3,846 Views
ரஞ்சித் இயக்கத்தில் ரஜினி நடிக்கவிருக்கும் படம் பற்றிய செய்திகள், அவர்கள் அதிகாரப்பூர்வமாக அறிவிக்கும் முன்பே வெளிவந்துவிட்டதால் ரஜினி கோபமாக இருக்கிறார்.
அந்தப்படம் உறுதியாக நடக்கும் என்று சொல்லமுடியாது என்று சொல்லப்பட்டுக்கொண்டிருந்தது. யார் என்ன சொன்னாலும் அந்தப்படம் நடப்பது நிச்சயம் என்று இப்போது சொல்கிறார்கள். ஏனெனில் படப்பிடிப்புக்கான ஆயத்தப்பணிகள் வரை வேகமாக நடந்துகொண்டிருக்கின்றனவாம்.
இந்தப்படத்தில் ரஜினியுடன் ஏகப்பட்ட நடிகர்கள் நடிக்கவிருக்கிறார்களாம். அவர்களையெல்லாம் கூப்பிட்டுச் சம்பளம் பேசி முன்தொகையையும் கொடுத்துவிட்டார்களாம். கூடவே எப்போது படப்பிடிப்பு என்பதை திடீரெனச் சொல்வோம் அதற்குத் தகுந்தாற்போல் தயாராக இருங்கள், ஏற்கெனவே ஒப்புக்கொண்ட படங்களின் படப்பிடிப்பு இருந்தால் அதுபற்றிய விவரங்களையும் சொல்லிவிடுங்கள் என்று கேட்டுக்கொண்டிருக்கிறார்களாம். அதைவிட முக்கியமாக இந்தப்படம் பற்றிய தகவல்களை யாரிடமும் சொல்லாதீர்கள் என்றும் சொல்லியிருக்கிறார்களாம்.
ஆக, பொறுத்திருப்போம். சூப்பர் ஸ்டார் எப்படி இந்தப் படத்தில் அசத்தப்போகிறார் என்று பார்ப்போம்.
-கோடம்பாக்கக் குருவி-
Follow US
