முடி அடர்த்தியாக வளர உதவும் வெங்காயம்! - SooriyanFM Gossip - Sooriyan Gossip, Gossip Lanka News | Sooriyangossip | Sooriyan Gossip | Sooriyan Fm Gossip | Sooriyan Gossip Official Web Site | Gossip Lanka

Follow US

Jan

முடி அடர்த்தியாக வளர உதவும் வெங்காயம்!

139 Views

இன்றைய காலகட்டத்தில் ஆரோக்கியமற்ற உணவுமுறை காரணமாக பலரும் பலதரப்பட்ட பிரச்சினைகளைச் சந்திக்கின்றனர். இதில் தலைமுடி சார்ந்த பிரச்சினைகளும் முக்கியமானவை.

*.முடி உதிர்வு, வறட்சியான முடி, நுனி முடி பிளவு உள்ளிட்ட பல்வேறு பிரச்சினைகள் எழுகிறது. ஆனால் இது போன்ற பிரச்சினைகளுக்கு பலரும் கடைகளில் விற்பனை செய்யப்படும் முடி பராமரிப்பு பொருட்களை வாங்கி பயன்படுத்துகின்றனர். எனினும், இதில் சில சமயங்களில் இரசாயனங்கள் கலந்திருப்பதால் முடி ஆரோக்கியத்தைப் பாதிக்கலாம்.

*.தலை முடி ஆரோக்கியத்திற்கு இயற்கையான வைத்தியங்களைக் கையாள்வது நல்லது. அந்த வகையில், முடி வளர்ச்சியை ஆதரிக்கவும், முடி ஆரோக்கியத்தை மேம்படுத்தவும் வெங்காயத்தை பயன்படுத்தலாம்.

*.அன்றாடம் நாம் உணவில் சேர்க்கப்படும் உணவுப்பொருளான வெங்காயம் தலைமுடி பராமரிப்புக்கு அற்புதமான நன்மைகளையும் வழங்குகிறது. இதில் தலைமுடியை ஆரோக்கியமாக வைப்பதற்கு வெங்காய ஹேர் மாஸ்க் தயார் செய்யும் முறை மற்றும் அதன் நன்மைகளைப் பார்க்கலாம்.

*.வெங்காயத்தில் கந்தகம் நிறைந்துள்ளது. இது உச்சந்தலையை சுத்தப்படுத்தவும், முடி வளர்ச்சியை ஊக்குவிக்கவும் உதவுகிறது. இந்த இயற்கையான மூலப்பொருள் முடி இழைகளுக்கு ஊட்டமளித்து, பலப்படுத்துகிறது.

*.வெங்காயத்தில் விட்டமின் C, B9, B6 மற்றும் பொட்டாசியம் போன்ற ஊட்டச்சத்துக்கள் நிறைந்துள்ளன. இது உச்சந்தலையில் ஏற்படும் எரிச்சல், பூஞ்சை வளர்ச்சி மற்றும் தொற்றுநோய்களுக்கு சிகிச்சையளிக்கிறது.

*.2 தேக்கரண்டி அளவிலான கற்றாழை ஜெல்லை 2 தேக்கரண்டி வெங்காயச் சாற்றுடன் சேர்க்க வேண்டும். பின்னர் இந்த கலவையை முடி மற்றும் உச்சந்தலையில் தடவ வேண்டும். இதை 30-40 நிமிடங்கள் வைத்துக் கழுவ வேண்டும்.

*.தேங்காய் எண்ணெயை சிறிது சூடாக்கி, அதில் 2 தேக்கரண்டி அளவிலான வெங்காயச் சாறு சேர்த்து தலைமுடியில் தடவி நன்கு மசாஜ் செய்து பின்னர் முடியைக் கழுவ வேண்டும்.

*.இவ்வாறு முடியை ஆரோக்கியமாக வைக்கவும், முடி வளர்ச்சியை ஆதரிக்கவும் இது போன்ற பல்வேறு வழிகளில் வெங்காயத்தைப் பயன்படுத்தலாம்.

Make a Comment

Share