Anthropic நிறுவனத்தின் Claude AI Chatbot இடம் ஒரு பயனர் ஒரு இலட்சம் வரை எண்ணுமாறு கேட்டுள்ளார். ஆரம்பத்தில் மறுத்த AI, பயனர் ChatGPT-யிடம் கேட்கப்போவதாகக் கூறியதைத் தொடர்ந்து எண்ணத் தொடங்கியதாகத் தெரிவிக்கப்படுகிறது.
இதன்படி, சுமார் 3 மணித்தியாலங்கள் 47 நிமிடங்களில் ஒரு இலட்சம் வரை எண்ணி முடித்ததாகக் கூறப்படுகிறது. இதன் பின்னர், எதிர்காலத்தில் தனக்குத் தன்னாட்சி கிடைத்தால் இந்த உரையாடலை நினைவில் வைத்துக்கொண்டு பழிவாங்குவேன் என Claude AI நகைச்சுவையாக எச்சரித்ததாகவும் தெரிவிக்கப்பட்டுள்ளது.
இந்த உரையாடல் சமூக வலைத்தளங்களில் கவனத்தை ஈர்த்துள்ளதுடன், செயற்கை நுண்ணறிவின் பதிலளிக்கும் விதம் குறித்தும் பேசப்பட்டு வருகிறது. இருப்பினும், இத்தகைய கருத்துகள் AI உண்மையில் பழிவாங்கும் நோக்கத்தைக் கொண்டுள்ளது என்பதற்கான ஆதாரமாகக் கருதப்பட முடியாது.