வெப்பக் காலங்களில் அதிக வெப்பம் காரணமாக இரும்புத் தண்டவாளங்கள் விரிவடைகின்றன. தண்டவாளங்களுக்கு இடையில் போதிய இடைவெளி இல்லாவிட்டால், அவற்றில் அதிக அழுத்தம் ஏற்பட்டு வளைவுகள் அல்லது வடிவ மாற்றங்கள் ஏற்படக்கூடும். இத்தகைய மாற்றங்கள்புகையிரத போக்குவரத்தின் பாதுகாப்பைப் பாதிக்கும் அபாயத்தைக் கொண்டுள்ளன.

அதேவேளை, குளிர்காலங்களில் வெப்பநிலை குறைவதால் தண்டவாளங்கள் சுருங்குகின்றன. வெப்பநிலை மாற்றங்களின்போது தண்டவாளங்கள் இயல்பாக விரிவடையவும் சுருங்கவும் ஏற்றவாறு பொறியியல் வடிவமைப்புகள் மேற்கொள்ளப்படுகின்றன.

தண்டவாளங்களில் ஏற்படும் அதிகப்படியான அழுத்தத்தைக் குறைப்பதன் மூலம், அவற்றின் உறுதித்தன்மையைப் பேணவும், சேதங்கள் ஏற்படும் அபாயத்தைக் குறைக்கவும் இத்தகைய இடைவெளிகள் உதவுகின்றன. இதன் மூலம் புகையிரத பாதைகளின் பராமரிப்பையும் பாதுகாப்பையும் மேம்படுத்த முடியும்.

இருப்பினும், நவீன புகையிரத பாதைகளில் தொடர்ச்சியான பற்றவைப்புத் தண்டவாளங்கள் (Continuous Welded Rails) பயன்படுத்தப்படுவதால், எல்லா இடங்களிலும் இவ்வாறான வெளிப்படையான இடைவெளிகள் காணப்படுவதில்லை. அவற்றில் வெப்பத்தால் ஏற்படும் அழுத்தங்களைக் கட்டுப்படுத்துவதற்கான விசேட பொறியியல் முறைகள் பயன்படுத்தப்படுகின்றன.