இலங்கை வந்தடைந்தார் கே.எல் ராகுல்! - SooriyanFM Gossip - Sooriyan Gossip, Gossip Lanka News | Sooriyangossip | Sooriyan Gossip | Sooriyan Fm Gossip | Sooriyan Gossip Official Web Site | Gossip Lanka

Follow US

Sep

இலங்கை வந்தடைந்தார் கே.எல் ராகுல்!

389 Views

இந்திய கிரிக்கெட் அணியின் முன்னணி வீரர் கே.எல் ராகுல் முழு உடல் தகுதி பெற்றுள்ளதாகவும், அவர் ஆசியக் கிண்ணத் தொடரில் பங்கேற்பார் என்று இந்திய கிரிக்கெட் வட்டாரங்கள் செய்தி வெளியிட்டுள்ளன.

ஆசியக் கிண்ணத் தொடருக்காக பெயரிடப்பட்ட இந்திய குழாமில் கே.எல் ராகுல் இடம்பெற்றிருந்தாலும் காயம் காரணமாக முதல் 2 போட்டிகளில் அவர் விளையாடவில்லை.

பெங்களூரில் உள்ள தேசிய கிரிக்கெட் அகடமியில் சிகிச்சை மற்றும் பயிற்சி எடுத்து வந்த அவர் தற்போது பூரண உடல் தகுதி பெற்றுள்ளார் என இந்திய கிரிக்கெட் வட்டாரங்கள் செய்தி வெளியிட்டுள்ளன.

ஆசியக் கிண்ணத் தொடரில் சூப்பர் 4 சுற்றில் விளையாடுவதற்கு கே.எல் ராகுல் இலங்கை பயணித்துள்ளார் என தெரிவிக்கப்பட்டுள்ளது. இருப்பினும் இறுதிப் பதினொருவர் அணியில் கே.எல் ராகுல் இடம்பெறுவாரா என்ற கேள்வி எழுந்துள்ளது.

கே.எல் ராகுல் இந்திய அணியுடன் இணையும் பட்சத்தில் உடனடியாக இந்திய அணியில் மாற்றம் நடக்குமா, பாகிஸ்தான் அணிக்கு எதிராக சிறப்பாக ஆடிய இஷான் கிஷன் நீக்கப்படுவாரா என்று இரசிகர்களிடையே கேள்வி எழுந்துள்ளது.

முதல் போட்டியிலேயே பாகிஸ்தானுக்கு எதிராக இஷான் கிஷன் சிறப்பான இன்னிங்ஸ் ஆடினார். 81 பந்துகளை எதிர்கொண்ட அவர், 2 சிக்ஸர்கள், 9 பௌண்டரிகள் அடங்களாக 82 ஓட்டங்களை எடுத்திருந்தமை குறிப்பிடத்தக்கது.

Make a Comment

Share