64 Views
ரைட் தொகுதியின் உறுப்பினராகத் தனது இறுதி உரையை நிகழ்த்திய அவர், பார்வையாளர் மாடத்தில் அமர்ந்திருந்த நடாலியை நோக்கி, “எனது இறுதிக் கேள்வி எனது அன்புக்குரிய நடாலிக்குத்தான். என்னைத் திருமணம் செய்துகொள்வாயா?” எனக் கேட்டார். இதனைத் தொடர்ந்து திருமண மோதிரத்தை வழங்கிய அவர், நடாலியின் சம்மதத்தைப் பெற்றதும் அவரது விரலில் மோதிரத்தை அணிவித்து முத்தமிட்டார். இதனால் நாடாளுமன்றத்தில் இருந்த உறுப்பினர்கள் கரவொலி எழுப்பித் தங்களது மகிழ்ச்சியை வெளிப்படுத்தினர்.
இந்த உணர்ச்சிபூர்வமான தருணத்துக்குப் பின்னர், நடாலி திருமணத்துக்குச் சம்மதம் தெரிவித்ததை நாடாளுமன்றத்தின் உத்தியோகபூர்வ பதிவில் குறிப்பிடுமாறு ஜோர்டான் லேன் நகைச்சுவையாகக் கூறினார். இதற்குப் பதிலளித்த நாடாளுமன்ற சபாநாயகர் கிரெக் பைப்பர், இந்த நாடாளுமன்றம் “காதலின் நாடாளுமன்றம்” என நினைவுகூரப்படும் என்று குறிப்பிட்டார். எதிர்வரும் 2027ஆம் ஆண்டு மார்ச் மாதத் தேர்தலில் மீண்டும் போட்டியிடப் போவதில்லை என அறிவித்துள்ள ஜோர்டான் லேனின் அரசியல் பயணத்தின் இறுதித் தருணம், இவ்வாறு அவரது தனிப்பட்ட வாழ்க்கையில் புதிய அத்தியாயத்தின் தொடக்கமாகவும் அமைந்துள்ளது.