சில ஆண்கள் வேறு ஒரு தவறை விடுவார்கள். அவசரமாக குளிக்க வேண்டும் என்பதற்காக தலைக்கு ஷாம்பு போட்டு நீரில் சரியாக அலசாமல், நுரை போகும் அளவில் மட்டும் தலையை அலசிவிட்டு வருவார்கள். இப்படி தொடர்ந்து செய்தால் ஷாம்புவில் உள்ள கெமிக்கல் மண்டை ஓட்டில் படிந்து, ஆரோக்கியமான முடிக்கு ஆப்புவைத்துவிடும். அலெர்ட் நண்பா அலெர்ட்....... சிலர் எல்லோரையும் விட அழகா ஸ்டைல்லா இருக்கவேண்டும் என்பதற்காக தினமும் தலைக்குக் கழுவிக் கொள்வார்கள். இப்படித் தினமும் தலைக்குக் குளிப்பதால், ஸ்கல்ப்பில் உள்ள ஈரப்பசை முற்றிலும் வெளியேறி, அதிக வறட்சியைச் உருவாக்கி விடும் என்று வைத்தியர்கள் சொல்கிறார்கள். இது இப்படியே தொடரும்பட்சத்தில், தலை இருக்கும். ஆனால், முடி இருக்காது.

இன்று பெண்களுக்கு போட்டியாக ஆண்களுக்கும் அதிகமான Hair style டிரெண்டாகிக்கொண்டிருக்கின்றன. Hair style செய்தால் ஆண்கள் அழகாக இருப்பார்கள். ஆனால் மோசமாக, கண்டமாதிரி Hair style செய்தால் கிடக்கிற முடி இல்லாமல் போய்விடும். பொருத்தமில்லாத ஹேர்ஸ்டைலைச் செய்துகொண்டால், அது முடி உதிர்வதை அதிகப்படுத்திவிடும்.

குறிப்பாக, சில்கி ஹேர் தன்மையுள்ளவர்கள், நீளமான ஹேர்ஸ்டைல்களை வைக்காமல் இருப்பது நல்லது. தற்காலிக அழகுக்கு ஆசைப்பட்டு, முடியை மொத்தமாக இழக்க வேண்டாமே நண்பா ............! ஸ்டைலாக்குகிறேன் என்ற பெயரில் தலைமுடிக்கு Hair ஜெல், ஸ்பிரே, கலரிங் போன்றவற்றை சிலர் பயன்படுத்துவார்கள். இவற்றை அளவுக்கு அதிகமாகப் பயன்படுத்தினால், தலைமுடியின் ஆரோக்கியம் பாதிக்கப்படும் என்பதை நண்பர்கள் அநியாயத்திற்கு மறக்கிறீர்களே. எனவே, கண்ட கண்ட பொருள்களைத் தலைக்குப் பயன்படுத்துவதைத் தவிர்த்திடுங்கள்.

ஒருசில ஆண்கள் எப்போதும் தலையை சீப்பால் வாரிக்கொண்டே இருப்பார்கள். இதுவும் தவறு. (என்னய்யா ஒண்டுமே செய்ய விடமாட்டிங்களா? ) சீப்பை அளவுக்கு அதிகமாகப் பயன்படுத்தினாலும், முடி பாதிப்புக்குள்ளாகி உதிர ஆரம்பிக்கும். எனவே, ஒரு நாளைக்கு ஓரிரண்டு முறைக்குமேல் சீப்பு பயன்படுத்துவதைத் தவிர்த்திடுங்கள். வேண்டுமெனில், விரல்களால் நீவி கொள்ளுங்கள்.

என்ன நண்பர்களே மேலே நாங்க சொன்ன விடயங்களில் கொஞ்சம் கவனம் செலுத்தினால் உங்கள் தலை முடி எப்போதும் இருக்கும்படி பார்த்துக்கொள்ளலாம்.