Rayynor Silva,Raynor Silva Holdings,RaynorSilva,RayynorSilva

Sooriyan Gossip, Sooriyan news, Gossip Lanka News | Sooriyangossip | Sooriyan Gossip | Sooriyan Fm Gossip | Sooriyan Gossip Official Web Site | Gossip Lanka - திக்கெட்டும் வேறெங்கும் கிட்டாத கிக்கான கிளுகிளு கிசுகிசு இங்கு மட்டும்.

Rayynor Silva,Raynor Silva Holdings,RaynorSilva,RayynorSilva,Sooriyan Gossip, Sooriyan news, Gossip Lanka News | Sooriyangossip | Sooriyan Gossip | Sooriyan Fm Gossip | Sooriyan Gossip Official Web Site | Gossip Lanka - திக்கெட்டும் வேறெங்கும் கிட்டாத கிக்கான கிளுகிளு கிசுகிசு இங்கு மட்டும்.

உதவும் கரங்களின் உயர்ந்த உள்ளங்களோடு உச்சம் தொட்டது-
சூரியனின் உதவும் கரங்கள்.

இயற்கையின் கோரத்தாண்டவத்துக்கு இலக்காகி இன்னுயிரை இழந்து இயல்பற்ற நிலையில் இருக்கும் மலையகத்தின் கொஸ்லாந்தை மீரியபெத்தை மக்களின் மனங்களில் நம்பிக்கை நாற்றுக்களை விதைத்துவிட்டது சூரியனின்-உன்னத 'உதவும் கரங்கள்' திட்டம்.

'செய்வன திருந்தச் செய்,
செய்ய வேண்டிய நேரத்தில் செவ்வனே செய்,
யாரும் செய்ய முடியாததை செய் '
இது சூரியனின் சாதனை வெற்றிப் பயணத்தில் சரித்திர மகுடம் வாக்கியம் என்றாலும் மிகையில்லைபோலிருக்கிறது.

எல்லோராலும் செய்ய முடியாதவொன்றை எல்லோரும் செய்திடாத நேரத்தில் செய்து காட்டும் உங்கள் முதல்வன் சூரியன் இம்முறையும் அப்படியே ஓர் உன்னத பணியை செய்து காட்டி சரித்திர சாதனை படைத்திருக்கின்றது.

இயற்கையின் கோரதாண்டவத்துக்கு இலக்காகி இயல்பற்ற நிலையில் வாழ்விடம் இழந்து வாழத்துடிக்கும் மீரியபெத்தை இயற்கையின் மழலைகளுக்கு, கல்விக்கான காத்திரமான நம்பிக்கை உன்னத 'உதவும் கரங்கள்' மூலம் கொடுக்கபட்டிருப்பதில் சூரியன் வானொலி பெருமை கொள்கின்றது.

உதவும் கரங்களுக்கான அழைப்பு கிடைத்த நாள் முதலாய் தங்கள்  உயரிய உள்ளங்கள் எத்தகையது என்பதை எங்கள் சூரிய சொந்தங்கள் மீண்டுமொருமுறை நிரூபித்துக்காட்டியிருக்கிறார்கள்.









வாழ்விடம் இழந்து வாழவழிதேடும் மீரியபெத்தை பகுதி மக்கள் தங்கள் அன்றாட தேவைகளை பூர்த்தி செய்ய அங்கலாய்க்கும் இத்தருணத்தில் அவர்களுக்கு கல்விஎன்ற அந்த கூரான ஆயுதத்தை கையில்கொடுத்து  எதிர்நீச்சல் போடவைப்பதே
அவர்கள் வாழ்வில் வனப்பைகொடுக்கும் என்பதை நன்குணர்ந்த ஆசிய ஒலிபரப்புக் கூட்டுத்தாபனத்தின் தலைவர் திரு ரெய்னோ சில்வா அவர்களின் சீரிய சிந்தனையில் இந்த மீரியபெத்தை சிறார்களுக்கு உதவும் சூரியனின் 'உதவும் கரங்கள்' திட்டம் முன்னெடுக்கப்பட்டது.

சூரியன் வானொலியின் பணிப்பாளர் A.R.V.லோஷன் அவர்களின் நேரடி வழிநடத்தலில் ,AHM அஸ்ரப் அவர்களின் தலைமையிலான திட்டமிடல் விரிவாக்கல் பிரிவு மற்றும் செய்திப் பிரிவினரின்  கூட்டு முயற்சியின் பலனாகவே இந்த திட்டம் மிகப்பெரும் வெற்றியை தேடிதந்திருக்கின்றது.    

இயற்கையால் வஞ்சிக்கப்பட்ட ,வளமான எதிர்காலத்துக்காய் காத்திருக்கும் பிஞ்சுகளின் நெஞ்சங்களில் பாலை வார்த்திருக்கிறது சூரியச் சொந்தங்கள் மலையாய் குவித்த கற்றல் உபகரணங்கள்.

அவர்களுக்கு தேவையான பெரும்தொகையான கற்றல் உபகரணங்களை வாரிவழங்கிய எங்கள் வள்ளல்கள் நினைத்ததை சூரியன் முன்னின்று நடத்திக் காட்டியிருக்கிறது.





இனிவரும் நாட்களில் உங்கள் பெயர் சொல்லி அந்தப் பிஞ்சுக் குழந்தைகள் தங்கள் கற்றல் நடவடிக்கைகளை மேற்கொள்ளக் காத்திருக்கிறார்கள் என்பதில் நம்பிக்கை கொள்வோம்.

அவர்கள் புரட்டுகின்ற ஒவ்வொரு தாள்களும் உங்கள் பெயர் சொல்லபோகின்றது. இந்த உன்னதமான கைங்கரியத்தொடு இணைந்து கரம்கொடுத்த எங்கள் சூரியச் சொந்தங்களுக்கு நாங்கள் தலைவணங்கி நன்றி நல்கின்றோம்.

நன்றி என்ற வார்த்தையை சொல்லி உங்களை நாங்கள் அன்னியப்படுத்திட நினைக்கவில்லை.

எது எங்கள் வெற்றியல்ல.
சூரியனின்  உன்னத வெற்றிகளுக்கு என்றும் போல் உயிர் கொடுக்கும் உன்னத சூரிய சொந்தங்களே இது உங்கள் வெற்றி!

கல்லறைகளில் வாழும் மீரியபெத்தை உறவுகள் நிம்மதியாய் நித்திரை கொள்ளட்டும்.கண்ணீரில் வாடும் எங்கள் உறவுகளுக்கு நாங்கள் கரம் கொடுப்போம்!

உதவும் கரங்கள் திட்டத்தில் மிகப்பெரும் ஒத்துழைப்பு நல்கிய அனைத்து நல் உள்ளங்களுக்கும் சூரியன் வானொலியின் கோடான கோடி நன்றிகள்.

