாலேயே நடிப்பில் ஒரு நிரந்தர இடத்தை அவரால் பிடிக்க முடியவில்லை என்று திரையுலகில் சொல்வார்கள். சில வருடங்களுக்கு முன் கதாநாயகனாக மட்டும் நடித்த வந்த வினீத், சில வருடங்களாக குணச்சித்திர வேடங்களில் நடித்தும் சிறந்து விளங்கி வருகிறார்.

இந்நிலையில், விரைவில் ஒரு படத்தை இயக்க இருக்கிறார் வினீத். ஆயாள் ஞானல்ல (அந்த ஆள் நான் இல்லை) என்று பெயரிடப்பட்டிருக்கும் ஒரு மலையாள படத்தை இயக்குவதன் மூலம் இயக்குனராகவும் அறிமுகமாக இருக்கிறார். இப்படத்தில் மலையாள சினிமாவின் முன்னணி நடிகர்களில் ஒருவரான ஃபஹத் ஃபாசில் இரண்டு வேடங்களில் நடிக்கிறார். இப்படத்தின் படப்பிடிப்பு விரைவில் துவங்கவிருக்கிறது. ஆயாள் ஞானல்ல படத்தில் வினீத் நடிக்கவில்லையாம்.

 

1,099 Views
ஆறடி உயரம் அழகிய உருவமென தென்னிந்தியாவில் மின்னி வரும் பதுமை அனுஷ்கா. இவரைப் பொறுத்தவரை, தென்னிந்தியாவில் அதிக சம்பளம் வாங்கும் நடிகைகளில் முக்கியமான இடத்தில் இருக்கிறார். முன்னணி நடிகர்கள் தேடிச் சென்று ஒப்பந்தம் செய்யுமளவுக்கு திறமையிருக்கிறது. இதனாலேயே ஒரு நல்ல பெயரும் அனுஷ் வசமிருக்கிறது என்றால் அது மிகையாகாது.

இப்பொழுது இவரின் நடிப்பில் பலத்த எதிர்பார்ப்பை ஏற்படுத்தியுள்ள படங்களாக பாஹுபாலி, ருத்ரமாதேவி, அஜித்தின் என்னை அறிந்தால் போன்ற படங்கள் வரவுள்ளன.
இந்நிலையில், விஜய் சேதுபதி நடிப்பில் வெளியான சூது கூவும் படத்தினை தெலுங்கிலே எடுக்க இருக்கிறார்கள்.
இதில் பாபி சிம்ஹா நடிகை நயன்தாராவுக்கு சிலை வைப்பார். இதையே தெலுங்கில் நடிக்கும் நடிகர் அனுஷ்காவுக்கு சிலை வைப்பதாய் காட்சி அமைக்கப்படவுள்ளது. இதில் தெலுங்கில் கொடிகட்டிப் பறக்கும் நடிகை அனுஷ்காவுக்கு சிலை வைக்க உத்தேசிக்கப்பட்டுள்ளது.
 அனுஷ்கா தரப்பிலிருந்து பதில் வரா விட்டாலும், அனுஷ்காவின் பிரம்மாண்டமான சிலை தயாராகி வருகிறது என்பது குறிப்பிடத்தக்கது.

#அந்த சிலையை அப்பிடியே எங்காவது பொது இடத்தில் வைச்சு வடிவு பாருங்கைய்யா !

3,106 Views
நீண்ட நாட்கள் திரையில் தன்னைக் காட்ட விரும்பாத பாடும்நிலா எஸ்.பி.பாலசுப்ரமணியம், இப்பொழுது மகன் சரணின் தயாரிப்பில் உருவாகும் படத்தில் நடிக்க ஆயத்தமாகி வருகிறார்.

படத்தின் கதையும் அது சொல்ல வருகின்ற கருத்துக்களும் தன்னை கவர்ந்துள்ளதால் தான், தான் நடிக்க அமோதித்ததாக கூறுகிறார் இந்த கம்பீரப் பாடகன்.

  தம் திறமைகளை இந்த உலகத்துக்கு நிரூபிக்க முற்படும் இரண்டு இளைஞர்களின் கதைதான் இந்த மூணே மூணு வார்த்தை !
இதில் அர்ஜுன் மற்றும் ''சுட்ட கதை'' புகழ் வெங்கி ஆகியோர் நடிக்கிறார்கள். இவர்களோடு படத்தின் உயிரோட்டமான பாத்திரத்தில் பாடும்நிலாவும் லக்ஷ்மியும் நடிக்கிறார்கள். இவர்களும் படத்தின் வெற்றிக்கும் யதார்த்ததிற்கும் முக்கியமானவர்களாய் தோன்றுகிறார்கள் என்கிறார் கதையை இயக்கம் இயக்குனர் மதுமிதா!
புதியவர்களை களமிறக்கியுள்ள இந்தப் படத்தின் மொத்த நம்பிக்கையும் கதைதான் என்று சொல்லப்படுகிறது.

#சினிமாத்தனமில்லாது வந்தால் இன்னும் சிறப்பாக இருக்கும்



  
2,236 Views
தாய் எட்டடி பாய்ந்தால், பிள்ளை பதினாறடி பாயும் என்பது போல, தந்தைக்கு தப்பாமல் அசத்தும் வாரிசுகளில் முன்னிலையில் இருக்கின்றவர் உலக நாயகன் கமல்ஹாசன் மகள் சுருதி ஹாசன்.

