Rayynor Silva,Raynor Silva Holdings,RaynorSilva,RayynorSilva

Sooriyan Gossip, Sooriyan news, Gossip Lanka News | Sooriyangossip | Sooriyan Gossip | Sooriyan Fm Gossip | Sooriyan Gossip Official Web Site | Gossip Lanka - திக்கெட்டும் வேறெங்கும் கிட்டாத கிக்கான கிளுகிளு கிசுகிசு இங்கு மட்டும்.

Rayynor Silva,Raynor Silva Holdings,RaynorSilva,RayynorSilva,Sooriyan Gossip, Sooriyan news, Gossip Lanka News | Sooriyangossip | Sooriyan Gossip | Sooriyan Fm Gossip | Sooriyan Gossip Official Web Site | Gossip Lanka - திக்கெட்டும் வேறெங்கும் கிட்டாத கிக்கான கிளுகிளு கிசுகிசு இங்கு மட்டும்.

அண்மையில் இசைஞானி இளையராஜாவை தாக்கி சிலேடையாக பேசியுள்ளார் அனிருத், அவருக்கு என்ன நெஞ்சழுத்தம் என, ராஜாவின் விசிறிகள் சிலர் சமூக வலைத்தளங்களில் கொந்தளித்து வருகிறார்கள். 

                        இப்படியே உலாவி வரும் வேளையில், நம்ம கண்ணில இந்த விஷயம் சிக்கிடிச்சு! விடுவமா நாம...? உள்ள இறங்கி அலசி ஆராயும் பொது இன்னும் சில வெளிவராத விஷயங்கள் கசிஞ்சிடுத்துங்கோ! 

கடந்த இரு தினத்துக்கு முன்னம், நம்ம குட்டிப் பையன்  அனிருத் தனது முகநூலில்தனது இரசிகர்களோடு சிலமணி நேரம் செலவழித்தார். 
அதிலே, ஒரு குசும்பு இரசிகர் கேட்டார் 'அனிருத்! உங்கள அடுத்த எ.ஆர்.ரகுமான் என்று கூறலாமா?'' என்றதுக்கு, பதிலளித்த அனிருத், ரஹ்மான் ஒரு ராஜா. நான் ஒரு மந்திரி மட்டுமே. அவரது இசையோடு என்னுடைய இசையை ஒப்பீடு செய்வது சரியல்ல.’ என்றுள்ளார். 



   எங்கடா சிக்குவாங்கன்னு சிந்திச்சபடி அலையும்  க்ரூப்புக்கு இது போதாதா? இசையுலகில் என்றும் ராஜா இளையராஜா மட்டும்தான். எப்படி, நேற்று வந்த அனிருத் இப்படி அவமரியாதையாக பேசலாம் என, தத்தமது சமூக வலைத்தளங்களில் அனிருத்தை ஒரு தரப்பு தாக்கி வருகிறது. 

   இது எந்தளவுக்கு பிரச்சினைச் சுவாலையை ஏற்படுத்தி விடப் போகிறது என்றும், அனிருத் இதற்கு என்ன பதிலளிக்க போகிறார் என்றும் பொறுத்திருந்து பார்ப்போம் !

சும்மாவே ராஜா - ரஹ்மான் ரசிகர் சண்டைகள் இணையத்தில் களைகட்டும்...
இப்போது புதுசா அனிருத்...
இது எப்படி போகிறது என்று கவனிப்போம்.
11,583 Views
தமிழ் சினிமாவில் தற்போது வெளிவரவிருக்கும் திரைப்படங்கள் ஒவ்வொன்றும் ஒவ்வொரு எதிர்பார்ப்பை ஏற்படுத்தியிருக்கின்றன. இந்த நிலையில், படப்பிடிப்பு பற்றியும், இதில் நடிக்கும் ஹீரோக்கள் பற்றிய பல விசயங்களும் கசிந்து கொண்டிருக்கின்றன..

