30 Views
முதலாம் உலகப் போரின்போது பெல்ஜியம் மற்றும் பிரான்ஸ் நாடுகளின் போர்க்களங்கள் கடுமையாகச் சிதைக்கப்பட்டிருந்தன. அத்தகைய நிலங்களில்கூட சிவப்பு பொப்பி மலர்கள் பூத்துக் குலுங்கின. இதனால், போரினால் அழிந்த இடங்களிலும் உயிர் மீண்டும் துளிர்க்கும் என்பதன் அடையாளமாக இந்த மலர் பார்க்கப்பட்டது. 1915ஆம் ஆண்டு கனடிய ராணுவ மருத்துவர் ஜான் மெக்ரே எழுதிய ‘In Flanders Fields’ என்ற கவிதையும், பொப்பி மலர்களுக்கும் போரில் உயிர்நீத்த வீரர்களுக்கும் இடையிலான தொடர்பை உலகறியச் செய்தது.
இந்த வரலாற்றின் தொடர்ச்சியாக, நவம்பர் 11ஆம் திகதி அனுஷ்டிக்கப்படும் நினைவு தினத்தில் சிவப்பு பொப்பி மலர்களை அணியும் வழக்கம் பிரபலமானது. இன்றும் பல நாடுகளில் இந்த மலர்களை விற்பனை செய்வதன் மூலம் திரட்டப்படும் நிதி, போரினால் பாதிக்கப்பட்ட முன்னாள் இராணுவ வீரர்களுக்கும் அவர்களது குடும்பங்களுக்கும் உதவப் பயன்படுத்தப்படுகிறது.
Follow US
