முதலில் 1986 -ஆம் ஆண்டு கலிபோர்னியாவின் பர்பாங்கில்,கார் கஸ்டமைசர் ஜே ஓர்பெர்க்கால் "தி அமெரிக்கன் ட்ரீம்" (The American Dream) என்ற கார் கட்டமைக்கப்பட்டது.
கின்னஸ் உலக சாதனையின் படி, 'தி அமெரிக்கன் ட்ரீம்' என்ற சூப்பர் லிமோ உலகின் மிக நீளமான கார் ஆகும். இந்த "தி அமெரிக்கன் ட்ரீம்" முதலில் 18.28 மீட்டர் (60 அடி) நீளத்தையும், 26 சக்கரங்களையும் கொண்டிருந்தது.
மேலும் முன் மற்றும் பின்புறத்தில் இரண்டு V8 என்ஜின்களால் இயக்கப்பட்டது. பின்னர், 36 ஆண்டுகளுக்குப் பிறகு, தி அமெரிக்கன் ட்ரீம் மீட்டெடுக்கப்பட்டு அதன் சொந்த சாதனையை முறியடித்தது.
இப்போது இந்த கார் 30.54 மீட்டர் (100 அடி மற்றும் 1.5 அங்குல நீளம்) கொண்டுள்ளது.
1976 -ஆம் ஆண்டின் காடிலாக் எல்டோராடோ நீளமான கார்களை அடிப்படையாகக் கொண்டு, "தி அமெரிக்கன் ட்ரீம்" இரு முனைகளிலிருந்தும் இயக்கக்கூடிய வகையில் வடிவமைக்கப்பட்டுள்ளது.
அமெரிக்கன் ட்ரீம் காரில் பெரிய நீர்நிலை, டைவிங் போர்டுடன் கூடிய நீச்சல் குளம், ஹெலிபேட், ஜக்குஸி, குளியல் தொட்டி, மினி-கோல்ஃப் மைதானம், பல தொலைக்காட்சிகள், குளிர்சாதனப் பெட்டி மற்றும் தொலைபேசி ஆகிய ஆடம்பர வசதிகள் உள்ளன.
மொத்தம் ஐந்தாயிரம் பவுண்டுகள் வரையிலான எடையைத் தாங்கக்கூடியதாக இருக்கும். அதேநேரம் இதில், 75ற்கும் மேற்பட்டோர் அமர முடியும். இதன் மறுசீரமைப்பு பணிகளை முடிக்க மூன்று ஆண்டுகள் ஆனது.
தற்போது, புளோரிடாவின் ஆர்லாண்டோவில் உள்ள டிசர்லாண்ட் பார்க் கார் அருங்காட்சியகத்தில் காட்சிக்கு வைக்கப்பட்டுள்ளது.