                                                  "தல55" என இப்போதைக்குக் குறிப்பிடப்படும் ,கெளதம் மேனன் இயக்கத்தில் அஜித், அனுஷ்கா, த்ரிஷா, விவேக் உள்ளிட்ட பலர் நடிக்கும் பெயரிடப்படாத படத்தின் படப்பிடிப்பு சமீபத்தில் சிக்கிம்மில் நடைபெற்றது. 

                                                 ஒருசில காரணங்களால் சின்ன மனகசப்புக்கு உள்ளாகி நீண்டநாட்கள் சேர்ந்து நடிக்காமல் இருந்த விவேக்கும், "தல"யும் இந்த படத்தில் சேர்ந்து நடிக்கின்றார்கள். இந்த படப்பிடிப்பில் கலந்துகொள்ள  விமானத்தில் விவேக் சென்றிருக்கிறார்.அவரோடு "தல" அஜித்தும் அந்த விமானத்திலேயே ஒன்றாக பறந்திருக்கிறார். 

                                                  இந்தவேளையில் தான் "வாலி", "கிரீடம்" படங்களின் போது உள்ள பழைய நிகழ்வுகளை பேசிக் கொண்டே சென்று இருக்கிறார்கள். ஒரு கட்டத்தில் திடீரென தனது கையில் இருந்த பெறுமதி வாய்ந்த வெளிநாட்டு கைக்கடிகாரத்தை கழற்றி, விவேக்கின் கையில் மாட்டிவிட்டதோடு  "உங்களுக்கு என்னுடைய அன்பு பரிசு" என்று கூறி இருக்கிறார் அஜித்.


                                                                       
அதோடு மட்டும் நிறுத்தி விடவில்லை "தல".விமான நிலையத்தில் இறங்கி, படப்பிடிப்பு நடைபெறும் இடத்திற்கு விவேக் உடன் காரில் ஒன்றாகவே பேசிக்கொண்டே பயணித்திருக்கிறார். அப்போது, காரின் ஒட்டுநர் ஒரு பழைய செல்போன் வைத்து பேசிக் கொண்டே காரோட்டுவதையும் அஜித் கவனிக்கத் தவறவில்லை.

                                                                                     செல்லும்வழியில் நகர்புறப்பகுதிக்குள் வண்டி நுழைந்தவேளையில், வண்டியை ஒரு இடத்தில் நிப்பாட்டுங்க என்று கூறி இறங்கிச்சென்ற அஜித், பக்கத்தில் உள்ள செல்போன் கடைக்கு சென்று ஒரு புதிய செல்போனை வாங்கி, கார் ஒட்டுநருக்கு பரிசாக அளித்திருக்கிறார்.பரிசளித்தது மட்டுமன்றி, இனிமேல் கார் ஒட்டும் போது ஹெட்போன் போட்டு தான் போன் பேச வேண்டும் என்று அன்பு கட்டளை போட்டிருக்கிறார்.

                                          இந்த நிலையில், தனக்கு அளித்த பரிசு மட்டுமன்றி, ஒட்டுநருக்கு அஜித் அளித்த பரிசையும் பார்த்து வாயடைத்து போய் விட்டாராம் விவேக். 

படத்தில் மட்டும் கருத்து சொன்னா போதாது.....
நம்ம நிஜவாழ்விலும் மற்றவர்களுக்கு முடிந்த உதவி செய்யப்பழகணும்னு "தல" தன்னோட ஸ்டைல்ல சொல்லியிருப்பாரோ........?
12,787 Views
கொடுக்க மனசு உள்ளவர்களுக்கு கையில் பணம் இல்லை, கை நிறைய பணமுள்ளவர்கள் பலருக்கு கொடுக்க மனசு இல்லை. மாதாந்த வருமானத்தைக் கொண்டு, வாழ்க்கை வண்டியை ஓட்டிக்கொடிருப்பவர்கள் மத்தியில், உள்ளவரிடம் வாங்கி இல்லாதவருக்கு கொடுக்கும், குடிசை வீட்டு கோடிஸ்வரர் இவர்.

