ஆரம்பத்தில் கொஞ்சம் வயதுக்கு மீறிய வேலைகள் செய்து சர்ச்சைகளில் சிக்கியிருந்தாலும், இப்பொழுது அனுபவமும் பக்குவமும் நிறைந்த ஒருவராக சமத்துப் பையனாய், தானுண்டு தனது வேலையுண்டு என்று இசையமைப்பில் கவனம் செலுத்துகிறார் இளம் இசையமைப்பாளர் அனிருத்.

இசையமைப்பது மட்டுமில்லாமல், ஏனைய இசையமைப்பாளர்கள் அழைத்தால் அவர்களுக்காக பாடுவது, நட்புக்காக பாடல்களில் நடிப்பது என, பல துறைகளிலும் கோலோச்சி வருகிறார்.

இந்நிலையில், கடந்த சில நாட்களுக்கு முன்பு ஜெயம் ரவிக்காக அப்பாடக்கர் படத்தில் ''டண்டனக்கா  '' பாடலை பாடியிருந்தார். அத்தோடு, இப்பொழுது நகைச்சுவை நடிகர் விவேக் எழுதி நடிக்க அவரோடு சோனியா அகர்வால் மற்றும் பாக்கியராஜ் ஆகியோர் முக்கிய பாத்திரங்களாக நடிக்க, ஸ்ரீகாந்த் தேவா இசையமைக்கும் ''பாலக்காட்டு மாதவன்'' படத்திலேயே இந்தப் பாடலை அனிருத் பாடியுள்ளார்.

இது பற்றி விவேக் ''அனிருத் மிகுந்த நல்ல மனது கொண்டவர். நான் கேட்டதும் என் அழைப்பை மறுக்காமல் ஏற்று, வந்து பாடிக்கொடுத்தார். பெருந்தன்மை இல்லாத ஒரு திறமைசாலி'' என்றுள்ளார். இவற்றோடு, தனுஷ் நடிப்பில் வரவுள்ள மாரி படத்திலும் ஒரு பாடல் பாடி, தனுஷோடு இணைந்து அந்தப் பாடலுக்கு குத்தாட்டமும் போட்டுள்ளார் அனிருத். இப்படியே சென்றால் இன்னும் ஏற்றம் பெறலாம் அனிருத்.

கட்ச் த பாயிண்ட்

-கொண்டுவந்தது கோடம்பாக்கக் குருவி-