தமிழ்த்திரையுலகின் முன்னணி நடிகர்களில் ஒருவர் அஜித்குமார். இவர் தற்போது மகிழ் திருமேனி இயக்கத்தில் 'விடாமுயற்சி' திரைப்படத்திலும் ஆதிக் ரவிச்சந்திரன் இயக்கத்தில் 'குட் பேட் அக்லி' திரைப்படத்திலும் நடித்துள்ளார்.
நடிகர் அஜித் நடிப்பு மட்டுமில்லாமல் பைக் மற்றும் கார் ஓட்டுவதிலும் அதிக ஆர்வம் உள்ளவர் என்பது இரசிகர்களுக்கு தெரிந்த விடயம். அண்மையில் 'அஜித்குமார் ரேஸிங்' என்ற பெயரில் புதிய கார் ரேஸ் அணியை உருவாக்கிய அஜித், தற்போது அதற்கான பயிற்சியிலும் ஈடுபட்டு வருகின்றார்.
அதன்படி கார் ரேஸிங்கில் கலந்துகொள்வதற்காக, நேற்று நடிகர் அஜித் டுபாய் சென்றார். இந்நிலையில், அங்கு தனது அணியினருடன் அஜித் இருக்கும் வீடியோ ஒன்று வெளியாகி வைரலாகி வருகிறது. 15 ஆண்டுகளுக்குப் பின் மீண்டும் கார் ரேஸிங்கில் அஜித் களமிறங்க உள்ளமை மிகப்பெரிய எதிர்பார்ப்பை ஏற்படுத்தியுள்ளது.