சீனாவில் பீஜிங் நகரிலுள்ள புகையிரத நிலையமொன்றில் யாசகராக இருக்கும் 65 வயது மதிக்கத்தக்க முதியவர் ஒருவர், மாதம் ஒன்றிற்கு, இந்திய ரூபாவில் 99,000 ரூபாய் உழைக்கிறார் எனும் அதிர்ச்சி தகவல் வெளியாகியுள்ளது.

இவர் யாசகம் செய்யும் பணத்தை, மாத இறுதியில் பிலாஸ்டிக் பையில் போட்டு தபால் நிலையத்திற்கு கொண்டு வந்து கொட்டி எல்லா பணத்தையும் தபால் நிலைய ஊழியர்களுடன் எண்ணி, முழுப்பணத்தையும் தன் சொந்த ஊருக்கு அனுப்புகிறார். தன் ஊரில் தனக்கென ஒரு வீடு கட்டியுள்ள இவர், அது தவிர 3 கல்லூரி மாணவர்களின் படிப்பு செலவுகளையும் கவனித்து வருகிறார். தன்னிடமுள்ள பணத்தை அப்படியே ஊருக்கு அனுப்பும் இவரின் மனசை பாருங்கள்.
3,457 Views
50 வருடங்களுக்கு முன் தோன்றிய பார்பி பொம்மைகளைப்பற்றி யாரும் அறிந்திராது இருக்க வாய்ப்பில்லை. குழந்தைகள் முதல், டீன் ஏஜ் பெண் பிள்ளைகள், உட்பட அனைவரையும் கவர்ந்த இந்த பார்பி பொம்மைகளின் அழகு இன்னமும் குறையவில்லை அதே போல, மக்களுக்கும் இந்த பொம்மை மேலுள்ள ஆசையும் இன்னமும் குறையவில்லை.

அனைவராலும் பேசப்படுகின்ற இந்த பார்பி பொம்மையை போலவே காட்சியளிக்கும் ஒரு பெண்மணி இருக்கிறார். இவரின் பெயர் வெலேரியா... இவர் சோவியத் யூனியனிற்குச் சொந்தமான திர்ரஸ்போல் என்னும் பின்தங்கிய கிராமத்தில் 1985ம் ஆண்டு பிறந்தவர். 29 வயதான வெலேரியா திருமணமானவர், அதிலும் குழந்தைகள் பெற்றுக்கொள்ள மாட்டேன் என்ற ஒப்பந்தத்தின் பேரில் திருமணம் செய்துகொண்டவர்.







வெலேரியாவிற்கு சிறு வயதிலிருந்தே தான் நேசிக்கும் பார்பி பொம்மையை போன்று மாறவேண்டும் என்று ஓர் ஆசை, அதற்காக தன்னை ஆயத்தப்படுத்திகொண்டிருந்தவர், 2007 ம் ஆண்டு மிஸ் டயமண்ட் ஒப் தி வேர்ல்ட் பட்டத்தை பெற்றுக்கொண்டார் இதன் பின் இவரின் ஆர்வம் மேலும் அதிகரித்தது. சத்திரசிகிச்சைகளை செய்துகொண்டு, தன் எடையை குறைத்து, அதிகப்படியான மேக்கப்களைப் போட்டு தன்னை ஒரு பார்பி பொம்மையை போலவே தயார்படுத்திகொண்டு இப்போது அனைவரும், இது பெண்ணா? பொம்மையா என வியக்கும் அளவிற்கு தன்னை மாற்றிக்கொண்டுள்ளார்.



50 வருடங்கள் ஆனபோதும் பார்பி பொம்மைகளின் அழகு குறையவில்லை, அதே போல எத்தனை வயது ஆனாலும் வெலேரியாவும் அழகான தோற்றத்துடன் காட்சியளிப்பாரா?

