2,929 Views
#தல 55 என்று இதுவரை பெயரிடப்படாத படத்தில் அஜீத் 3 கெட்அப்களில் நடித்து வருகிறார். படத்தின் ட்ரைலர்களையும், பாடல்களையும், படத்தின் பெயரையும் விரைவில் அறிவிக்க இருக்கிறார்கள் படக்குழுவினர் .
கௌதம் மேனன் இயக்கத்தில் அனுஷ்கா, திரிஷா ஜோடியாக நடித்து வருகிறார் தல அஜித். விவேக், தலைவாசல் விஜய் உள்ளிட்ட பலர் நடித்து வருகிறார்கள். இதுவரை கதாநாயகனாக நடித்து வந்த அருண் விஜய் இப்படத்தில் முதன் முதலாக வில்லன் கதாபாத்திரத்தில் நடித்து வருகிறார்.
இதைப்பற்றி தனது twitter பக்கத்தில் பலவிடயங்களை குறிப்பிட்டார்.அஜீத்தை பற்றி நிறைய கேள்வி பட்டிருக்கிறேன். ஆனால் நெருங்கி பழகினது இல்லை. அவருடன் பழகியதில் அவர் ஒரு உண்மையான சூப்பர் ஸ்டார். எதையும் போலியாக செய்ய மாட்டார். அவருடைய ஒவ்வொரு செயலையும் நான் நேசிக்கிறேன் என்று கூறியிருக்கிறார்.
அஜீத்துடன் இணைந்து நடிக்கும் அருண் விஜய், அஜீத் ஒரு உண்மையான சூப்பர் ஸ்டார் என்று கூறியுள்ளமை பரபரப்பை ஏற்படுத்தியிருக்கின்றது.
அடுத்த சூப்பர் ஸ்டார் விஜய் என்று அவர் ரசிகர்கள் சொல்லிகொண்டிருக்க அருண் விஜய்யின் இந்த கருத்து விஜய் ரசிகர்களை கொஞ்சம் உசுப்பி விட்டிருக்கிறது.
எது எவ்வாறாயினும் அருண் விஜய் குறிப்பிடும் உண்மையான சூப்பர் ஸ்டார் தல அஜித்தின் #தல55 படம் பொங்கலுக்கு வெளியாகும் என எதிர்பார்க்கப்படுகிறது.
16,574 Views
உலகத்தின் பலம் மிக்க அரச தலைவர்,உலகின் செல்வாக்கான நபர்,செல்வாக்கு மிக்க பெண்மணி,பெறுமதி மிக்க விளையாட்டு வீரர் என்ற அடிப்படையில் பலவகைகளில் இந்த சஞ்சிகை பட்டியலை வெளியிட்டு பரபரப்பை ஏற்படுத்துகின்றமை வழமையே.
இம்முறை இவர்களது குறித்த பட்டியலில் இடம்பெற்றுள்ள ஒரே இந்திய விளையாட்டு வீரர் MSD மட்டுமே. இவர் 5-வது இடத்தில் தரவரிசைப்படுத்தப்பட்டுள்ளார்.
அமெரிக்கக் கூடைப்பந்து வீரர் லீ பிரான் ஜேம்ஸ் முதலிடத்தை பிடிக்க,அடுத்த நிலையில் Golf வீரர் டைகர் வூட்ஸ் ஆகியோர் அடுத்தடுத்த இடங்களை பிடித்துள்ளனர்.
இந்த பெறுமதிமிக்க வீரர்கள் பட்டியலில் பிரபல டென்னிஸ் நட்சத்திரங்கள் சுவிஸ்லாந்தின் ரோஜர் பெடரர் மற்றும் ஸ்பெயினின் ரபேல் நடால் ஆகியோர் அடுத்தடுத்த மதிப்பு மிக்கவர்கள் பட்டியலில் இடம் பிடித்துள்ளனர்.
ஆனால் MSDயின் பெறுமதி மதிப்பு 2014ஆம் ஆண்டு 20 மில்லியன் அமெரிக்க டாலர்கள் என்று குறிப்பிட்டுள்ளது. கடந்த ஆண்டில் 21 மில்லியன் அமெரிக்க டாலர்களாக இருந்தமை குறிப்பிடத்தக்கது.
இந்த பட்டியலில் முதலிடம் பிடித்த அமெரிக்கக் கூடைப்பந்து வீரர் லீ பிரான் ஜேம்ஸ்சின் பெறுமதி 21 மில்லியன் அமெரிக்க டாலர்களாகும்.
