திரைப்படங்களில் பெயர் எடுத்த கங்கனா ரனாவத், தன் காதல் விடயங்களிலும் பலரின் காதுகளில் கிசுகிசுக்கப்பட்டார். அவர் வாழ்வில் பெரிய அலையே அடித்து ஓய்ந்து இருக்கும் நிலையில், தற்போது புதிய காதலன் வந்து இருக்கிறார் என்ற அறிவிப்பை வெளியிட்டுள்ளார். ஹிந்தி பத்திரிகைகள் இவரது அறிவிப்பு தொடர்பில் செய்திகளை வெளியிட்டு இருந்தன.

அந்த காதலன் யார் என்ற கேள்வி பலருக்கும் ஏற்பட்டநிலையில் கங்கனாவே பதில் அளித்துள்ளார். நான் என்றைக்குமே காதலைவிட்டு விலகி இருந்ததில்லை. கடந்த காலங்களில் பிரேக் அப், காதல் தோல்விகள் எனக்கு ஏற்பட்டிருக்கின்றன. ஆனாலும் அதிலிருந்து நான் உடனே நகர்ந்து அடுத்த கட்டத்துக்கு சென்றுவிடுவேன். தற்போதைக்கு காதலிக்கிறீர்களா என்கிறார்கள். என் வாழ்வில் தற்போது ஒரு காதலன் இருக்கிறார். டேட்டிங் செல்வதற்கு ஒருவர் வேண்டும் என்பதற்காக அல்ல, என் வாழ்வில் எனக்கு பொருத்தமான ஒரு நபர் இருக்க வேண்டும். அதன் மூலம் என் வாழ்வை நான் சரியாக வழி அமைத்துக் கொள்வேன்.

திருமணம் பற்றி கேட்கிறார்கள். நிச்சயம் திருமணம் செய்துகொள்வேன். இந்தியாவில் ஒரு புறம் அதிகரித்து வரும் மக்கள் தொகை எண்ணிக்கை எனக்கு கவலை அளித்தாலும், எனக்கும் குழந்தை குடும்பம் வேண்டும் என்ற ஆசை உள்ளது. இவ்வாறு கங்கனா ரனாவத் கூறினார்.

கடைசி வரை அந்த x நபர் தொடர்பில் கங்கனா ரனாவத் வாய் திறக்கவே இல்லை.