நன்றிகள் நல் உள்ளங்களே !





















1,573 Views
இயக்குனர் சிகரம் பாலச்சந்தர் இயற்கை எய்தினார்.
சாய்ந்தது சாதனைச் சிகரம் !

தமிழ் திரை உலகின் தரமான படைப்புக்களுக்கு சொந்தக்காரன் ,தரணியில் தனக்கென்று ஓர் தனித்துவ திரையுலக பாதை வகுத்த திரையுலக மாமேதை இயக்குனர் சிகரம் பாலசந்தர் இன்று மாலை இயற்கை எய்தினார்.

சரித்திர சாதனைகளால் இன்றும் தமிழ் திரை உலகில் தன்னிகரில்லா சாதனை விருட்சங்களை விதைத்த இந்த இமையம் இன்று மாலை இயற்கைக்கு இரையானது.

 சென்னை மருத்துவமனையில் சிகிச்சை பெற்று வந்த பிரபல இயக்குநர் கே.பாலசந்தர் சிகிச்சை பலனின்றி தனது  84 வயதில் காலமாகிய செய்தி தமிழ் திரை உலகை கவலைகொள்ள செய்திருக்கிறது.

பிரபல இயக்குநர் கே.பாலசந்தருக்கு சிறுநீர் பாதையில் ஏற்பட்ட நோய்த்தொற்று காரணமாக சென்னை ஆழ்வார்பேட்டையில் உள்ள  மருத்துவமனையின் தீவிர சிகிச்சைப் பிரிவில் சேர்க்கப்பட்டு கடந்த நாட்களில் சிகிச்சை அளிக்கப்பட்டது.



இந்நிலையில் இன்று இரவு 7 மணியளில் சிகிச்சை பலனின்றி கே.பாலசந்தர் காலமானார்.

சமூக பிரச்சனைகளை மையமாக வைத்து திரைப்படங்களை இயக்கியவர். பிரச்சினைகளை பின்னூட்டலாய் பிதற்றாமல் பிரமாதமாய் திரையில் காட்டியவர்.

இயக்குனர் , தயாரிப்பாளர், திரைக்கதை, வசனகர்த்தா என பன்முகத்திறமை கொண்ட பாலசந்தர் பல்விருதுகளுக்குச் சொந்தகாரர்.

1930 ஆம் ஆண்டு திருவாரூர் மாவட்டம் நன்னிலம் அருகே உள்ள நல்லமாங்குடியில் பிறந்தவர் பாலசந்தர். பள்ளிப் பருவத்தில் நாடகங்களை நடத்தி வந்தவர் பின்னர் அண்ணாமலைப் பல்கலைக் கழகத்தில் படித்து ஆசிரியராக வாழ்க்கையை தொடங்கினார்.

நாடகத்துறை மீது இவர் கொண்ட கொண்ட நாட்டம் இவர் திரையுலகில் கால்பதிக்க வாய்ப்புக்களை தேடிக்கொடுத்து  .

1965 ம் ஆண்டு MGR அழைப்பை ஏற்று தெய்வத்தாய் படத்துக்கு கதை வசனம் எழுதினார். பின்னர் நீர்க்குமிழி படத்தை இயக்கி இயக்குனராக  அவதாரமெடுத்தார்.எத்தனையோ தமிழ் திரையுலக பிரபலங்களின் திரையுலக வாசல் கதவை திறந்து வழிகாட்டிய இயக்குனர் சிகரம் தன் வாழ்வில் MGR ஐ வைத்து படம் இயக்கியதே இல்லை என்பது ஒரு குறையாகவே இருந்தது.

செவாலியர் சிவாஜி கணேசன் நடிப்பில் பாலச்சந்தர் இயக்கிய ஒரே படம் எதிரொலி. 1971 ஆம் ஆண்டு வெளியான இப்படம் தோல்வியுற்றது.

வெற்றி+தோல்வி ஆகிய இரு துருவங்களையும் ஒரேநேரத்தில் தமது திரையுலக வாழ்வில் பாலச்சந்தர் அனுபவித்தது உண்டு. நான்கு சுவர்கள் படுதோல்வி அடைந்து விமர்சன அளவிலும் ஒதுக்கப்பட்ட அதேகால கட்டத்தில் அவரது நூற்றுக்கு நூறு வெளியாகி பெரும் பாராட்டையும் வெற்றியையும் ஈட்டிக் கொடுத்தது.

சோதனைகள் வந்தால் அடுத்த படத்தில் சாதனை படைக்கும் மாயாஜால மந்திரம் தெரிந்தவர் இந்த இயக்குனர் சிகரம் பாலச்சந்தர் அவர்கள்.

காலத்தால் அழியாத காத்திரமான கலைப்படுப்புக்கள் என்றால் எங்கள் கண்முன்னே வந்துபோகும் உன்னத படைப்பாளி இந்த இயக்குனர் சிகரம் அபூர்வ ராகங்கள், எதிர்நீச்சல், அவள் ஒரு தொடர் கதை, வறுமையின் நிறம் சிவப்பு, புன்னகை மன்னன், உன்னால் முடியும் தம்பி உட்பட 100 படங்களுக்கு மேல் இயக்கி சிகரம் தொட்டவர்.

                                                  

தமிழ் திரையுலகின் சூப்பர் ஸ்டாரை 1975 இல் 'அபூர்வ ராகங்கள்'எனும் வெற்றித் திரைக்காவியம் மூலமாக ரஜினிகாந்தை அறிமுகப்படுத்தியவர என்ற மிகப்பெரும் பெருமை இவருக்கே இருக்கிறது.தன் திரையுலக வாழ்வில் ரஜினிக்கு அறிமுகம் கொடுத்ததுவே எனக்கிருக்கும் மிகப்பெரும் கௌரவம் என்று சொல்லிகொள்பவர்.

     

உயர்ந்த இடத்தில் தமிழ் திரையுலகின் சூப்பர் ஸ்டார் ரஜினிகாந்த் திகழ்ந்தாலும்,இருந்தாலும் இன்றும் ரஜினியின் மரியாதைக்கு பாத்திரமாக பாலசந்தர் அவர்கள் திகழ்ந்தமை கவனிக்கத்தக்கதே !

தமிழ் திரையுலகின் சாதனை நாயகர்களான கமலஹாசனும் ரஜினிகாந்தும் இணைந்து நடித்த கடைசிப் படம் பாலச்சந்தரின் 'நினைத்தாலே இனிக்கும்'. ஆயினும் இது எதிர்பார்த்த வெற்றியை அவருக்கு பெற்றுக் கொடுக்கவில்லை. பாலசந்தர் வெளிநாடுகளில் படப்பிடிப்பை நிகழ்த்திய முதல் படமும் இதுவேயாகும்.