இதேவேளை பிரபல குறுந்தூர ஓட்ட வீரர் ஜமெய்காவின் உசேன் போல்ட் 6ம் இடத்திலும்,ரியல் மாட்ரிட் மற்றும் போர்த்துக்கல் கால்பந்தாட்ட வீரர் கிறிஸ்டியானோ ரொனால்டோ 7 ம் இடத்திலும்,ஆர்ஜெண்டின அணியின் தலைவரும் பிரபல பார்சிலோனா கழக வீரருமான லியோனல் மெஸ்ஸி 9 ம் இடத்திலும் தரப்படுத்தப்பட்டுள்ளமை குறிப்பிடத்தக்கது.
3,594 Views
2,610 Views
இங்கிலாந்து இளவரசர் வில்லியம் இளவரசி கேட் மிடில்டன் தம்பதிக்கு அடுத்ததாக இரட்டை குழந்தைகள் அதுவும் பெண்குழந்தைகள் பிறக்கப்போவதாக அரண்மனை வட்டாரம் தெரிவிக்கின்றது .
இவர்களுக்கு ஒன்றரை வயது உடைய ஜோர்ஜ் என்ற மகன் உள்ளார்.
இந்நிலையில் கேட் இரண்டாவது முறையாககர்ப்பமாக உள்ளார். அவர் கர்ப்பமான செய்தியை அரண்மனை அதிகாரபூர்வமாக அறிவித்ததில் இருந்து பிறக்கப் போவது ஆணா, பெண்ணா என்று இங்கிலாந்து மக்கள் பந்தயம் கட்டி வருகிறார்கள்.
தனக்கு இரட்டைக் குழந்தைகள் அதுவும் பெண் குழந்தைகள் பிறக்கப் போவதாக கேட் அரண்மனைவாசிகளிடம் தெரிவித்துள்ளதாக ஒரு தகவல் கசிந்துள்ளது.
முதல் குழந்தை ஆணாக பிறந்ததால் அடுத்தது பெண்ணாக பிறக்க வேண்டும் என்று கேட் விரும்பியதாகவும் அண்மையில் கேட் மிடில்டன்னுக்கு நடத்தப்பட்ட பரிசோதனையில் தான் அவருக்கு இரட்டைக் குழந்தைகள் என்பதுதெரிய வந்ததாகவும் தெரிவிக்கப்படுகின்றது.
கேட் தனக்கு பிறக்கப் போகும் குழந்தைகளுக்கு என்ன பெயர் வைப்பார் என்று ஏற்கனவே ஒரு கூட்டம் பந்தயம் கட்ட ஆரம்பித்துவிட்டது.
எல்லாம் இன்னும் கொஞ்ச நாளில் தெரிந்துவிடும் பொறுத்திருந்து பார்ப்போம்.
5,510 Views
இவருக்கு உலகின் பிரபல கால்பந்து அணியான மன்செஸ்டர் யுனைட்டட் அணி மிகப் பிடித்த அணியாகும்.
ஆனால் ரசிகராக மட்டுமன்றி மஹேல கால்பந்து விளையாடுவதிலும் சளைத்தவர் அல்ல என்பதை கடந்த வாரம் பலர் நேரடியாகக் கண்டு ஆச்சரியப்பட்டுப் போயினர்.
மருதானை சாஹிரா கல்லூரியின் பழைய மாணவர் நடத்திய நட்சத்திர கால்பந்து போட்டியில் மஹேல மெஸ்ஸியாகி ரசிகர்களை மெரசலாக்கினார்.
சாஹிரா அணிக்கும் கிரிக்கெட் வீரர்கள் அடங்கிய நட்சத்திர அணிக்கும் இடையிலான போட்டியில் மஹேல கிரிக்கெட்டர் அணிக்காக ஹட் ட்ரிக் அடிப்படையில் 3 கோல்கள் பெற்று அசத்தியிருந்தார்.
மஹேலவின் அணி 6 -1 என வெற்றியீட்டியது.
மஹேலவுடன் இந்த அணியில் முன்னாள் கிரிக்கெட் வீரர்கள் சமிந்த வாஸ், சம்பக ராமநாயக்க, உபுல் சந்தன, கிரேம் லப்ரூய் போன்றோரும் விளையாடியிருந்தனர்.