ம்ம்ம் பொறுத்திருந்து பார்ப்போம் அனைத்தும் காலத்தின் கையில் தான் உள்ளது.
6,051 Views
தமிழ் மற்றும் தெலுங்கில் முன்னணி நடிகையாக வலம் வருவது மாத்திரமில்லாமல், அத்தனை முன்னணி நாயகர்களோடும் டூயட் பாடிய ஹன்ஷிகா இன்னும் நம்ம தல ஜோடியாக நடிக்க முடியவில்லை. 

           யாரோடு ஜோடி போட்டாலும், எல்லா தமிழ் சினிமாவின் நாயகிகளுக்கும் அஜித்குமாரோடு ஒரு படத்திலாவது ஜோடியாக வேண்டும் என்பது கனவாக இருக்கும் எதிர்பார்ப்பு. 

பலர் ஆசைப்பட்டு, அந்தக் கனவை நிறைவேற்றி விட்டார்கள். த்ரிஷா, நயன்தாரா, அசின் ஆகியோர் இவர்களில் அடக்கம். 
இந்த அம்மணிகள் போலவே, இன்று ''எனக்கும் அஜித் சாரோட நடிக்க ரொம்ப ஆசை என்று'' தன் கொஞ்சும் மொழியால் கோரிக்கை விட்டிருக்கிறார் அஜித் படம் தயாரிக்கும் நிறுவனங்களுக்கு ஹன்சிகா.

அவரது இரசிகையாக இருக்கும் என்னை எப்படியாவது ஜோடியாக்குங்கள் என்று, தன் மானேஜர்களுக்கு காதிலே குசுகுசுத்து விடுகிறாராம் அம்மணி.
 
2,571 Views
கலை கலாசார அமைச்சர் டி.பி ஏக்கநாயக்க கழன்ற சப்பாத்தை அணிந்து முக்கிய நிகழ்வொன்றில் கலந்து கொண்டது, பரபரப்பை ஏற்படுத்தியது என்பது அனைவரும் அறிந்ததே.

அமைச்சரின் அடியில்லாத சப்பாத்து மர்மம்

இப்போது இதற்கு விளக்கம் கொடுத்திருக்கிறார் அமைச்சர் டி.பி ஏக்கநாயக்க
"அதாவது அன்று நிகழ்வுக்கு ஆயத்தமாகிக்கொண்டிருக்கும் போது என்னுடைய ஆடைக்கு ஏற்ற வகையில் சப்பாத்தொன்று வீட்டிலிருந்தது, அதிலிருந்த சிலந்தி வலைகளை சுத்தம் செய்து விட்டு அணிந்து கொண்டு வந்தேன், நிகழ்வுக்கு வந்து இறங்கிய உடனே சப்பாத்துக்களின் அடிகள் கழன்றது, நானும் இரண்டையும் கழற்றிவிட்டு கிராமத்தில் செம்மண்ணில் கால் வைத்து நடப்பதை போன்று நடந்தேன்."
இது கெமாராவில் சிக்கியதில் அனைவருக்கும் தெரியவந்துவிட்டது எனறார்.

மேலும் 'கால் பாதம் நிலத்தில் பட நடந்து, ஜனாதிபதியையும் கண்டு அவருக்கு கைகொடுத்து, உரையாடி, இந்நிகழ்வில் கலந்து கொண்டதை நான் பெருமையாக கருதுகிறேன், இது சந்தோஷமாக உள்ளது' என்றார்.

