தமிழ்த் திரையுலகில் முன்னணி நடிகைகளில் ஒருவராக வலம் வருபவர் நடிகை கீர்த்தி சுரேஷ்.
இவர் தற்போது இயக்குநர் சுமன் குமார் எழுதி இயக்கியுள்ள 'ரகுதாத்தா' திரைப்படத்தில் நடித்துள்ளார்.
இந்தத் திரைப்படம் இம்மாதம் 15 ஆம் திகதி வெளியாகவுள்ளது. இந்நிலையில்,நடிகை கீர்த்தி சுரேஷ் அண்மையில் தான் வழங்கிய நேர்காணல் ஒன்றில் நடிகர் சிம்பு குறித்து பேசிய வீடியோ தற்போது சமூக வலைத்தளங்களில் வைரலாகி வருகின்றது.
அந்த நேர்காணலில், "சிம்புவை எனக்கு ரொம்ப பிடிக்கும்.அவருடன் இணைந்து பணியாற்றினால் நன்றாக இருக்கும்.அவருடைய இரசிகர்களைப் பற்றி சொல்லவே வேண்டாம்.அந்த அளவிற்கு அதிகமான இரசிகர்கள் அவருக்கு உள்ளனர்.சிம்புவை இதுவரை நேரில் சந்தித்ததில்லை.ஆனால் சிலமுறை தொலைபேசியில் பேசியிருக்கின்றேன்" என்று கூறியுள்ளார்.
இந்த நேர்காணல் காணொளியைப் பார்த்த நடிகர் சிம்புவின் இரசிகர்கள் கீர்த்தி சுரேஷ் மற்றும் நடிகர் சிம்பு இணைந்து நடித்தால் நன்றாக இருக்குமென பதிவிட்டு குறித்த காணொளியை வைரலாக்கி வருகின்றனர்.