333 Views
பிரான்ஸ் தலைநகர் பாரிஸில் நடைபெற்று வரும் ஒலிம்பிக் போட்டிகளில் இதுவரையான போட்டிகளின் முடிவில் 16 தங்கப் பதக்கங்களுடன் சீனா முதலிடத்தில் உள்ளது. இரண்டாம் இடத்தில் 14 தங்கப் பதக்கங்களுடன் அமெரிக்கா மற்றும் போட்டிகளை நடாத்தும் பிரான்ஸ் 12 தங்கங்களுடன் 3ஆவது இடத்திலும் உள்ளன.
இந்நிலையில் பாரிஸ் 2024 ஒலிம்பிக்கில் இலங்கை சார்பாக இதுவரை பங்குபற்றிய கங்கா செனவிரட்ன (நீச்சல்), கய்ல் அபேசிங்க (நீச்சல்), விரேன் நெத்தசிங்க (பட்மிண்டன்), தருஷி கருணாரட்ன (மெய்வல்லுநர்) ஆகிய நான்கு இலங்கையர்கள் முதல் சுற்றுடன் வேளியேறிய நிலையில், அருண தர்ஷன இன்றைய தினம் நடைபெறவுள்ள ஆண்களுக்கான 400 மீற்றர் தகுதிகாண் சுற்றில் 5ஆவது போட்டியில் பங்குபற்றவுள்ளார்.
இப் போட்டி இன்று இரவு 10.35 மணிக்கு ஆரம்மாகவுள்ளது. தகுதிகாண் சுற்றின் 5ஆவது போட்டியில் அருண தர்ஷன பங்குபற்றுகிறார். இலங்கை சார்பாக பாரிஸ் ஒலிம்பிக்கில் பங்குபற்றும் ஐந்தாவது வீரர் அருண தர்ஷன ஆவார்.
6 போட்டிகளைக் கொண்ட தகுதிகாண் சுற்றில் மொத்தமாக 46 வீரர்கள் பங்குபற்றவுள்ளனர். அவர்களது அதிசிறந்த நேரப் பெறுதிகளின் பிரகாரம் 41ஆவது இடத்தில் அருண தர்ஷன இருக்கிறார். அருண தர்ஷனவின் அதிசிறந்த நேரப் பெறுதி 45.30 செக்கன்களாகும்.
தகுதிகாண் சுற்றில் 6 போட்டிகளிலும் முதல் 3 இடங்களைப் பெறும் 18 வீரர்கள் அரை இறுதிச் சுற்றில் பங்குபற்ற தகுதிபெறுவர். ஏனையவர்கள் Repechage எனப்படும் இரண்டாம் வாய்ப்பு தகுதிகாணில் பங்குபற்றி அவர்களில் மேலும் 6 பேர் அரை இறுதிச் சுற்றுக்கு முன்னேறுவர் என்பது குறிப்பிடத்தக்கது.
Make a Comment
Follow US
Make a Comment
இன்னும் கிசுகிசு செய்திகளுக்கு
நடிகர் அர்ஜுனின் "விருந்து" !
75 Views
Hot Gossip
Recent Gossip Post
திக்கெட்டும் உச்சம் பெற்ற பரபரப்புச் செய்திகள்
Top 10 Commenters
Latest Comments
