எளிய முறையில் சுவையான லட்டு! - Sooriyan Gossip - Sooriyan Gossip, Gossip Lanka News | Sooriyangossip | Sooriyan Gossip | Sooriyan Fm Gossip | Sooriyan Gossip Official Web Site | Gossip Lanka

Follow US

Sep

எளிய முறையில் சுவையான லட்டு!

367 Views

பண்டிகை காலங்கள் வந்தால் தான் சில பலகாரங்கள் நமக்கு சாப்பிட தோன்றும்.

ஆனால் லட்டை நாம் எப்போது வேண்டுமானாலும் விரும்பி சாப்பிடலாம்.

செலவு குறைவாகவும், மிகவும் எளிய முறையிலும் வீட்டிலேயே செய்யலாம்.

ரவையில் பல்வேறு சுவையான பலகாரங்களை நாம் செய்து சாப்பிடுகின்றோம்.

அந்தவகையில் இன்று எல்லோருக்கும் பிடித்த ரவா லட்டை எளியமுறையில் எப்படி செய்வதென்று பார்ப்போம்.

தேவையான பொருட்கள்: ரவை - ½ கிலோ சர்க்கரை - ½ கிலோ நெய் - 6 தேக்கரண்டி முந்திரி பருப்பு - 50 கிராம் தேங்காய் - 1 ஏலக்காய் - 12 பால் - 250 மில்லி லிட்டர்

செய்முறை: முந்திரி பருப்பை சிறு துண்டுகளாக உடைத்து நெய்யில் வறுத்து எடுத்துக் கொள்ளவும்.

தேங்காயை துருவிக் கொள்ளவும் பின்பு ஏலக்காயை பொடித்துக் கொள்ளவும்.

பாலை தண்ணீர் சேர்க்காமல் காய்ச்சி வைத்துக் கொள்ளவும்.

பாத்திரத்தில் நான்கு ஸ்பூன் நெய் விட்டு ரவையை வறுக்கவும்.

அடுத்ததாக சர்க்கரையை அதனோடு சேர்த்துக் கிண்டவும்.

ஓரளவு சர்க்கரையின் அளவு சிறுத்து ரவையோடு சேர்ந்து வரும்போது தேங்காய் துருவலைச் சேர்த்துக் கிண்டவும்.

கைவிடாமல் கிண்டவும். இல்லை எனில் அடியில் தீய்ந்து ஒட்டிக் கொள்ளும் பின்னர் ஏலக்காய்த்தூளைச் சேர்த்து ஒன்றாக கலந்து வரும்படி கிளறவும்.

கடைசியாக 2 தேக்கரண்டி நெய் சேர்த்து கிளறி அதனோடு வறுத்த முந்திரி பருப்பைச் சேர்க்கவும்.

சூடான ரவைக் கலவையில் மிதமான சூட்டில் உள்ள பாலை ஊற்றி ஒரு பகுதியை மட்டும் நன்கு கலந்து விட்டு லைட்டை பிடிக்கலாம்.

இப்போது சுவையான ரவா லட்டு தயார்.

இந்த முறையில் நாம் லட்டை செய்வதால் நீண்ட நாட்களுக்கு மிகுந்த தரத்துடன் முதல் நாள் செய்த அதே சுவையுடன் அப்படியே இருக்கும்.

இதை சிறியவர்கள் முதல் பெரியவர்கள் வரை அனைவருக்கும் பிடிக்கும்.

Make a Comment

Share