என்னதான் இருந்தாலும் இவரின் சப்பாத்தின் அடிகழன்று, கால் வெளியே தெரிந்த விடயமானது இப்போது Talk of the Town ஆகவுள்ளது.
8,183 Views
சீன அதிபர் இலங்கை வந்ததையடுத்து நேற்று முன்தினம், 27 ஒப்பந்தங்கள் கைச்சாத்திடப்பட்டது என்பது அனைவரும் அறிந்ததே, இத்தருணத்தில் ஒவ்வொரு அமைச்சர்களாக வந்து கையொப்பமிட்டுக்கொண்டிருக்கையில்,
இலங்கையின் கலை கலாசார அமைச்சரான டி. பி ஏக்கநாயக்க அவர்கள், ஏதோ அசௌகரியத்துக்கு முகம் கொடுப்பதை போன்று அங்கிருந்தவர்களுக்கு தோன்ற, சுற்றியிருந்த ஊடகவியலாளர்கள் கொஞ்சம் தேடிப்பார்த்துள்ளனர். அப்போது அவர்களின் கழுகுக் கெமராக் கண்களில் சிக்கிய ஒரு விடயமானது அனைவரின் கவனத்தையும் ஈர்த்துள்ளதுடன், அவரின் கௌரவத்துக்கும் பங்கம் விளைவித்துள்ளது எனலாம்.

அப்படி என்னதான் நடந்தது என்று நீங்கள் கேட்பது புரிகிறது. முதலில் இந்த படங்களைப் பாருங்கள். 










படங்கள் நன்றி - Foreign Correspondents' Association of Sri Lanka

ஆம் அமைச்சர் டி. பி ஏக்கநாயக்க அவர்களின் சப்பாத்தின் அடி இவ்வாறு கழன்று கால் வெளியில் வந்திருந்தமையே இதற்குக் காரணம்.

இது இப்போது இணையத்தளங்களில் பரவலாக பேசப்படும் ஒரு விடயமாகவுள்ளது. லட்சக்கணக்கில் பணம் கொடுத்து சப்பாத்து வாங்கும் அமைச்சர்கள் மத்தியில், இப்படியும் ஒருவரா?
அல்லது ஏதாவது புதிய சப்பாத்து fashionஐ அமைச்சர் அறிமுகப்படுத்தியுள்ளாரா என்ற சந்தேகமும் உள்ளது.
10,552 Views
நடிகர் சூர்யா தனது நண்பர் விக்ரமின் ஐ பட போஸ்டரை தனது வாட்ஸ் ஆப் - Whatsapp ப்ரொபைல் படமாக வைத்துள்ளார்.

ஷங்கர் இயக்கத்தில் விக்ரம் நடித்துள்ள ஐ படத்தின் ட்ரெய்லரை யூடியூப்பில் ஏராளமானோர் பார்த்துள்ளனர், பார்த்து வருகின்றனர்.

ஐ பட டிரெய்லர், பாடல்கள் பற்றி தான் ஃபேஸ்புக், ட்விட்டரில் ரசிகர்கள் பேசி வருகிறார்கள்.

இப்போது மற்றொரு முன்னணி நடிகரான சூர்யாவின் 'வாட்ஸ்ஆப் ப்ரொபைல்' படம் என்ன தெரியுமா? I ADVERTISEMENT !!!

இந்நிலையில் சூர்யாவின் வாட்ஸ்ஆப் ப்ரொபைல் படம் பலரின் கவனத்தையும் ஈர்த்துள்ளது. காரணம் சூர்யா தனது ப்ரொபைல் படமாக ஐ படத்தின் போஸ்டரை வைத்துள்ளார்.



சூர்யாவும், விக்ரமும் நெருங்கிய நண்பர்கள் என்பதை அனைவரும் அறிவர். எனவே தனது நண்பரின் படத்தை விளம்பரப்படுத்தும் வகையில் அவர் இதை செய்துள்ளார்.

ஐ பட போஸ்டரை மட்டும் சூர்யா பயன்படுத்தவில்லை. மேலும் ஐ படக்குழுவுக்கு தனது வாழ்த்துக்களையும் தெரிவித்துள்ளார்.

