46 Views
உலகப்புகழ் பெற்ற விம்பிள்டன் கிராண்ட்ஸ்லாம் டென்னிஸ் தொடர் லண்டனில் விறுவிறுப்பாக நடைபெற்று வருகிறது. இதன் பெண்கள் ஒற்றையர் பிரிவின் அரையிறுதிப் போட்டியில், செக் குடியரசின் இளம் நட்சத்திர வீராங்கனையான லிண்டா நோஸ்கோவா (Linda Noskova) அபாரமாக விளையாடி இறுதிப்போட்டிக்குத் தகுதி பெற்று புதிய சாதனை படைத்துள்ளார்.
இரசிகர்களின் பலத்த எதிர்பார்ப்புக்கு மத்தியில் நடைபெற்ற அரையிறுதி ஆட்டத்தில், செக் குடியரசின் 9-வது வரிசை வீராங்கனையான லிண்டா நோஸ்கோவா, உக்ரைனின் மார்டா கோஸ்டியூக் (Marta Kostyuk) உடன் பலப்பரீட்சை நடத்தினார்.
ஆரம்பம் முதலே அதிரடி ஆட்டத்தை வெளிப்படுத்திய நோஸ்கோவா, தனது சிறப்பான சர்வீஸ்கள் மற்றும் பேக்ஹேண்ட் ஷாட்டுகளால் எதிராளியை திணறடித்தார். வெறும் 1 மணி நேரம் 19 நிமிடங்களில் 6-4, 6-4 என்ற நேர் செட்களில் மார்டா கோஸ்டியூக்கை வீழ்த்தி, தனது டென்னிஸ் வாழ்க்கையில் முதன்முறையாக ஒரு கிராண்ட்ஸ்லாம் தொடரின் இறுதிப் போட்டிக்குள் நுழைந்தார்.
பிரெஞ்சு ஓபன் ஏமாற்றம்... விம்பிள்டனில் மாஸ்
வெற்றிக்குப் பின் பேசிய லிண்டா நோஸ்கோவா, "சமீபத்தில் நடந்த பிரெஞ்சு ஓபன் தொடர் எனக்கு பெரும் ஏமாற்றமாக அமைந்தது. அதன்பின் மனதளவில் என்னை தயார்படுத்திக் கொண்டு, ஆட்டத்தை ரசித்து விளையாடத் தொடங்கினேன். அந்த உழைப்பு தான் என்னை இப்போது விம்பிள்டன் இறுதிப்போட்டி வரை கொண்டு வந்து நிறுத்தியுள்ளது" என்று மகிழ்ச்சியுடன் தெரிவித்துள்ளார்.
விம்பிள்டன் இறுதிப்போட்டியில் லிண்டா நோஸ்கோவா, தனது சொந்த நாட்டைச் சேர்ந்த தோழியும் முன்னணி வீராங்கனையுமான கரோலினா முச்சோவாவுடன் (Karolina Muchova) சாம்பியன் பட்டத்திற்காக மோதவுள்ளார். விம்பிள்டன் வரலாற்றில் இரண்டு செக் குடியரசு வீராங்கனைகள் இறுதிப்போட்டியில் நேருக்கு நேர் மோதுவது ரசிகர்களிடையே பெரும் எதிர்பார்ப்பை ஏற்படுத்தியுள்ளது.
Make a Comment
Follow US
Make a Comment
இன்னும் கிசுகிசு செய்திகளுக்கு
கண்ணீருடன் விடைபெற்றார் ரொனால்டோ!
572 Views
'காஞ்சனா 4' திரைப்படம் விரைவில் !
53 Views
இம்முறை BBL இந்தியாவில்
57 Views
Hot Gossip
Recent Gossip Post
திக்கெட்டும் உச்சம் பெற்ற பரபரப்புச் செய்திகள்
Top 10 Commenters
Latest Comments