1979 ல் பாலச்சந்தர் இயக்கத்தில் வெளியான "நினைத்தாலே இனிக்கும்' திரைப்படம். 35 ஆண்டுகளுக்குப் பின் இருவரையும் வைத்து ஒரு திரைப்படம் இயக்குவதற்கு பாலச்சந்தர் திட்டமிட்டிருந்தார். அது நடக்கவில்லை என்பது தமிழ் ரசிகர்களுக்கு ஏமாற்றமே.

நடிகர் கமலஹாசன் புகழ்பெறுவதற்கும் காரணமாக இருந்தவரும் பாலசந்தர்தான். அத்துடன் SV  சேகர், மெளலி, மகேந்திரன், பிரகாஷ்ராஜ், ராதாரவி, சுஜாதா, ஷோபா, சரத்பாபு, மேஜர் சுந்தரராஜன் உள்ளிட்ட பல் தமிழ் திரையுலக் நட்சத்திரங்களுக்கு தன் படங்கள் மூலமாக பிள்ளையார் சுழி போட்டவர்.

மேலும் ரெட்டைச் சுழி படத்தில் இயக்குநர் பாரதிராஜாவுடன் சேர்ந்து நடித்தார். அவர் கடைசியாக நடித்த படம் கமலஹாசனின் உத்தம வில்லன். அடுத்த ஆண்டு  இந்த திரைப்படம் வெளிவர இருக்கிறது.  

கே.பாலசந்தர் அவர்கள் இதுவரை மொத்தமாக 101 படங்கள் இயக்கியுள்ளார்.
முதல்படம்: நீர்க்குமிழி;
நூறாவது படம்: பார்த்தாலே பரவசம்;
அவர் இயக்கிய கடைசிப் படம்: பொய்.

எஸ். வி.சேகர் (வறுமையின் நிறம் சிகப்பு),
மவுலி (நிழல் நிஜமாகிறது)
மகேந்திரன் (நவக்கிரகம்)  
காத்தாடி ராமமூர்த்தி (பட்டினப்பிரவேசம்) என்று
 நாடக மேடையில் புகழ் பெற்றிருந்த சிலரை சினிமாவுக்கு அழைத்து உன்னத இடம் கொடுத்து உட்கார வைத்து அழகு பார்த்தவரும் இவர்தான்.

இப்படியான திறமைசாலி தன் நடிப்பாற்றலை கல்கி, பொய், ரெட்டைச்சுழி, நினைத்தது யாரோ, உத்தம வில்லன் போன்ற படங்களில் தனது நடிப்பு திறமையையும்  வெளிப்படுத்தியிருக்கிறார்.

                                           

#விருதுகள்:

1968 - 1993 - தமிழக அரசு விருது
1973ல் - கலைமாமணி விருது
1974 - 1994 - 12 முறை பிலிம்பேர் விருது (சவுத்)
1976 - 1982 - நந்தி விருது
1981ல் - பிலிம்பேர் விருது
1987ல் - மத்திய அரசின் பத்மஸ்ரீ விருது
1992ல் - அறிஞர் அண்ணா விருது
2008 - 39வது சர்வதேச திரைப்படவிழாவில் "வாழ்நாள் சாதனையாளர் விருது'
2011ல் - தாதா சாகிப் பால்கே விருது.
கவுரவ டாக்டர் பட்டங்கள் - 3 பல்கலை

#பாலச்சந்தர் இயக்கிய தமிழ் திரைப்படங்கள்:
01.நீர்க்குமிழி
02.நாணல்
03.மேஜர் சந்திரகாந்த்
04.பாமா விஜயம்
05.அனுபவி ராஜா அனுபவி
06.எதிர் நீச்சல்
07. தாமரை நெஞ்சம்
08.பலே கொடலு
09. பூவா தலையா
10.சட்டெகலப்பு சடேயா
11.இரு கோடுகள்
12. பத்தாம்பசலி
13.எதிரொலி
14.நவகிரகம்
15.காவிய தலைவி
16. நான்கு சுவர்கள்
17.நூற்றுக்கு நூறு
18.பொம்மா பொருசு
19.புன்னகை
20.கண்ணா நலமா
21. டெள்ளக டகழா
22.அரங்கேற்றம்
23.சொல்லத்தான் நினைக்கிறேன்
24. அவள் ஒரு தொடர்கதை
25. நான் அவனில்லை
26. அபூர்வ ராகங்கள்
27.மன்மதநீலை
28.அந்துலாணி கதா
29. மூன்று முடிச்சு
30.அவர்கள்
31. பட்டின பரவசம்
32. அயினா
33. நிழல்நிஜமாகிறது
34.மாரோ சரிதரா
35. தப்பு தாளங்கள்
36. தப்பிடா தலா
37. நினைத்தாலே இனிக்கும்
38.அந்தமானிய அனுபவம்
39. நூல் வெலி
40. குப்பெடு மனசு
41.இடி கதா காடு
42.கழகன்
43.வறுமையின் நிறம் சிவப்பு
44. அகாலி ராஜ்யம்
45. அடவாலு மீகு ஜோகர்லு
46.எங்க ஊர் கண்ணகி
47. தொலிகோடி கூடிண்டி
48. தில்லு முல்லு
49. தண்ணீர் தண்ணீர்
50. எத் துஜே கே லியே
51.47 நாட்கள்
52. 47 ரோஜூலு
53.அக்னி சாட்சி
54. பெங்கியாழி அரலிடா ஹூவு
55. பொய்காலி குதிரி
56.ஜாரா சி ஜிங்காடி
57. கோகிலம்மா
58. எக் நாய் பகலி
59.அச்சமில்லை அச்சமில்லை
60. ஈரஐ ரேகேகலு
61. கல்யாண அகதிகள்
62.சிந்து பைரவி
63. முகிலே மலிகே
64. சுந்தர ஸ்வாப்நகலு
65. புன்னகை மன்னன்
66. மனதில் உறுதி வேண்டும்
67. ருத்ரவேணா
68. உன்னால் முடியும் தம்பி
69.புது புது அர்த்தங்கள்
70.ஒரு வீடு இரு வாசல்
71.அழகன்
72. அழகன்
73. வானமே இல்லை
74. திலோன் கா ரிஷ்தா
75. ஜாதி மல்லி
76. டூயட்
77.கல்கி
78. பார்த்தாலே பரவசம்
79. பொய்

சாதனைகள் படைத்து தமிழ் திரையுலகை சர்வதேச தரத்துக்கு உயர்த்திய உத்தமர் இன்று நிரந்தரமாய் துயில் கொள்கிறார்.
தலைமுறைகள் தாண்டியும் வாழும் தமிழ் திரையுலகின் அடையாளமான பாலு மகேந்திரா,ராம நாராயணன்,எஸ்எஸ் ராஜேந்திரன் வரிசையில் இப்போது இயக்குனர் சிகரமும் 2014 ல் தமிழ் திரை வானிலிருந்து உதிர்ந்த ஓர் நட்சத்திரமாகிறது.