ஐ என ஆச்சரியப்பட்டுக்கொண்டே இன்னொரு விஷயத்தையும் நினைவுபடுத்திக் கொள்வோம்...
சூர்யா இன்னமும் ஷங்கரின் இயக்கத்தில் எந்தவொரு படத்திலும் நடிக்கவில்லை.
(இது எப்பிடி இருக்கு?)
9,468 Views
இன்னும் புதிய 'ஐ' இசை வெளியீட்டு விழா புகைப்படங்கள்...















8,505 Views
அர்ஜுனின் 'ஜெய் ஹிந்த்' 2 - இசை வெளியீட்டு விழா - விசேட புகைப்படத் தொகுப்பு

அர்ஜுன் இயக்கி, தயாரித்து நடிக்கும் 'ஜெய் ஹிந்த்' 2 - இசை வெளியீட்டு விழா அண்மையில் நடைபெற்றது.
இயக்குனர் பாலாவும் கலந்துகொண்டிருந்தார்.

3,585 Views
சூப்பர் ஸ்டார் ரஜினிகாந்த் தானே நீதிமன்றத்துக்கு சென்று ஒரு படத்துக்கு தடை விதிக்க சொல்லியுள்ளார்.
அது ஒரு ஹிந்தி படம்..

‘மே ஹூன் ரஜினிகாந்த்’ (நான் தான் ரஜினிகாந்த்) என்னும் ஹிந்தி படம் ஆகும்.
ரஜினிகாந்த் பெண் பித்தர் போலவும், பாலியல் தொழிலாளிகளுடன் தொடர்பு உள்ளவர் போலவும் சித்தரிக்கப்பட்டுள்ளார் என்றும் தகவல்கள் வந்துள்ளது.
இது ரஜினிகாந்தின் நல்ல பெயரை கெடுக்கும் என்று அவர் நினைக்கிறார்.
வட இந்திய ஊடகங்கள், இணையங்கள், சமூக வலைத்தளங்களில்ரஜினி பற்றிய கேலிகள், நகைச்சுவைகள் பரவலாக இடம்பெறுவதுண்டு.
ஹிந்தி திரைப்படங்களிலும் ரஜினியைக் கிண்டல் செய்வதும் உண்டு.

எனினும் இப்போது தான் முதன்முறையாக ரஜினி இப்படி ஒரு நடவடிக்கை எடுத்துள்ளார்.

சூப்பர் ஸ்டார் என்னும் பட்டத்தை பெற்று தக்க வைப்பதற்காக அவர் 35 ஆண்டுகளுக்கு மேலாக உழைத்து வருகிறார். தமிழ், தெலுங்கு, கன்னடம் என பல மொழிகளில் தனது திறமையை நிருபித்து உள்ளார். இப்படிபட்ட தனது உழைப்பை இந்த படம் வீணாக்கி விடும் என்று ரஜினிகாந்த் நினைக்கிறார்.
இந்த வழக்கை விசாரித்த நீதிபதி இந்த படத்தை இந்த மாதம் 25 ஆம் தேதி வரை வெளியிட தடை விதிக்கிறேன் என்று தீர்ப்பு கூறினார்
3,315 Views
​மலையாளத்தில் வெற்றி பெற்ற திரிஷ்யம் என்னும் படம் தமிழில் பாபநாசம் என்னும் பெயரில் உருவாகி வருகிறது. இந்த படத்தில் உலக நாயகன் கமல்ஹாசனும் கவுதமியும் நடித்து வருகிறார்கள்.
இந்த படத்தின் படப்பிடிப்பு திருநெல்வேலியை சுற்றியுள்ள பகுதிகளில் நடந்து வருகிறது. இதில் கமல் தொடர்ச்சியாக நடித்து வருகிறார்.

இந்நிலையில் சாப்பிட்ட உணவு அவருக்கு ஒத்துக்காததால் அவருக்கு உடல்நல குறைவு ஏற்பட்டது. அதனால் சென்னை அப்பலோ மருத்துவமனையில் அனுமதிக்கப்பட்டார்.
இது பற்றி நாம் ஏற்கெனவே கும்மாளம் நிகழ்ச்சியில் சொல்லியிருந்தோம்.