தகவலுக்கு நன்றி - ரெக்ஸ் கிளெமென்டெய்ன்
படம் நன்றி - கமல் வன்னியாராச்சி
5,164 Views
இத்திரைப்படத்தில், தனுஷுக்கு ஜோடியாக அம்ரியா தஸ்தூர் என்ற புதுமுக நடிகை அறிமுகமாகிறார். மேலும், இதில் நவரச நாயகன் கார்த்திக் முக்கிய கதாபாத்திரம் ஒன்றில் நடித்திருக்கிறார்.
தனுஷுக்கு இதில் மூன்று விதமான கெட் அப்பாம்.
தமிழ் சினிமாக்களில் காதல் என்பது தவிர்க்க முடியாத ஒன்று. எந்தவகைத் திரைப்படமாக இருந்தாலும் அதில் காதலும் இழைந்தோடியே இருக்கும். சில திரைப்படங்களில் காதல் மட்டுமே பிரதானமாக இருக்கும். ஆனால், காதல் இல்லாத திரைப்படங்களைத் தனித்துக் காண்பது அரிதிலும் அரிது.
அந்தவகையில், தனது அனேகன் திரைப்படமும் காதலை மையப்படுத்தியது தான் எனத் தெரிவித்துள்ளார் கே.வி.ஆனந்த். இது தொடர்பில் அவர் மேலும் கூறியுள்ளதாவது,
"அனேகன் திரைப்படம் காதலை மையப்படுத்தி எடுக்கப்பட்டுள்ளது. அனேகன் என்ற பெயர் ஒரு தனிமனிதனை குறிப்பிடுவது அல்ல. பல மனிதர்களை உள்ளடக்கியது. திருவாசகத்தில் இடம்பெற்றுள்ள ஒரு வாசகத்தை வைத்துத்தான் இத்திரைப்படத்தின் தலைப்பை தெரிவு செய்துள்ளோம்.
வெவ்வேறு கால கட்டங்களில் நடக்கும் கதை என்பதால் இப்படத்தில் தனுஷும், அம்ரியா தஸ்தூரும் மூன்றுவிதமான கதாபாத்திரங்களில் நடித்துள்ளனர்" என தெரிவித்துள்ளார் கே.வி.ஆனந்த்.
இத்திரைப்படத்துக்கு, ஹரீஸ் ஜெயராஜ் இசையமைக்க, ஓம் பிரகாஷ் ஒளிப்பதிவு செய்துள்ளார்.
இது கே.வி.ஆனந்த் இயக்கம் 5ஆவது திரைப்படமாகும்.
இத்திரைப்படத்தின் இறுதிகட்ட வேலைகள் நடந்து வருகின்றன. பாடல்களை இம்மாதத்தில் வெளியிட படக்குழுவினர் முடிவு செய்துள்ளனர். நவம்பரில் படம் வெளியாகும் எனத் தெரிவிக்கப்படுகிறது.
3,983 Views
பாருங்களேன் மீண்டும் நயனோடு சேர்ந்த குஷி சிம்புவின் முகத்தில் எப்படி ஜொலிக்குது பாருங்கள்..
நயன்தாராவும் கொஞ்சம் பிரகாசிக்கிறாவோ?
ஏதோ மீண்டும் சிக்கல், பிக்கல் புடுங்கல் இல்லாமல் சந்தோஷமா படம் வந்தா சரி.
3,527 Views
ஹெச்பி HP என்று அழைக்கப்படும் ஹெவ்லெட் பேக்கார்ட் (Hewlett Packard) நிறுவனத்தின் முக்கிய துறைகளின் வளர்ச்சியை கருத்தில் கொண்டு இந்நிறுவனம் இரண்டாக பிரிந்து செயல்பட உள்ளதாக இந்நிறுவனம் தெரிவித்துள்ளது. இந்நிலையில் நிறுவனம் பிரிக்கும் பொழுது ஹெச்.பி நிறுவனத்தில் இருந்து சுமார் 5,000 பணியாளர்களை நிறுவனத்தை விட்டு நீக்குவதாகவும் ஹெச்.பி நிர்வாகம் தெரிவித்துள்ளது.
66 பில்லியன் டாலர் மதிப்புடைய இந்நிறுவனத்தை தற்போது மெக் வித்மேன் தலைமை வகித்து நடத்தி வருகிறார். இந்நிறுவனத்தின் வன்பொருள் மற்றும் சேவை பிரிவில் இருந்து Laptop, கம்பியூட்டர் மற்றும் பிரிண்டர் வர்த்தகத்தை தனியாக பிரிக்க இந்நிறுவனம் திட்டமிட்டுள்ளது.
