35 Views
கடந்த 2020-ம் ஆண்டு நயன்தாரா நடிப்பில், ஆர்.ஜே. பாலாஜி இயக்கத்தில் வெளியான 'மூக்குத்தி அம்மன்' திரைப்படம் இரசிகர்கள் மத்தியில் மாபெரும் வரவேற்பைப் பெற்றது. இந்நிலையில், இத்திரைப்படத்தின் இரண்டாம் பாகம் சுந்தர்.சி இயக்கத்தில் பிரம்மாண்டமாக உருவாகியுள்ளது. இத்திரைப்படத்தில் நயன்தாராவுடன் இணைந்து ரெஜினா கசாண்ட்ரா, அபிநயா, ஊர்வசி, யோகி பாபு, மைனா நந்தினி, துனியா விஜய், சிங்கம்புலி உள்ளிட்ட பல முன்னணி நட்சத்திரங்கள் நடித்துள்ளனர்.
வேல்ஸ் ஃபிலிம் இன்டர்நேஷனல் சார்பில் ஐசரி கணேஷ் தயாரித்துள்ள இப்படத்திற்கு, குஷ்பு சுந்தர் மற்றும் விக்னேஷ் சிவன் ஆகியோர் இணைந்து தயாரிப்பாளர்களாகப் பங்களித்துள்ளனர். மேலும், இத்திரைப்படத்திற்கு ஹிப் ஹாப் தமிழா ஆதி இசையமைத்துள்ளார்.
தமிழ், மலையாளம், தெலுங்கு, கன்னடம் மற்றும் இந்தி என மொத்தம் ஐந்து மொழிகளில் இத்திரைப்படம் எதிர்வரும் நவம்பர் 6 ஆம் திகதி திரையரங்குகளில் வெளியாகவுள்ளது. சமீபத்தில் வெளியான இத்திரைப்படத்தின் டிரெய்லர் இரசிகர்கள் மத்தியில் எதிர்பார்ப்பை மேலும் அதிகரித்துள்ள நிலையில், தற்போது திரைப்படத்திற்கு 'யு/ஏ' சான்றிதழ் கிடைத்துள்ளதும், திரைப்படத்தின் மொத்த ஓட்ட நேரம் 2 மணி நேரம் 25 நிமிடங்கள் எனத் தெரியவந்துள்ளதும் குறிப்பிடத்தக்கது.
Make a Comment
Follow US
Make a Comment
இன்னும் கிசுகிசு செய்திகளுக்கு
பத்தா திரைப்படத்திற்கு UA சான்றிதழ்!
91 Views
Hot Gossip
Recent Gossip Post
திக்கெட்டும் உச்சம் பெற்ற பரபரப்புச் செய்திகள்
Top 10 Commenters
Latest Comments
