36 Views
மேற்கிந்திய தீவுகள் அணிக்கு எதிரான போட்டியில் அதிரடியாக சதம் விளாசிய இந்திய அணியின் நட்சத்திர வீரர் விராட் கோலி, 88 பந்துகளில் 139 ஓட்டங்களை ஆட்டமிழக்காமல் குவித்தார். இதில் 10 பவுண்டரிகள் மற்றும் 9 சிக்சர்கள் அடங்கியிருந்ததுடன், அவரது அதிரடி விளையாட்டு இந்திய அணியின் வெற்றிக்கு முக்கிய பங்களிப்பாக அமைந்தது.
இந்த இன்னிங்ஸின் மூலம் கோலி பல்வேறு சாதனைகளையும் தன் வசப்படுத்தினார். ஒருநாள் கிரிக்கெட்டில் 15,000 ஓட்டங்களை கடந்த இரண்டாவது வீரர் என்ற பெருமையை பெற்ற அவர், சர்வதேச கிரிக்கெட்டில் தனது சதங்களின் எண்ணிக்கையை 86 ஆக உயர்த்தினார். அத்துடன், இந்திய மண்ணில் ஒருநாள் போட்டிகளில் அதிக ஓட்டங்களை குவித்திருந்த சச்சின் டென்டுல்கரின் சாதனையையும் முறியடித்தார்.
மேலும், இலங்கை மற்றும் வெஸ்ட் இண்டீஸ் அணிகளுக்கு எதிராக தலா 10 ஒருநாள் சதங்களை பதிவு செய்த முதல் வீரர் என்ற புதிய சாதனையையும் கோலி படைத்துள்ளார். ஒரே இன்னிங்ஸில் 9 சிக்சர்களை பெற்றதன் மூலம், ஒருநாள் கிரிக்கெட்டில் தனது அதிகபட்ச சிக்சர் எண்ணிக்கையையும் பதிவு செய்தார். இதனால் கிரிக்கெட் இரசிகர்கள் மத்தியில் மீண்டும் “கிங் கோலி” பற்றிய பேச்சு பரபரப்பாகியுள்ளது.
Follow US