கமல் இப்பொழுது, விஸ்வரூபம் 2, உத்தம வில்லன், பாபநாசம் போன்ற படங்களில் நடித்து முடித்து 2015க்குள் வெளியிட திட்டமிட்டு வருகிறார். தனது 3 படங்களையும் எப்படியான காலங்களில் இறக்கலாம் என்பது அவருடைய திட்டம்.
ஆனால், தந்தையை மிஞ்சிய மகளாய் ஸ்ருதி அகோர வேகத்தில் 2015 வெளியாகும் 7 படங்களில் நடித்துக் கொண்டிருக்கிறார்.

பொலிவூட்டில் ராக்கி ஹேண்ட்ஸம் மற்றும் வெல்கம் பேக் ஆகிய படங்களில் ஜான் ஆபிரஹாமுடனும், கப்பார் எனும் படத்தில் அக்ஷய் குமாருடனும், யாரா என்ற படத்தில் வித்யூத் ஜம்வாலுடன் ஜோடி சேர்ந்துள்ள ஸ்ருதி, நம்ம தமிழ் சினிமாவைப் பொறுத்தவரையில், விஜய், மகேஷ்பாபு மற்றும் நாகர்ஜுனா  + கார்த்தி இணைந்து நடிக்கும்  சேர்த்து மொத்தமாக 7 படங்களில்  நடிக்கிறார்.
இந்தப்படங்கள் அனைத்தும் இந்த வருடமே வெளியாகவுள்ளமை குறிப்பிடத்தக்கது.
#இப்பிடியே போனால் ஸ்ருதிதிதி.........!
4,764 Views

இப்பொழுது நம்ம சினிமாவுலகில், ஒரு புது ஸ்டைல் ஆரம்பித்திருக்கிறது என்றுதான் சொல்ல வேண்டும்.
அதாவது, முன்பென்றால் நடிப்பு நடிகர்களோடு மட்டும் முற்றாகிவிடும். இசை இசையமைப்பாளர்களின் வேலை. பாடலுக்கென்றே அடையாளப்படுத்தப்பட்ட பாடகர்கள் இருந்தார்கள். இந்நிலை இப்பொழுது தலைகீழாகி விட்டது.

முடிந்தால் முன்னேறலாம் என்பது போல, யாருக்கு முடியுமோ அவர் இதுமட்டும்தான் என்கின்ற வரம்பை உடைத்து எல்லா துறையிலும் பிரகாசிக்கலாம் என்பதாய் முன்னேறியிருப்பது ஆரோக்கியமானது தான்.
உதாரணமாக பலரை சொல்லலாம்!

சரி, இப்போ சொல்ல வந்த விஷயம் என்னவென்றால், கடுகு சிறிதானாலும் காரம் பெரிதென்பது போல, திறமையால் இன்று இளசுகளுக்கு மிகப் பிடித்த ஒரு இசையமைப்பாளர் பாடகர் அனிருத்.
''ஆமா... நம்ம அனிருத்து'னு வாய்மூடாமல் பார்ப்பவர்களுக்கு இன்னொரு இனிப்பான செய்தி.
லட்சுமணன் இயக்க ஜெயம்ரவி ஹன்சிகா மற்றும் பூனம் பஜ்வா நடிக்கும் படம் ரோமியோ ஜீலியட்.
இந்தப்படத்துக்கு இசையமைக்கிறார் நம்ம இமான் அண்ணாச்சி.
சரி, விஷயம் என்னய்யான்னா.. நம்ப புள்ள அனிருத், இமான் அண்ணாச்சி இசையில் ஒரு கானா பாடலை பாடியிருக்கிறார். இந்தப் பாடல் மிக அமோக வரவேற்பை பெறுமென அனைவரும் எதிர்பார்க்கிறார்கள்.
ஸோ, ஓகே !
எதோ பண்ணுங்க, ஆனால்.. பாட்டு நல்ல வந்தால் சரிதானுங்கோ !

3,088 Views
உலக நாடுகளில் களைகட்டிய புத்தாண்டு கொண்டாட்டம் 2015.

2014 ற்கு விடைகொடுத்து 2015 ஐ வரவேற்க நாங்கள் தயாராகிக் கொண்டிருக்கிறோம். இன்னும் சில மணிப்பொழுதுகளே 2015 புதுவருடத்தை வரவேற்கவிருக்கும் நிலையில், ஒரு சில நாடுகள் மலரும் புதுவருடக் கொண்டாட்டத்தை ஆரம்பித்திருக்கின்றார்கள்.

அவுஸ்திரேலியா மற்றும் நியூசிலாந்து நாடுகள் தற்போது மிகப்பிரம்மாண்டமான முறையில் அழகிய வானவேடிக்கைகளுடன் கூடிய வரவேற்பை வழங்கி 2015-ம் ஆண்டை வரவேற்றிருக்கிறார்கள்.
அந்தக் காட்சிகள் உங்களுக்காக.































*தொகுப்பு-கணேஷமூர்த்தி ராகவன்

2,583 Views
[1]      «      554   |   555   |   556      »      [584]
Hot Gossip


Recent Gossip Post




Top 10 Commenters

Latest Comments

Top