இயக்குநர் தரணி ராஜேந்திரன் இயக்கத்தில், சக்தி மித்ரன், ராஜலட்சுமி, குரு சோமசுந்தரம், ஜமீல், சுபத்ரா, உள்ளிட்டோர் நடிப்பில் உருவான ‘யாத்திசை’.
இந்த திரைப்படம் ஏழாம் நூற்றாண்டில் பாண்டிய மன்னனுக்கெதிராக போராடிய ஒரு சிறு தொல்குடியை பற்றிய கதையாக உருவாகி ஏப்ரல் 21 ஆம் திகதி திரையரங்குகளில் வெளியாகியிருந்தது.
இந்த திரைப்படம் கலவையான விமர்சனங்களை பெற்றதோடு பலரும் இந்த திரைப்படத்தை பற்றி தங்களின் கருத்துக்களை தெரிவித்திருந்தனர். இந்த நிலையில் 'யாத்திசை' திரைப்படத்தின் புதிய அறிவிப்பை படக்குழு வெளியிட்டுள்ளது.
அதன்படி இந்த திரைப்படம் மே 12 ஆம் திகதி அமேசன் பிரைம் ஓடிடி தளத்தில் வெளியாகும் என படக்குழு போஸ்டர் ஒன்றை வெளியிட்டு அறிவித்துள்ளது.