15 Views
போட்டியின் பின்னர் கருத்து தெரிவித்த ஆர்யவீர், தனது தந்தை வீரேந்திர சேவாக்கிடம் அதிக சதமடிப்பதாக வாக்குறுதி அளித்திருந்ததாகக் குறிப்பிட்டார். தனது தந்தைக்கு அதிக சதங்கள் மிகவும் பிடிக்கும் என்பதால், அவருக்காக சிறப்பாக விளையாட வேண்டும் எனத் தீர்மானித்ததாகவும், அந்த வாக்குறுதியை நிறைவேற்றியதில் மகிழ்ச்சியடைவதாகவும் தெரிவித்தார். ஆரம்பத்தில் ஆடுகளத்தின் தன்மையால் சவால்களை எதிர்கொண்ட போதிலும், நிதானமாக விளையாடி பின்னர் அதிரடி காட்டினார்.
ஆர்யவீர் சேவாக்கின் 160 ஓட்டங்களும், வி.கே. வினீத்தின் 67 ஓட்டங்களும் கைகொடுக்க, இந்திய அணி 50 ஓவர்கள் நிறைவில் 7 விக்கெட்டுகளை இழந்து 309 ஓட்டங்களைப் பெற்றது. பதிலுக்கு துடுப்பெடுத்தாடிய ஐக்கிய அரபு அமீரக அணி 239 ஓட்டங்களுக்கு சகல விக்கெட்டுகளையும் இழந்தது. இதன்மூலம் இந்திய அணி 70 ஓட்டங்களால் வெற்றிபெற்று, 19 வயதுக்குட்பட்டோருக்கான ஆசியக் கிண்ணத் தொடரின் அரையிறுதிக்கு முன்னேறியது.
Follow US
