1970 FIFA உலகக்கிண்ணத்தை வென்ற பிரேசில் அணியின் முக்கிய வீரர்களில் ஒருவரான 'பிரிட்டோ' தந்து 86 ஆவது வயதில் காலமானார்.
பிரிட்டோ கடந்த ஒரு வாரமாக நிமோனியா காய்ச்சல் காரணமாக மருத்துவமனையில் சிகிச்சை பெற்று வந்த நிலையில் உயிரிழந்ததாக தெரிவிக்கப்பட்டுள்ளது.
1939 ஆகஸ்ட் 9ஆம் திகதி ரியோ டி ஜெனிரோவில் பிறந்த பிரிட்டோ, 1964ஆம் ஆண்டு பிரேசில் அணிக்காக அறிமுகமானார். 1966 உலகக்கிண்ணத்தில் முதல் முறையாக உலகக்கோப்பை அரங்கில் களமிறங்கினார்.
1964 முதல் 1972 வரை பிரேசில் அணிக்காக 61 போட்டிகளில் விளையாடிய பிரிட்டோ, 45 வெற்றிகள், 11 சமநிலை மற்றும் வெறும் 5 தோல்விகளையே சந்தித்து அணியில் முக்கிய பங்காற்றினார் என்பது குறிப்பிடத்தக்கது.