அவுஸ்திரேலிய கிரிக்கெட் அணி இலங்கைக்கு சுற்றுப்பயணம் மேற்கொண்டு 2 போட்டிகள் கொண்ட டெஸ்ட் தொடரில் விளையாடவுள்ளது.
இந்தத் தொடர் எதிர்வரும் 29 ஆம் திகதி ஆரம்பமாகின்றது. இந்நிலையில், அவுஸ்திரேலிய அணிக்குத் தேவைப்பட்டால் ஒவ்வொரு வாரமும் 100 ஓவர்கள் பந்துவீசவும் தயாராக இருப்பதாக அவுஸ்திரேலியாவின் முன்னணி சுழற்பந்து வீச்சாளரான நதன் லயன் கூறியுள்ளார்.
இது தொடர்பாக அவர் கூறியதாவது, இலங்கைக்கு எதிரான டெஸ்ட் தொடரில் எனக்கு அதிக அளவிலான ஓவர்கள் வீச வாய்ப்பு கிடைக்கும்.
அந்த வாய்ப்பை எதிர்நோக்கிக் காத்துக் கொண்டிருக்கிறேன் என்று தெரிவித்துள்ளார். ஒவ்வொரு வாரமும் அணிக்காக 100 ஓவர்கள் பந்துவீச வேண்டும் என்ற தேவை இருப்பின் எனக்கு எந்தப் பிரச்சினையும் இல்லை.
அணிக்காக 100 ஓவர்கள் வீசவும் தயாராக உள்ளேன் என்றும் அவர் அண்மையில் இடம்பெற்ற செய்தியாளர் சந்திப்பில் தெரிவித்துள்ளார்.