காலத்தால் அழியாத காவியங்கள் மூலமாய் நம் கண் முன்னே இவர் படைப்புக்கள் நினைவுகளை மீட்டித்தரும் என்பதில் எள்ளளவும் ஐயமில்லை.


*தில்லையம்பலம் தரணீதரன்.






3,932 Views

தல அஜீத்தின் என்னை அறிந்தால் படம் பொங்கல் வெளியீடாக வரும் ஜனவரி 14-ம் தேதி வெளியாகும் என்று அதிகாரபூர்வமாக அறிவிக்கப்பட்டுள்ளது.

அஜீத், அனுஷ்கா, த்ரிஷா நடிப்பில், கவுதம் மேனன் இயக்கத்தில் உருவாகியுள்ள படம் என்னை அறிந்தால். இந்தப் படம் வரும் பொங்கலுக்கு வெளியாகும் என கடந்த மாதமே அறிவிக்கப்பட்டுவிட்டது.

'அதாரு உதாரு' ஒற்றைப் பாடலின் வெளியீடு எல்லா இடங்களிலும் பரபரப்பை ஏற்படுத்தியதோடு ரசிகர்கள் காத்திருக்க ஆரம்பித்தனர்.

ஆனாலும் ஐ உள்பட மேலும் 3 படங்கள் வெளியாகும் என அறிவிக்கப்பட்டதால், 'என்னை அறிந்தால்' திட்டமிட்டபடி பொங்கலுக்கு வருமா என்ற கேள்வி இருந்தது. இப்போது என்னை அறிந்தால் படம் திட்டமிட்டபடி பொங்கல் ஸ்பெஷலாக வரப்போவது உறுதியாகிவிட்டது.

வரும் ஜனவரி 14-ம் தேதி தைப்பொங்கல் நாளில் என்னை அறிந்தால் வெளியாகும் என அறிவிக்கப்பட்டுள்ளது. இதனை அட்மஸ் நிறுவனமும் உறுதி செய்துள்ளது.

இலங்கை உட்பட வெளிநாடுகளில் ஒரு நாள் முன்பாகவே என்னை அறிந்தால் வெளியாகவிருக்கிறது

 
​சினி CID ​
4,336 Views
சென்னை 28 திரைப்படம் மூலமாக தமிழ் சினிமாவுக்குள் நாயகனாக வந்து குதித்த ஜெய்க்கு, அதிஷ்டம்  கரம்கொடுக்க அடுத்தடுத்து பட வாய்ப்புக்கள் குவிந்தன. அத்தனையும் நன்றாக ஓடிய படங்களின் பட்டியலுக்குள் இருக்க, வாய்ப்புக்கள் இன்னும் அதிகரித்து இவரது ஒப்புதலுக்காக வாசலிலே பல படாதிபதிகள் காத்துக் கிடக்க ஆரம்பித்தார்கள்.

எளிமையான நடிப்பு, எகத்தாளமில்லா அமைதியான பாணியில் நடித்த ஜெய்யை இரசிகைகளைப் போலவே இரசிகர்களுக்கும் அதிகமாய் பிடித்துப் போனது. இப்படி பல படங்களை கடந்து இப்போது ஐந்து படங்களில் ஒரேடியாக நடித்துவரும் இந்த இளைய நாயகனுக்கு இப்பொழுது ஒரு அவப் பெயர் வந்து சேர்ந்திருக்கிறது.
நீங்க யோசிக்கலாம் சினிமாவில இதெல்லாம் புதுசாப்பானு...
இல்லைதான்! ஆனாலும், குடித்துவிட்டு போதையில் போலீசிடம் சிக்குவது என்பது கொஞ்சம் அநாகரிகமானது என்பது மக்கள் கருத்து.
சென்னையில் உள்ள நட்சத்திர விடுதி ஒன்றில், நிகழ்ச்சி ஒன்றில் கலந்துவிட்டு ஆட்டம் பாட்டம் கொண்டாட்டத்திலும் மிதந்தபடி தன்காரில் வீட்டை நோக்கி வந்துகொண்டிருந்த பொது, போலீசார் இடைமறித்து விசாரித்தபோது, ஜெய் குடித்திருப்பதும் வாகனத்தை செலுத்தி வந்துள்ளதும் தெரியவந்துள்ளது.

ஜெய்யை நடிகரென போலீசாருக்கு தெரியாது. இதற்குள் அப்பகுது மக்கள் குவிய, தலையை கவிழ்ந்தபடி வேகமாக அந்த இடத்தைவிட்டு வெளியேறியிருக்கிறார்.
என்னப்பா தம்பி நீங்க? வளர்ந்து வர்ற நேரத்தில இப்பிடியெல்லாம் பண்ணப்படாது.
4,806 Views
புதுமுக இயக்குனர் அருண்ராஜ் வர்மா இயக்க, நீண்ட இடைவெளிக்கு பின்னர் பிரஷாந்த் நடிக்கும் திரைப்படம் சாஹசம்.
தமன் இசையமைப்பில் இந்தப் படத்தில் இசை பொக்கிசங்கள் நிறையப் பொதிந்திருக்கின்றன என்பது உங்களுக்கான விருந்தாக அமையும். அந்தளவுக்கு இசைக்கு மிக முக்கியத்துவம் கொடுத்து, ஏராளமான பிரபலங்களை பாட வைத்திருக்கிறார்கள்.
அனிருத், லட்சுமி மேனன், அண்ட்ரியா இவர்களோடு இந்தியாவின் மிகப் பிரபலமான பாடகர்களான மோஹித் சவ்ஹான், யோ யோ ஹனிசிங், அர்ஜித் சிங் ஆகியோர் ஒரு பாடலில் இணைந்தும் பாடியுள்ளார்கள்.
இது ஒரு பக்கம்.

இப்பொழுது இன்னுமொரு இசைப் பிரம்மாண்டத்தையும் இந்தப் படத்தின் ஒரு பாடலில் கொண்டு வந்து பாட வைத்துள்ளார்கள். சங்கர் மகாதேவன் இந்தப் படத்தில் கபிலன் வரிகளை வடிக்க ஸ்ரேயா கோஷலோடு இணைந்து ஒரு பாடலை பாடி முடித்திருக்கிறார்.
மிக இனிமையாக பாடல் அமைந்திருப்பதாக பாராட்டிய படத்தின் தயாரிப்பாளர் தியாகராஜன், பாடல்கள் அத்தனையும் மிகச் சிறப்பாக வந்துள்ளன. இசை வெளியீடும் எல்லோரும் எதிர்பார்க்கும் விதமாக அசத்தலாகவே அமையும் காத்திருங்கள் என்று  சொல்லியிருக்கிறார்.

