உடலுக்கு ஆரோக்கியம் தரும் சூப்..! - SooriyanFM Gossip - Sooriyan Gossip, Gossip Lanka News | Sooriyangossip | Sooriyan Gossip | Sooriyan Fm Gossip | Sooriyan Gossip Official Web Site | Gossip Lanka

Follow US

Mar

உடலுக்கு ஆரோக்கியம் தரும் சூப்..!

179 Views

சூப் என்றாலே வீட்டில் இருக்கும் எல்லோருக்கும் பிடித்த ஒன்று . இதனை ஹோட்டல் சுவையில், வீட்டில் செய்யும் போது குழந்தைகளும், பெரியவர்களும் விரும்பி சுவைப்பார்கள்.
உடலுக்கு ஆரோக்கியத்தைத் தந்து, பசியைத் தூண்டும் சிக்கன்,வெஜிடபிள் சூப் எப்படி செய்வது என்று பார்க்கலாம்.

தேவையான பொருட்கள் : சிக்கன் - கால் கிலோ வெங்காயம் - 1 காளான் – 1 கப் கரட் – 3 பீன்ஸ் - 3 கோஸ் - சிறிய துண்டு தனி மிளகாய் தூள் - அரை தேக்கரண்டி பெருஞ்சீரகம், இஞ்சி, பூண்டு,மிளகு தூள், கொத்தமல்லி, உப்பு - தேவையான அளவு, வெண்ணெய் - 2 தேக்கரண்டி

செய்முறை : சிக்கனை நன்றாக சுத்தம் செய்து சிறிய துண்டுகளாக வெட்டி வேகவைத்துக் கொள்ளவும். பெருஞ்சீரகம், இஞ்சி, பூண்டை கொரகொரப்பாக தட்டி வைக்கவும்.

பின்பு கொத்தமல்லி, வெங்காயம், கரட், பீன்ஸ், கோஸை பொடியாக நறுக்கிக் கொள்ளவும். அதன் பின்பு காளானை சுத்தம் செய்து துண்டுகளாக வெட்டிக்கொள்ளவும்.

பாத்திரத்தை அடுப்பில் வைத்து வெண்ணெய் போட்டு உருகியதும் தட்டி வைத்த பெருஞ்சீரகம், இஞ்சி, பூண்டை போட்டு வதக்கிய பின்னர் வெங்காயத்தை போட்டு வதக்கவும்.

பின்பு வெங்காயம் சற்று வதங்கியதும் காய்கறிகள், காளான் சேர்த்து வதக்கவும். இதற்கு தேவையான அளவு உப்பு, மிளகாய் தூள் சேர்த்து சிக்கன் வேக வைத்த நீரை ஊற்றி காய்கறிகளை வேக விடவும்.

இப்போது வேக வைத்த சிக்கனை சேர்த்து கொள்வதோடு உப்பு மற்றும் மிளகு சேர்த்து வதக்க வேண்டும். காய்கறிகள் மற்றும் சிக்கன் வெந்துள்ளதா? என சரிபார்த்துவிட்டு இறக்கினால் சூப்பரான வெஜிடபிள் சூப் தயார்...!