893 Views
சமீபத்தில் நடந்து முடிந்த பெண்கள் ஆசிய கால்பந்து கிண்ணத்திற்கான தகுதிகாண் சுற்றுப் போட்டியில் ஜோர்தான் அணியை வீழ்த்தி ஈரான் பெண்கள் கால்பந்து அணி முதல் முறையாக ஆசிய கிண்ணத்திற்கு தகுதி பெற்றது.
இந்தப் போட்டியில் ஈரான் அணி பெனால்டி முறையில் ஜோர்தானை 4-2 என்ற கோல் கணக்கில் வீழ்த்தியது. அந்த போட்டியில் ஈரான் அணியின் தூணாக விளங்கி அணிக்கு வெற்றித்தேடி கொடுத்தவர் அந்த அணியின் கோல் காப்பாளர் சோஹ்ரே கவுடேய்.
தற்போது ஜோர்டான் கால்பந்து சங்கம், ஈரானிய மகளிர் அணியின் கோல் காப்பாளர் சோஹ்ரே கவுடேய் மீது அதிகாரபூர்வ பாலின சரிபார்ப்பு சோதனைக்கான விசாரணையைத் தொடங்குமாறு ஆசிய கால்பந்து கூட்டமைப்பிடம் கேட்டுக்கொண்டுள்ளது.
இது குறித்து ஜோர்தான் கால்பந்து சங்கத்தலைவர் அலி பின் ஹுசைன் டுவிட்டரில் தெரிவித்துள்ளதாவது:
ஈரான் பெண்கள் கால்பந்து அணி மீது முந்தைய காலங்களில் இருந்தே பாலின மற்றும் ஊக்கமருந்து பிரச்சினைகள் இருந்து வந்துள்ளது. அதனால் சோஹ்ரே கவுடேய் மீதும் மற்ற வீராங்கனைகள் மீதும் "பாலின சரிபார்ப்பு சோதனை" நடத்துமாறும் இந்த சோதனை சுதந்திரமான மருத்துவ குழுவால் நடத்தப்பட வேண்டும் எனவும் கேட்டு கொள்கிறேன்.
இவ்வாறு அதில் தெரிவிக்கப்பட்டுள்ளது.
இந்த நிலையில் இதற்கு பதில் அளித்து பேசியுள்ள சோஹ்ரே கவுடேய் "நான் ஒரு பெண். இந்த குற்றச்சாட்டு கொடுமையானது. ஜோர்தான் கால்பந்து சங்கம் மீது நான் வழக்குத் தொடருவேன் " எனத் தெரிவித்துள்ளார்
Make a Comment
Follow US
Make a Comment
இன்னும் கிசுகிசு செய்திகளுக்கு
Hot Gossip
Recent Gossip Post
திக்கெட்டும் உச்சம் பெற்ற பரபரப்புச் செய்திகள்
Top 10 Commenters
Latest Comments
