அஜித் நடிப்பில் உருவாகி இருக்கும் திரைப்படம் வலிமை.
ரசிகர்கள் மத்தியில் பெரும் எதிர்ப்பார்ப்பை ஏற்படுத்தி இருக்கும் இதன் மேக்கிங் வீடியோ சமீபத்தில் வெளியாகி வரவேற்பு பெற்றது. இதையடுத்து திரைப்படத்தின் டிரைலரை படக்குழுவினர் வெளியிட்டனர். இந்த டிரைலர் இணையத்தில் வைரலாகி யூடியூப்பில் டிரெண்டானது.
மேலும் பல பார்வையாளர்களை கடந்து சாதனை படைத்துவரும் நிலையில், வலிமை திரைப்படத்தின் அடுத்த அப்டேட்டை படக்குழுவினர் நேற்று வெளியிட்டுள்ளனர். அதாவது இத்திரைப்படத்திற்கு தணிக்கையில் யூ/ஏ சான்றிதழ் பெற்றுள்ளதாகவும், வலிமை திரைப்படம் ஜனவரி 13ஆம் திகதி வெளியாகும் என்றும் படக்குழுவினர் அதிகாரப்பூர்வமாக அறிவித்துள்ளனர்.