சிகிச்சைக்கு பின் அவரது உடல் நிலை சரியானது. நலமான உடலுடன் அவர் நேற்று மாலை வீடு திரும்பினார்.
2,071 Views
இந்த உலகத்தில் எல்லோருமே இருக்கிறதை விட்டுவிட்டு பறக்கிறதுக்கு ஆசைப்படுபவர்கள் தான்.
இதில் நடிகர்கள் மட்டும்  விதி விலக்கா...?

ஆசைப்படுவது தப்பில்லை தான்,ஆனால் அவஸ்தையும் படணுமே.

ஹீரோவாக ஆசைப்பட்டுதான்  இந்த அவஸ்தையில் சிக்கியிருக்கிறார் தமிழ்சினிமாவில் கொமெடியில் கொடிகட்டிய நடிகர் சந்தானம்.  
                      
சந்தானம் கொமெடியனாக இருந்தபோது வாய்ப்புகள் அவரது வாசல் கதவை தட்டின என்றால் மிகையாகாது.  ஆனால், ஹீரோவாக ஆசைப்பட்டு இவர் எடுத்து புதிய அவதாரம் அவரை பாழும் கிணற்றில் தள்ளிவிட்டது.

 தற்போது வாய்ப்புகள் எதுவுமே இல்லாமல் இருக்கும் இவர், தனது நெருங்கிய நண்பர்களான சக நடிகர்களிடம் இறங்கிப்போய் வாய்ப்பு கேட்டு வருகிறாராம். ஆனால், யாரும் அவருக்கு வாய்ப்புகள் தந்தபாடில்லையாம். 

 தற்போது தனது இறுதி அஸ்திரமாக, தன்னுடன் அண்மையில் நெருக்கமான நண்பரும், ஹீரோவும், சேர்ந்து நடித்தவருமான  உதயநிதியிடம் தேடிப் போய் இவர் வாய்ப்பு கேட்டிருக்கிறார்.இருந்தும்,அவரும் தன்னுடைய அடுத்த படத்தில், கொமடியில் தனக்கொரு தனி இடத்தை பிடித்து வரும் நடிகர் "பரோட்டா சூரி" யை போட்டுவிட்டேன் என்று கூறி இவரை கழட்டி விட்டாராம் உதயநிதி. 
 
இப்படி நண்பர்கள் எல்லாம் தன்னை கழட்டிவிட்ட சூழ்நிலையில் என்ன செய்வதென்று தெரியாமல் திகைத்து போயிருக்கிறார் நடிகர் சந்தானம்.
   
யாருக்கு எது வருமோ, அதைதானே செய்யணும்.இது புரியாமல் மனம் புண்ணாகிக்கிடக்கிறார் சந்தானம்.  

அரிதாரம் பூசப்போய் அவஸ்தைப் படணுமா.....? திரையில் தான் கொமெடியன்னு பார்த்தா நிஜவாழ்விலுமா..
7,718 Views
தலைப்பை பார்த்து தப்பு தப்பா கணக்கு போடும் அன்பர்களே!
அப்பிடி இப்பிடி .. அந்த மாதிரி இந்த மாதிரி எல்லாம் யோசிக்கிறதை நிறுத்துங்கப்பா.

விஷயம் இதுதான், பொறுமையா படிங்க புரியும்!
கடந்த 2010இல் ஜி.வியுடன் ஸ்ரேயா கோஷல் இணைந்து அங்காடித்தெரு படத்தில் வரும் ' உன்பேரைச் சொல்லும் போதே' பாடலை நமக்கு கொடுத்திருந்தார். 
அதன்பிறகு, இந்த குயிலும் பிஸி, ஜி.வியும் பிஸி!

