728 Views
சாதத்துடன் வேறு ஏதும் கறிகள் இல்லாவிட்டாலும் பரவாயில்லை.இந்த மாங்காய் ஊறுகாய் ஒன்றே போதும்.சுடச் சுட சாதத்துடன் சாப்பிட அலாதியான சுவையாக இருக்கும்.
அன்றாடம் எங்களால் வாங்கக்கூடிய அல்லது கிராமப்புறங்களில் வீட்டில் நாங்கள் வளர்க்கக்கூடிய மாமரத்திலிருந்து, மாங்காய்களைப் பறித்து நாங்களே இந்த மாங்காய் ஊறுகாயைச் செய்திட முடியும்.
கடைகளில் வாங்கும் மாங்காய் ஊறுகாயை விட,சுவையான மாங்காய் ஊறுகாயினை எவ்வாறு மிகவும் இலகுவான முறையில் வீட்டிலேயே தயாரிப்பதென்று இந்தப் பதிவில் பார்க்கலாம்.
மாங்காய் ஊறுகாய் செய்யத் தேவையான பொருட்கள்
மாங்காய் - 02
மிளகாய்த்தூள் - தேவையான அளவு
வெந்தயம் - 1 தேக்கரண்டி
மஞ்சள் தூள் - 1/2 தேக்கரண்டி
நல்லெண்ணெய்
கடுகு
பெருங்காயத்தூள்
உப்பு
மாங்காய் ஊறுகாய் செய்வதற்கு முன்பு,நாங்கள் மாங்காய் ஊறுகாய் செய்வதற்கு எடுத்து வைத்திருக்கும் மாங்காய்களை நன்றாக கழுவி சிறிய சிறிய துண்டுகளாக வெட்டி,தனியாக ஒரு தட்டில் எடுத்து வைத்துக் கொள்ள வேண்டும்.
பின்னர் அதில் அளவாக உப்பு கொஞ்சம் சேர்த்து,சுமார் 6 மணிநேரத்திற்கு ஈரப்பதம் இல்லாமல் வெயிலில் நன்கு காய வைக்க வேண்டும்.
வெந்தயத்தை வறுத்து அரைத்துக் கொள்ள வேண்டும்.இந்தக் கலவையுடன் மிளகாய்த் தூள் சேர்த்து கலந்துகொள்ள வேண்டும்.இதனை காயவைத்த மாங்காய்த்துண்டுகளுடன் சேர்த்து கலந்து கொள்ளவும்.
பின்பு,ஒரு வாணலியில் எண்ணெய் விட்டு,அதில் கடுகு மற்றும் பெருங்காயத் தூள் சேர்த்து தாளித்து,இதனுடன் மாங்காய்த்துண்டுகளை சேர்த்து கலந்து விட வேண்டும்.அதன்பின்னர்,இதை அப்படியே மூடி,குறைந்தது 4 முதல் 5 மணி நேரம் ஊற வைக்க வேண்டும்.இப்போது ஆரோக்கியம் நிறைந்த, அட்டகாசமான சுவையில் மாங்காய் ஊறுகாய் தயார்!
நாங்கள் இந்த மாங்காய் ஊறுகாய் செய்யும் போது,சில்வர் பாத்திரங்களை பயன்படுத்துவதை விட,மண்சட்டியினை பயன்படுத்தினால்,மாங்காய் ஊறுகாய் மிகவும் சுவையாகவும் நீண்ட காலம் பயன்படுத்தக் கூடியதாகவும் இருக்கும்.
Make a Comment
Follow US
Make a Comment
இன்னும் கிசுகிசு செய்திகளுக்கு
துளசியில் உள்ள ஆரோக்கிய நன்மைகள்!
170 Views
ரோஜாபூ தரும் மருத்துவம்.
64 Views
Hot Gossip
Recent Gossip Post
திக்கெட்டும் உச்சம் பெற்ற பரபரப்புச் செய்திகள்
Top 10 Commenters
Latest Comments