ஹெச்.பி நிறுவனம் கடந்த சில காலாண்டுகளாக மந்தமான வர்த்தகத்தையே சந்தித்து வருகிறது. இதனால் நிறுவனத்தின் சில பிரிவுகளை தனியாக பிரிப்பதன் மூலம் முக்கிய வர்த்தகத்தில் அதிகப்படியான கவனத்தை செலுத்த முடியும் என மெக் வித்மேன் தெரிவித்துள்ளார். சில ஆண்டுகளுக்கு முன்பு இதே முயற்சியை எடுக்க நினைத்த முன்னாள் தலைவர்கள் சில பல காரணங்களாக கைவிட்டனர் என்பது குறிப்பிடதக்கது.
கடந்த நிதியாண்டில் இந்நிறுவனம் சுமார் 112 கோடி ரூபாய் வருமானம் பெற்றது. மேலும் இந்நிறுவனத்தின் பங்குதாரர்கள் இந்நிறுவனத்தின் கணினி பிரிவுகளை தனியாக பிரிக்கவும் அல்லது கணினி தயாரிப்பை விற்றுவிடவும் வலியுறுத்தி வருகின்றனர்.
ஹெச்.பி நிறுவனத்தை போன்று மைக்ரோசாப்ட், சிஸ்கோ, ஐபிஎம் போன்ற முன்னணி நிறுவனங்களும் அதிகளவில் பணியாளர்களை பணிநீக்கம் செய்ய திட்டமிட்டுள்ளன.
2,898 Views
14,394 Views
பெரிதாக வெளியே தெரியாமலிருந்த ரஹ்மானின் மகன் அமீன் பற்றி அண்மையில் பல செய்திகள் வெளியே வந்திருந்தன.
அமீனை பலர் திரைப்படங்களில் நடிக்க வைக்க அணுகியதாக ரஹ்மான் வழங்கிய பேட்டிகள் பற்றி செய்திகள் வெளிவந்திருந்தது நினைவுபடுத்தக்கூடியது.
வாழ்த்துக்கள் கூறுவோம்...வரவேற்போம்..வாகை சூட..
8,199 Views
விஷாலும் யுவன் சங்கர் ராஜாவும் இப்போதும் நல்ல நண்பர்கள்தான்.
விஷாலின் இப்போது வெளிவந்துள்ள படமான பூஜைக்கும் யுவன்தான் இசை ஆனால் விஷால் - சுந்தர் சி கூட்டணியில் உருவாகும் ஆம்பள படத்திலிருந்து விலகி இருக்கிறார் யுவன்.
அவருக்குப் பதில் ஐந்து இசையமைப்பாளர்கள் அந்தப் படத்துக்கு இசையமைக்கின்றனர்.
இந்த வெளியேற்றத்துக்கான காரணம் தெரியவில்லை. சுந்தர்.சிக்கும் யுவனுக்கும் ஒத்துப் போகவில்லை என்கிறது உள்வட்டாராம். இத்தனைக்கும் சுந்தர்.சியின் பல படங்களுக்கு இசையமைத்தவர் யுவன்.
ஐந்து இசையமைப்பாளர்கள் இப்போது ஆம்பள படத்தின் இசையமைப்பாளர்களுள் ஒருவராக ஹிப் ஹாப் தமிழா ஆதி அறிமுகமாகிறார். ரஹ்மானின் உதவியாளர் ஒருவரும் இசையமைக்கிறார். மேலும் 3 புதிய இசையமைப்பாளர்களையும் இந்தப் படத்தில் அறிமுகம் செய்கிறார் சுந்தர்.சி.
முதன் முதலாக தமிழ் சினிமாவில் 5 இசையமைப்பாளர்களை அறிமுகப்படுத்தியவர் இயக்குனர் வசந்த் அடுத்ததாக இயக்குநர் பார்த்திபன் தன் கதை திரைக்கதை வசனம் இயக்கத்திலும் 5 இசை அமைப்பாளர்களைப் பயன்படுத்தினார். இதே போல ராகவா லாரன்ஸ் இயக்கும் முனி 3-ம் பாகமான கங்காவிலும் 5 இசையமைப்பாளர்கள் இசையமைக்கின்றனர்.