இப்பொழுது இதே டீம் மீண்டும் களமிறங்கி இருக்கிறது. 
கார்த்தி நடித்து வரும் கொம்பன் படத்தில் ஜி.வியின் இசையில் ஒரு பாடலும் , ஜி.வி பிரகாஷ் தானே இசையமைத்து நடித்துவரும் டார்லிங் படத்தில் ஒரு பாடலுமாய் இரு பாடல்களை நான்கு வருடங்கள் கழித்து ஜி.வியின் இசையில்  பாடி இருக்கிறார் ஸ்ரேயா கோஷல் !
அத்தோடு, இருவரும் இணைந்து ஒரு செல்பியும் க்ளிக் பண்ணிருக்காங்க.. 

இதை மகிழ்ச்சியுடன் GV பிரகாஷ் தனது ட்விட்டரில் பகிர, குயில் ஷ்ரேயாவும் பாராட்டி மகிழ்ச்சி தெரிவித்திருக்கிறார்.
3,209 Views
தமிழ் சினிமாவில், தற்போது வெளிவரவிருக்கும் மாஸ் ஹீரோக்களின் படங்கள் பற்றியே தான் பேச்சாக இருக்கும் நிலையில், நம்ம தல அஜித் நடிக்கும் புதிய படத்தில்,நாயகிகளாக திரிஷா மற்றும் அனுஷ்கா ஆகியோர் நடிக்க,இதன் இறுதிக்கட்ட படப்பிடிப்பு ராஜஸ்தானில் இடம்பெற்று வருகின்றது.  . இதன் வெளியீட்டுக்கான வேலைகளும், முன்னோட்ட காட்சி அமைக்கும் பணிகளும் தொழில்நுட்பகுழுவினால் வேகமாக மேற்கொள்ளபடுகின்றது. 

                                                               இந்தநிலையில் தான், தல ரசிகர்களை கோபப்படுத்தும் விதமாக, அஜித் உடன் அடுத்த படத்தில் நடிக்க மாட்டேன் என சொல்லியிருக்கிறார் இந்த படத்தின் நாயகி அனுஷ்கா.

                  அண்மையில் இந்த படத்தின் இயக்குனர் கெளதம்மேனன் ஆங்கிலப்பத்திரிகை ஒன்றுக்கு பேட்டியளிக்கும்போது, இந்தப் படத்தில் "தல" இன் கேரக்டர் எல்லாரும் பேசும்படியாக இருக்கும் என்றும், அதனால் இந்த படத்துடன் அவரது கேரக்டரை முடிக்காமல் அஜித்தின் அனுமதியுடன், இதன் இரண்டாம் பாகத்தையும் எடுக்கும் எண்ணத்தில் இருப்பதாகவும் கூறியிருந்தார். 

                                  இந்த செய்தி வெளியான நிலையில் அனுஷ்கா அவசர அவசரமாக தனது மறுப்பை வெளியிட்டிருக்கிறார்.
அடுத்த பகுதியில் அஜித்துடன் தான் நடிக்க மாட்டேன் என்று பட்டுத் தெறித்ததுபோல சொல்லிவிட்டார் அனுஷ்கா.

இந்த நிலையிலேயே அஜித் ரசிகர்கள் ரொம்பவும் அதிர்ச்சியும் கோபமும் அடைந்துள்ளார்களாம்.

ஆனால்,  இதுவரை தான் ஒப்பந்தமாகியிருக்கும் படங்களை  முடித்து கொடுத்ததும், திருமணம் செய்துகொள்ள இருப்பதாகவும் அதனால் இந்த படத்தின் இரண்டாம் பாகத்தில் நடித்து கொடுக்க முடியாது எனவும் தன்னிலை விளக்கம் சொல்லியிருக்கிறார் நாயகி அனுஷ்கா.    

தல ரசிகர்கள் அமைதியாகினார்களா?
9,299 Views
[1]      «      756   |   757   |   758      »      [769]
Hot Gossip


Recent Gossip Post




Top 10 Commenters

Latest Comments

Top