அத்தோடு, சங்கர் மகாதேவன் பாடிய பாடலின் இனிமை, அழகு கண்டு பிரஷாந்த் அன்போடு ஆரத்தழுவி மகிழ்ச்சியை வெளிப்படுத்தியுள்ளார்.
எல்லோரையும் எதிர்பார்ப்போடு காத்திருக்க வைத்திருக்கும் சாஹசம் திரையிசைப் பாடல்கள், படத்தின் பெயரைப் போலவே சாஹசம் செய்யுமா என்று  நாங்களும் இசைப்பிரியர்களோடு இணைந்து இன்னும் எதிர்பார்த்து காத்திருக்கிறோம்.
2,145 Views
சிம்புதேவன் இயக்கம் விஜய் நடிக்கும் புதிய பெயரிடப்படாத திரைப்படத்தில் ஹன்சிகா மற்றும் சுருதி ஹாசன் ஆகியோர்  இருவேடத்தில் நடிக்கும் விஜய்க்கு  ஜோடியாக நடிக்கவுள்ளனர். இவர்களோடு சுதீப் ஸ்ரீதேவி ஆகியோரும் இன்னும் புகழ்பூக்க நடிக்கிறார்கள்.
தேவிஸ்ரீ பிரசாத் இசையமைக்கும் இந்த விஜயின் 58ஆவது படத்தில் அம்மாவாகவே முன்னாள்  பலரின் கனவுக்குள் வலம்வந்த நடிகை ஸ்ரீதேவி நடிக்கிறார். இது ஏற்கனவே உங்களுக்கு தெரியும்.
இப்போ சொல்ல போற புதுவிசயம் என்னன்னா, இந்த திரைப்படத்தில் அம்மாவாக நடிக்க ஸ்ரீதேவிக்கு வழங்கப்படும் சம்பளம் 5 கோடி என்று சொல்லப்படுகிறது.
இதைக் கேட்டதும் நம்ம முன்னணி நடிகைகள் கொந்தளித்து விட்டார்கள்.
எவ்வளோ தாராளமாக நாங்கள் நடித்தும் நாயகியாக நாங்கள் நடிக்கவே எங்களுக்கு சில லட்சங்கள்தான். இது எப்பிடி சாத்தியமாகும் என்று வாய் பிளந்திருக்கிறார்கள்.
ஆக, ஹன்சிகாவுக்கு அம்மாவாக நடிக்கும் ஸ்ரீதேவிக்கு இதுதான் உண்மையாய் பேசப்பட்ட சம்பளமாக இருந்தால், இவர்தான் அம்மாவாக நடிக்க தென்னிந்தியாவில் அதிக சம்பளம் பெற்ற ஒரே நடிகை எனும் பெயரைப் பெற்றுக் கொள்வார்.
பிந்திக் கிடைத்த இன்னொரு கொசுறுத் தகவல் :-
                              இந்தப் படத்தில் 20 வருடங்கள் கழித்து விஜயுடன் நடனமும் ஆடவுள்ளாராம் ஸ்ரீதேவி
-கவலைப்பட்டு எதுவும் ஆகப்போறதில்லை அக்காஸ்....

10,120 Views

இந்தமுறை பல நடிகர் நடிகைகளுக்கு அதிஸ்டம் கரங்கொடுத்துள்ளது என்றுதான் சொல்ல சொல்லவேண்டும். முன்னணியில் உள்ள நடிகைகளின் பாடங்கள் அமோகமாக ஓடி வெற்றிகளையும் விருதுகளையும் பெற்றுக் கொடுக்காவிட்டாலும், அவர்களுக்கு நல்ல பெயர்களையும் வேறு நிறைய வாய்ப்புக்களையும் பெற்றுக் கொடுத்துள்ளமையை நாமும் ஏற்றுக் கொண்டுதான் ஆகவேண்டும்.
சரி !
வர இருக்கும் இந்த விசேஷ புதுவருடத்தை, நம்ம நடிகைகள் என்னென்னன விதத்தில் கொண்டாட
திட்டமிட்டுள்ளார்கள்  என்பது பலருக்கு தெரியாது. இப்போ அவங்க என்னென்ன பண்ண திட்டமிட்டிருக்காங்கன்னு சொல்றோம். கவனமா குறிப்பெடுத்துக் கொள்ளுங்க.
ஹன்சிஹா
ஒவ்வொரு முறையும் அமெரிக்காவின் லாஸ் வேகாஷுக்கு சென்று நண்பர்களோடு கொண்டாடுவார். இந்தமுறையும் தமிழ் படப்பிடிப்பு ஒன்றுக்காக இத்தாலி செல்லவுள்ள ஹன்ஷிகா, அந்த படப்பிடிப்பு முடிய சரியான தருணத்தில் அமெரிக்கா பறக்கிறார் தன் தோழிகளோடு..

அமலாபால்
புதுமணத் தம்பதியான அமலா மற்றும் விஜய் தம்பதியினர் இந்தமுறை அமெரிக்காவின் லொஸ் ஏஞ்சல்ஸ்க்கு செல்ல திட்டமிட்டுள்ளதாக அமலாபால் சொல்கிறார். அங்கிருந்து கனடா செல்வது இவர்களின் அடுத்த திட்டம்.

த்ரிஷா
தன்னுடைய சென்னை வீட்டில், பெற்றவர்கள் உற்றவர்களோடு தனது புதுவருடத்தை வரவேற்க தயாராகவுள்ளேன் என்கிறார்.

இந்த நடிகைகளோடு....
துபாய் அமேரிக்கா  போன்ற நாடுகளின் நட்சத்திர விருந்தகங்களில் நடன நிகழ்ச்சிகளில் பங்கேற்க உள்ளார்கள் ராய் லட்சுமியும், நடிகை ஸ்ரேயாவும் !
சென்னை மற்றும் பிற மாநிலங்களில் சமந்தா & பூனம் பஜ்வா & காஜல் அகர்வால் போன்றோர் தங்களின் தொழிலையும் கவனித்து (நடன விருந்து ) புத்தாண்டையும் கலக்கலாய் கலந்து கட்ட உத்தேசித்துள்ளார்கள்.
ஜமாயுங்க ஜமாய்ங்க
1,712 Views
பிரபல திரைப்பட இயக்குனர் கே. பாலசந்தர், கடந்த சில நாட்களுக்கு முன்பு காய்ச்சல் காரணமாக வைத்தியசாலையில் அனுமதிக்கப்பட்டு சிகிச்சையளிக்கப்பட்டு வந்தார், அந்த சிகிச்சைகளின் போது தான் அவருக்கு சிறுநீரக கோளாறு தீவிரமடைந்திருந்தமை தெரியவந்துள்ளது. உடனே தீவிர சிகிச்சைப்பிரிவில் அனுமதிக்கப்பட்டு சிகிச்சையளிக்கப்பட்டது. பின்னர் அவரது உடல்நிலை சற்று தேறியுள்ளதாக நேற்று தகவல்கள் கிடைக்கப்பெற்றது. இது தொடர்பில் இப்பகுதியில் நாங்கள் பதிவேற்றியிருந்தோம்.

