தமிழ் திரையுலகில் பிரபல நகைச்சுவை நடிகராக இருந்து வருபவர் யோகி பாபு.இவர் நடிப்பில் வெளியான காக்கிச் சட்டை,வேதாளம், ரெமோ, சர்கார், விஸ்வாசம், கூர்கா உள்ளிட்ட படங்களில் அனைவரின் கவனத்தை ஈர்த்தன.
நடிகர்கள் ரஜினி, விஜய், அஜித், சிவகார்த்திக்கேயன், தனுஷ் என பல முன்னணி நடிகர்களுடன் இணைந்து நடித்துள்ள யோகி பாபு, தற்போது தமிழ் திரையுலகில் தவிர்க்க முடியாத நகைச்சுவை நடிகராக வலம் வருகிறார்.
சமீபத்தில் இவர் நடிப்பில் வெளியான 'லவ் டுடே' திரைப்படம் ரசிகர்கள் மத்தியில் பெரும் வரவேற்பை பெற்று வருகிறது.இந்நிலையில்,இவர் அடுத்து தெலுங்கு படத்தில் பிரபல நடிகர் பிரபாஸ் உடன் புதிய படம் ஒன்றில் நகைச்சுவை வேடத்தில் யோகிபாபு நடிக்க இருப்பதாகவும் தகவல்கள் வெளியாகியுள்ளது.