6,405 Views
அமெரிக்காவின் கைகளில் சிக்கியிருக்கும் சீனாவின் ஒரு ஆவணம் பற்றி அவுஸ்திரேலிய ஊடகமொன்று வெளியிட்டுள்ள செய்தியால் உலக மக்கள் கவலையிலும், சீனாவின் மீதான அதீத கோபத்திலும் இருக்கின்றனர். காரணம், சீன ராணுவ விஞ்ஞானிகள் கொரோனா வைரஸ்களை போன்ற உயிரி ஆயுதங்களை உருவாக்கி 3ம் உலகப்போரை நடத்துவதற்கு தீர்மானித்துள்ளதாகவும், போர் என்று வரும்போது மட்டுமல்லாமல் எந்தவகையிலாவது சீனாவை எதிர்க்கும் நாடுகள் மீது இந்த உயிரி ஆயுதங்களை பயன்படுத்தி அவர்களது ஸ்திரத்தன்மையை இல்லாமல் செய்வதுமே நோக்கம் என்றும் அந்த செய்தி ஊடகத்தின் கட்டுரையில் தெரிவிக்கப்பட்டிருப்பது தான்.
அமெரிக்க வெளியுறவுத்துறைக்குக் கிடைத்திருப்பதாக தெரிவிக்கப்படும் சீனாவின் ரகசிய ஆவணத்தில், கொரோனா போன்ற வைரஸ் உயிரி ஆயுதங்கள் ஆய்வுக்கூடங்களில் செயற்கையாக உருவாக்கப்பட்டாலும் அவை இயற்கையானதாக உருவானது போன்று தோன்றும் அளவுக்கு ஆய்வுகள் இருக்க வேண்டும் என்று குறிப்பிடப்பட்டுள்ளனவாம்.
அதாவது, குறித்த வைரஸ் உயிரி ஆயுதங்களின் தாக்கம் தொடர்பில் உலக நாடுகள் ஆராச்சிகளை மேற்கொள்ளும்போது, எவ்வாறு இவை உருவாகின என்பதை அந்த நாடுகள் கண்டுப்பிடித்து விடக்கூடாது. அவ்வாறு கண்டு பிடிக்கப்பட்டாலும், சீனா மீது முன்வைக்கப்படும் குற்றச்சாட்டுக்களை ஆணித்தரமாக மறுக்கும் அளவுக்கு இயற்கையானதாக அந்த வைரஸ் உருவானதாகக் காட்டும் அளவுக்கு செயற்கையாக உருவாக்கப்படும் உயிரி ஆயுதங்கள் தொடர்பான ஆய்வுகள் இருக்க வேண்டும் என்று சீனாவின் ராணுவ விஞ்ஞானிகளுக்கு உத்தரவிடப்பட்டுள்ளதாக குறித்த ரகசிய ஆவணத்தின் மூலமாக தெரிய வந்துள்ளதாகவும் அவுஸ்திரேலிய செய்தி ஊடகத்தின் கட்டுரை கூறுகின்றது.
இதேவேளை, அமெரிக்காவிடம் சிக்கியிருக்கும் இந்த ஆவணத்தை ஆய்வு செய்த சைபர் செக்யூரிட்டி ஸ்பெஷலிஸ்ட் ரொபேர்ட் பொட்டர், குறித்த ஆவணம் நிச்சயம் போலியானதல்ல என்று அவுஸ்திரேலிய ஊடகத்துக்குத் தெரிவித்துள்ளார். இது தொடர்பாக ஆஸ்திரேலிய ஸ்ட்ராடெஜிக் பொலிசி நிறுவனத்தின் பீட்டர் ஜெனிங்ஸ் கூறும்போது, “இந்த கண்டுப்பிடிப்பு முக்கியத்துவம் வாய்ந்தது. பல்வேறு கொரோனா வைரஸ் மாதிரிகளை ராணுவப் பயன்பாட்டுக்கு பயன்படுத்துவது பற்றியும் அதை எப்படி நடைமுறைப்படுத்துவது என்பது பற்றியும் சீன தரப்பினர் பேசியுள்ளனர், சிந்தித்துள்ளனர் என்பதற்கான ஆதாரம் இது” என்கிறார்.
கொரோனா வைரஸ் தீவிரமடைவதற்கு முன்னரே 2015-ல் சீன விஞ்ஞானிகள் இது போன்ற வைரஸ் எனும் உயிரி ஆயுதத்தை உருவாக்குவது பற்றி விவாதித்ததாக ஏற்கனவே பரபரப்பு தகவல்கள் வெளியாகியிருந்தன. அதேநேரம், சீனாவின் வூஹானில் 2019ம் ஆண்டில் உருவான கொரோனா வைரஸ் உலகையெல்லாம் ஆட்டிப்படைத்து இப்போது இந்தியாவின் சுகாதார அமைப்புகளையே உடைந்து நொறுங்கச் செய்துள்ளது.
சீன ராணுவ விஞ்ஞானிகள் இந்த வைரஸை ஆயுதமாக்கி மனித உயிர்களிடையே பரவவிடுவது பற்றி விவாதித்துள்ளமைக்கான ஆதாரமாகவுள்ள, அமெரிக்காவின் கைகளில் சிக்கிக்கொண்ட சீனாவின் ரகசிய ஆவணம் தொடர்பில் வீக் எண்ட் ஆஸ்திரேலியன் என்ற ஊடகம் வெளியிட்டுள்ள இந்தக் கட்டுரையின் தலைப்பு The Unnatural Origin of SARS and New Species of Man-Made Viruses as Genetic Bioweapons என்பதாகும்.
Make a Comment
Follow US
Make a Comment
இன்னும் கிசுகிசு செய்திகளுக்கு
Hot Gossip
Recent Gossip Post
திக்கெட்டும் உச்சம் பெற்ற பரபரப்புச் செய்திகள்
Top 10 Commenters
Latest Comments