மீண்டெழும் இயக்குனர் சிகரம் - உயிர் கொடுக்கும் சிஷ்யர்கள்.

இயக்குனர் கே. பாலசந்தர் இன்று மீண்டும் தீவிர சிகிச்சைப்பிரிவில் அனுமதிக்கப்பட்டிருப்பதாகவும், டையலசஸ் சிகிச்சையளிக்கப்பட்டு வருவதாகவும், செயற்கை சுவாசம் பொருத்தப்பட்டுள்ளதாகவும் தற்போது கிடைத்துள்ள தகவல்கள் தெரிவிக்கின்றன. இவரது உடல் நிலை மோசமாக இருப்பதால், இவரை பார்ப்பதற்கு இப்போது குடும்பத்தினர் மட்டுமே அனுமதிக்கப்படுகின்றனர் என்பதும் குறிப்பிடத்தக்கது.

இவரைப்பார்க்க நடிகர் சங்கத்தலைவர் சரத்குமார், ராதிகா சரத்குமார், பிரகாஷ்ராஜ், விவேக், சிவகுமார் உள்ளிட்ட மேலும் பல நடிகர்கள் வைத்தியசாலைக்கு வந்திருப்பதாகவும் தெரிவிக்கப்படுகிறது.
வெகுவிரைவில் இயக்குனர் கே. பாலசந்தருக்கு பூரண உடல்நலம் கிடைக்க வேண்டும் என்று நாமும் பிரார்த்தனை செய்கிறோம்.
2,100 Views
சின்னத்திரையில் காமெடி என்கிற ஒன்றை செய்து, சிரிக்க வைத்து வெள்ளித்திரைக்குள் நுழைந்துகொண்டவர்கள் நிறையப்பேர்.
இதே பாணியிலான வரவுதான் மா.கா.பா ஆனந்த்.
சில நகைச்சுவை நிகழ்ச்சிகள் மூலம், சின்னத்திரையில் இருந்த இவர் வானவராயன் வல்லவராயன் என்ற படத்தின் மூலம் சினிமாவுக்குள் வந்தார் .
கிருஷ்ணாவுடன் இணைந்து இரு நாயகர்களில் ஒருவராக நடித்து பலரது பாராட்டுக்களையும் பெற்றவர், தொடர்ந்து பல படங்களில் ஒப்பந்தமாகி வருகிறார். அத்தோடு இப்பொழுது பாடகராகவும் களமிறங்கி தனது பணியை செவ்வனே செய்ய ஆரம்பித்துள்ளாராம் மா.கா பா.
'மொக்கப்படம்' என்ற படத்தில் வல்லவன் இசையில் லவ் பண்ணுங்க லவ் பண்ணுங்க எனும் பாடலை பாடியிருக்கிறார்.
''பார்டா....!
பலபேரும் வந்து சில காலம் போனதும்தான் பல அவதாரங்களில் கை வைப்பாங்க, பையன் வந்ததுமே பாடிக்கிறான் '' இப்பிடித்தாங்க கோடம்பாக்கம் பேசிகொண்டிருக்கு !
நாம என்ன பண்ண? எல்லாம் விதி!
1,973 Views

''சினிமாவில் சாதனை பண்ணுங்க... வேணாம்னு சொல்லல. ஆனால், அதுக்கு முன்னுக்கு ரெண்டு குழந்தைங்கள பெத்து கொடுத்துட்டு நீங்க சாதனை பண்ணுங்க...'' இது கோச்சடையான் இசை வெளியீட்டில்தன் புதல்விகளுக்கு ரஜினிகாந்த் சொன்ன அறிவுரை.
இதன்படி ரஜினியின் இளைய மகள் சௌந்தர்யா அஸ்வின் கோச்சடையான் இயக்கத்தினால் இரண்டு வருடங்களாக தான் தாயாவதையே தள்ளி வைத்திருந்தார்.
குடும்பத்தையே மறந்து படத்துக்காக உழைத்திருந்தும், அவரது உழைப்பு பலராலும் பாராட்டப்பட்டதே தவிர, படம் எதிர்பார்த்தளவுக்கு வெற்றியளிக்கவில்லை என்பது வேறுகதை.
அடடா, அதெல்லாம் சரி, விஷயத்தை சொல்லிட்டு சட்டுபுட்டுன்னு கிளம்புய்யானு நீங்க பார்க்கிறது புரியுதுங்க,
சரி, விஷயம் இதுதான்!
கடந்த 2010இல் திருமண பந்தத்தில் இணைந்துகொண்ட ரஜினியின் இளைய மகள் சௌந்தர்யா அஸ்வின், இப்போது கர்ப்பமாகி இருக்கிறார். விரைவில் ரஜினியின் வீட்டில் இன்னொரு குட்டி மழலை தவலப்போகிறது என்ற சந்தோஷத்தில் முழுக் குடும்பமும் கொண்டாடத் தொடங்கியிருக்கிறது.
வாழ்த்துக்களை நாங்களும் வாரியிறைத்து விடுவோம். 
8,619 Views

கலர் கலரா வந்தாலும், நம்ம இரசிகர்களின் மனதில் கனவுக்கன்னி பதவி மட்டும் இன்னும் சமந்தாவுக்கு வாய்க்கவில்லை. அந்த இடத்தில் சமந்தாவை வைக்க நம்ம பசங்க விரும்பவுமில்லை.
முன்னணி ஹீரோக்களோடு டூயட் பாடினாலும், சமந்தாவின் புகழ் என்னவோ பரவும்படியான வெற்றிகள் இன்னும் அவர் கைக்கு கனியவில்லை என்றுதான் சொல்ல தோன்றுகிறது.

இப்பொழுது இயக்குனர்களும் சமந்தவை கண்டுகொள்வதாய் தெரியவில்லை. இதனால் பொறுமை இழந்த சமந்தா, தமிழில் விக்ரமுடன் நடிக்கும் ‘பத்து எண்றதுக்குள்ளே', தெலுங்கில் திரிவிக்ரம் சீனிவாஸ் இயக்கத்தில் அல்லு அர்ஜுனுடன் நடிக்கும் படம் என வர இருக்கும் இந்த இரு படங்களையும் முடித்துக் கொடுத்துவிட்டு சினிமாவில் இருந்து ஒதுங்க உத்தேசித்துள்ளதாக அவரது நெருங்கிய வட்டாரங்கள் கதையை கசிய விட்டுள்ளன.
இனி சமந்தாவை எண்ணி காத்திருந்தவர்கள், டாப்சியோ லட்சுமி ராய்னு கிளம்பு வேண்டியதுதான்.
10,662 Views
மீண்டெழும் இயக்குனர் சிகரம் - உயிர் கொடுக்கும் சிஷ்யர்கள்.