இப்படியே போன ஒரு படத்தில் ஒரு பாடலுக்கு ஒரு இசையமைப்பாளர் என்ற நிலை வந்துரும் போல ம்ம்ம்ம்……
3,656 Views
உதவுவாரா உலகநாயகன் கமல்....? கெளதம் மேனனுக்கு கை கொடுப்பாரா....
தலயைத் தட்டிக் கொடுப்பாரா?
5,072 Views
இங்கிலாந்து பயிற்சியாளர் ஆண்டி பிளவர் மற்றும் விக்கெட் காப்பாளர் மட் பிரையர் ஆகியோர் சக வீரர்களை திட்டியும், அசிங்கப்படுத்தியும் மோசமாக நடந்து கொண்டதாகக் குற்றம்சாட்டிய கெவின் பீட்டர்சன், இந்திய வீரர்களுக்கே இது நன்றாக்த் தெரியும் என்று கூறியுள்ளார்.
"மேற்கிந்திய வீரர்களைக் கேளுங்கள்,இலங்கை,அவுஸ்ரேலிய ,இந்திய வீரர்களைக் கேளுங்கள், , இந்தியர்களிடமிருந்து எனக்கு குறுஞ் செய்தி வந்தது. அதாவது நான் எப்படி இப்படிப்பட்ட வீரர்களுடன் விளையாடி வருகிறேன், நம்பமுடியவில்லை’என்று எனக்கு குறுஞ் செய்தி செய்துள்ளனர்.
சர்வதேச வீரர்களிடம் கடந்த 3 அல்லது 4 ஆண்டுகளாக இங்கிலாந்து வீரர்கள் எப்படி நடந்து கொள்கிறார்கள் என்று கேட்டுப்பாருங்கள் உங்களுக்கு நிச்சயம் நான் கூறியிருப்பதன் உண்மை தெரியவரும்”
என்று கெவின் பீட்டர்சன் தனது சுயசரிதை நூல் வெளியாவதை முன்வைத்து தி டெலிகிராப் பத்திரிக்கையில் இவ்வாறு கூறினார்.
தென்னாபிரிக்காவில் பிறந்த KP இங்கிலாந்து குடியுரிமை பெற்று அந்த அணிக்காக 100 டெஸ்ட் போட்டிகளில் ஆடியவர்,அணி தலைவராகவும் கடமையாற்றியவர்.
இங்கிலாந்து கிரிக்கெட் அணி KP என்ற இந்த குதிரையில் ஏறி சவாரி செய்த காலமும் இருக்கிறது.இப்படியிருக்க அவுஸ்ரேலிய அணிக்கெதிரான ஆஷேஸ் போட்டி தொடரில் இங்கிலாந்து மோசமான தோல்வியை தழுவ பலிக்கடாவாக்கப்பட்ட நபர் இந்த KP மட்டுமே.
இவரது சுயசரிதை நூல் தொடர்பில் தெரிவித்த கருத்துக்களால் சர்ச்சையில் சிக்கித் தவிக்கிறார். சர்சைகளால் பேசப்பட்ட கெவின் இப்போது இங்கிலாந்து ஊடகங்களின் தலைப்பு செய்தி ஆகிவிட்டார்.
இவரது இந்த கருத்துக்கள் தொடர்பில் தெரிவித்த முன்னாள் சுழல் பந்து வீச்சாளர் ஸ்வான் பல விடயங்களை சொல்லியுள்ளார். இவருக்கு யார் நல்லவர்,யார் கெட்டவர்,யாரெல்லாம் இவருக்கு உதவினார்கள் என்பதை மறந்து கருத்துரைக்கிறார் என்று விசனம் வெளியிட்டுள்ளார்.
உண்மையில் விக்கெட் காப்பாளர் மட் பிரையர் இவர் அணியில் இருக்க வேண்டும் என்று விரும்பியவர் என்றும் ஸ்வான் குறிப்பிட்டுள்ளார்.
எது எவ்வாறாயினும் தான் தென்னாபிரிக்காவை விட்டு வந்தது மிகப்பெரும் தவறு என்றும்,அதுதான் தன் சந்தோசம் பறி போனதற்கு காரணம் என்ற கருத்தையும் KP முன்வைக்க தவறவில்லை.
காலம் கடந்த ஞானமும் காலம் கடந்த விசாரணைகளும் கவைக்கும் உதவாது அவைக்கும் உதவாது.
4,476 Views