தமிழ்த் திரையுலகின் இரு பெரும் நட்சத்திரங்களான "சூப்பர்ஸ்டார்" ரஜினியையும், "உலகநாயகன்" கமல்ஹாசனையும் சினிமாவுக்கு தந்த பெருமைக்குரியவர் இயக்குனர் சிகரம் கே.பாலசந்தர். இவர்களை மட்டுமல்லாது இன்னும்பல திரைநட்சத்திரங்களை தமிழ்த் திரைவானில் மின்னவைத்த பெருமைமிக்க இயக்குனர் என்றால் மிகையில்லை.

தமிழ்சினிமாவில் கே.பாலசந்தரைப் பொறுத்த வரையில், சாதாரண/மத்தியதர நகர்ப்புற மக்களின் இயல்பு வாழ்க்கையை உள்ளது உள்ளபடி அப்படியே திரையில் காட்சியாக்கி மக்களின் இதயங்களில் 'இயக்குனர் சிகரம்' ஆக என்றும் நீங்காத சிறப்புப் பெற்றவர். இன்று உடல் நலக்குறைவினால் மருத்துவமனையில் காலனோடு போராடிக்கொண்டிருக்கிறார்.

 திரைத்துறைக்குள் 1960-ம் ஆண்டளவில் MGR இன் "தெய்வத்தாய்" திரைப்படத்தின் மூலம் வசனகர்த்தாவாக உள்நுழைந்த கே.பாலசந்தர் தயாரிப்பாளர், இயக்குனர், மேடைநாடக இயக்குனர், நடிகர் என பல பரிமாணங்கள் கொண்ட அபூர்வ திறமையாளர்.

 எந்தவொரு நிலையற்றதன்மைக்கும் ஒப்புவமை கூறும் நீர்க்குமிழியில் நிலைத்து நின்றவர் இவர். அதாவது  தன் தயாரிப்பிலும், இயக்கத்திலும் உருவான முதற்படமான "நீர்க்குமிழி" யில் ஆரம்பித்த இவரின் சாதனைப்பயணம் இயக்கத்தில் "பொய்" யிலும், தயாரிப்பில் 'குருவுக்காய் குறை கேட்கத் துணிந்த சிஷ்யனின் நடிப்பில்' "குசேலன்" இலும் நிறைவுபெற்றது.

திரைப்பயணம் நிறைவு கண்டாலும் அவர்தம் உலகியல் வாழ்க்கைப்பயணம் நிலைத்திட வேண்டும் என்பது திரைத்துறை கடந்து, அனைவரதும் பொதுவானதொரு ஆசை. இருந்தும் சில மாதங்களுக்கு முன்னர் மகன் கைலாசம் இறைபதம் எய்தியமை பாலசந்தரின் மனதில் மிகப்பெரும் தாக்கத்தை ஏற்படுத்தியிருந்துள்ளது.   
                                                                                                            
அத்தோடு இதயத்தில் ஏற்பட்ட நோய் காரணமாக பை-பாஸ் அறுவைச்சிகிச்சை செய்து கொண்ட பாலசந்தருக்கு, சில தினங்களுக்கு முன் திடீரென மூச்சுத்திணறல் ஏற்பட்டது. இதன் காரணமாக சென்னை ஆழ்வார்பேட்டையிலுள்ள பிரபல தனியார் மருத்துவமனையின் அதிதீவிர சிகிச்சைப்பிரிவில் அனுமதிக்கப்பட்டு சிகிச்சை வழங்கப்பட்டு வருகின்றது.

             

 இந்தநிலையில், பாலசந்தரின் நிலை கேட்டதும் புகழின் உச்சத்திலும் ஊடக வெளிச்சத்திலும் குளித்துக் கொண்டிருக்கும் தமிழ்சினிமாவின் சிறப்பு நட்சத்திரங்கள், தாம் இவ்வாறு புகழின் உச்சத்தில் இருக்கக் காரணமான தங்கள் குருநாதரைத்தேடி சென்னை ஆழ்வார்ப்பேட்டை தனியார் மருத்துவமனைக்கு ஓட்டமாக ஓடிச்சென்று நலம் விசாரித்து ஆறுதல் கூறியுள்ளார்கள். சூப்பர்ஸ்டார் ரஜினியோ இதற்கு ஒருபடி மேலேபோய், தன் குருநாதருக்கு சிகிச்சை அளிக்கும் வைத்தியர்களிடம் பாலசந்தரின் நிலைமை பற்றி கேட்டுத் தெரிந்து கொண்டதோடு, மேலதிக சிகிச்சைகளுக்கான தேவைகளையும் கவனிப்புகளையும் சிறப்பாக மேற்கொள்ளுமாறும் கேட்டிருக்கின்றார். அத்துடன் பாலச்சந்தர் அனுமதிக்கப்பட்டுள்ள அறைக்குச் சென்று அவருக்கு ஆறுதலும் தைரியமும் சொல்லி அளவளாவி, தன் குருநாதர் நோயிலிருந்து மீண்டுவர நம்பிக்கை கூறி வந்திருக்கிறார்.                                                                                                                                                            

பாலச்சந்தர்  முதலில்  கண்டெடுத்த  நட்சத்திர முத்தான  சகலகலாவல்லவன்,உலகநாயகன் என்று புகழப்படுகின்ற கமல்ஹாசன் அமெரிக்காவில் இருப்பதனால் தன் குருநாதரை அருகிலிருந்து கவனிக்க முடியவில்லையே என வருத்தம் தெரிவித்திருப்பதும் இங்கே முக்கியமாக குறிப்பிட்டுக் கூறவேண்டிய விஷயமாகவுள்ளது.      

"மீண்டு எழுந்து வாருங்கள் அய்யா" - Kamal Haasan - தன் குருநாதர் நலம்பெறவேண்டி கமல் எழுதிய கடிதம்

                                                                                                                                       
இப்போது உடல்நிலையில் சற்று முன்னேற்றம் கண்டிருக்கும் இயக்குனர் சிகரத்தை, நடிகை குஷ்பு, இயக்குனர் வசந்த் உள்ளிட்ட பல திரையுலகப் பிரமுகர்கள் சென்று பார்த்து அவரின் சுக நலன்கள் பற்றி விசாரித்து தைரியமூட்டி வருகின்றார்கள்.
                                                    
 வைத்தியர்களின் தொடர் கண்காணிப்பில் இருந்துவரும் இயக்குனர் சிகரம் மீண்டெழுந்து வர வேண்டும். அவரின் வழிகாட்டலும், ஆசியும் தமிழ்சினிமாவின் புதிய படைப்பாளர்களுக்கும் கிடைக்கவேண்டும். இந்தச் சாதனை மனிதர் இன்னும் பல ஆண்டுகள் வாழ வேண்டும் என்ற திரையுலகினரின் பிரார்த்தனையில் நாங்களும் சங்கமிப்போம்.

*கணேசமூர்த்தி ராகவன்.
3,212 Views
காலத்துக்கு காலம் ஒரு துறையில் இருப்பவர்கள், இன்னொரு துறைக்குள் புகுந்து கலக்க ஆசைப்பட்டு இறங்குவார்கள். சிலர் வெற்றி பெறுவார்கள், பலர் இருந்ததையும் இழந்துவிட்டு வெறுங்கையோடு திரும்புவார்கள். இதில் விஜய் யேசுதாஸ் எந்த ரகமென்று  தெரியாது.
ஆனாலும், நடிகராக தமிழில் களமிறங்குகிறார் பாடகர் விஜய் யேசுதாஸ்.
ஏற்கனவே, மலையாளத்தில் ஒரு படத்தில் நடித்திருக்கும் விஜய், இப்பொழுது நட்புக்காக தமிழில் நடிகராகியிருக்கிறார்.
பாலாஜி மோகன் இயக்கத்தில் தனுஷ் நடிக்கும் புதிய படம் மாரி.
இதில் நடிகராகவே நடிக்கிறார் பாடகர் விஜய் யேசுதாஸ்.
ஏற்கனவே, தனுஷும் விஜயும் நல்ல நண்பர்கள் என்பதால், தனுஷ் கேட்டுகொண்டதற்கு இணங்க நடிக்க சம்மதித்துள்ளார் விஜய். இதில் அவருக்கு முக்கியமான வேடம் வழங்கப்படுள்ளது.
அத்தோடு இப்படத்திற்கு அனிருத் இசையமைக்கவுள்ளமையும் இன்னொரு விசேட அம்சம்.
எது எப்படியோ, நமக்கு இன்னொரு ஹீரோ கிடைத்துவிட்டார்!
1,813 Views
த்ரிஷாவுடன் காதல் கொண்டு கலந்துருகி பல இடங்களுக்கும் பறந்து திரிந்த தெலுங்கு நடிகர் ராணா, இடையிலேயே தன் காதலை முறித்துக் கொண்டு தனிமைக்கு தாவியதாக கூறப்பட்டது.
த்ரிஷா தரப்பில் விசாரித்தால், ராணா பலே கில்லாடி என்றும் பெண்கள் விடயத்தில் ''ரொம்ப பாசக்கார பயபுள்ளை''னும் சொல்லிருந்தார்.
நிறைய பெண்களுடன் தொடர்புள்ள நவீன கிருஷ்ணன் ராணா என்பதும், த்ரிஷா வாயிலிருந்து வந்த வார்த்தைகளாக இருக்கும் நிலையில், எனது உறவை முறித்துக் கொண்டேன் என்றும் த்ரிஷ் சாடை மாடையாக தெரிவித்திருக்கிறார்.
இப்பொழுது புதிதாய் பற்றியிருக்கும் தீயைக் கேட்டால், நீங்க அசந்துடுவீங்க நண்பர்ஸ்! அதாவது, த்ரிஷாவுடன் கசந்த காதலை மீண்டும் காஜல் அகர்வாலுடன் ஒட்டவைத்து ஒற்றுமையாகி அன்னியோன்னியமாக ஆனத்திக்கிறார் என்று கக்ககா பிக்ககா என செய்திகள் வரத் தொடங்கியுள்ளன.
என்னமா இப்பிடி பண்றீங்களேம்மா....
இந்த மாதிரி சுத்துறதுக்கு எங்க கத்துக்கிட்டீங்க ராணா?
ஹோட்டல், வெளிநாடுகள், சுற்றுலாத் தளங்கள் என காஜலும் ராணாவும் சுற்றும் புகைப்படங்களும் இப்பொழுது வரத் தொடங்கியிருக்கின்றன. ஆகவே, உங்க ரெண்டுபேருக்கும் ரொம்ப தாங்க்ஸ். இனி கொஞ்ச நாளுக்கு எங்களுக்கு வாய்க்கு வார்த்தை கொடுத்திருக்கிங்கப்பா....
3,995 Views

இயக்குனர் களஞ்சியத்தோடு முறுகல், சித்தியோடு சிக்கல், கொஞ்ச நாள் தலைமறைவு, இப்படி பல்வேறு சிக்கல்களில் சிக்கி சின்னாபின்னமாகி தலைமறைவாக வாழ்ந்துவந்த அஞ்சலி மீண்டும் தமிழிலேயே களம் குதித்தார்.
ஜெயம்ரவியின் படத்தில் இரண்டு நாயகிகளில் ஒருவராக இணைந்துகொண்டு, தன்  இரண்டாவது இன்னிங்சை ஆரம்பித்த அஞ்சலிக்கு புதுப்படங்கள் கைமேல் கிடைக்கத் தொடங்கின.
அகப்பட்டவரைக்கும் ஆதாயம் என்றபடி, சத்தமில்லாமல் அத்தனை படங்களிலும் ஒப்பந்தமாகி தன்  'திறமையை' காட்டத் தொடங்கினார் அஞ்சு!
இப்பொழுது நம்ம சினிமாக்காரர்கள் எல்லாம் புழுங்கும் ஒரு கதை காதுக்கு எட்ட, சட்டென திரும்பி செவி கொடுத்தால் விஷயம் வேற மாதிரி இப்போது கசியத் தொடங்கியிருக்கிறது.
அதாவது, இந்த அங்காடித்தெரு தந்த அஞ்சலிப் பாப்பாவுக்கு ஆளாளுக்கு அபாரமான பரிசுகளை அள்ளி வீசுகிறார்களாம்.
கார் பங்களா, இரத்தினம் முத்து வைரம் பவளமென ஆக்மார்க் அசத்தல் பரிசுகளாம் அத்தனையும்!
ஆஹா..!!
அடிச்சுது அஞ்சலிக்கு அதிஷ்டம்னு ஆஹ்னு பார்க்கும் மக்கள் தொகை அதிகமாகி இருக்கிறது.
பலர் நேரடியாக பொறுக்க முடியாமல் கேட்டிருக்கிறார்கள். '' இது அவர் தந்த பரிசுதானே..'' அதற்கும் புன்னகையோடு விடைபெற்ற அஞ்சலி, தன்  அடுத்த கட்டம் நோக்கி பவ்யமாக அடியெடுத்து வைக்கிறார்.
- புள்ள பொளைச்சுக்கும்பா....
6,106 Views
[1]      «      569   |   570   |   571      »      [597]
Hot Gossip


Recent Gossip Post




Top 10 Commenters

Latest Comments

Top