720 Views
மும்பை அணிக்கு எதிரான முந்தைய போட்டியில் ராஜஸ்தான் அணியின் தொடக்க வீரர் ஜோஸ் பட்லர் சதம் அடித்து அசத்தியதுடன் அணி 193 ஓட்டங்களை எட்டவும் வழிவகுத்தார். அந்த ஆட்டத்தில் பந்து வீச்சாளர்கள் அனைவரும் அபாரமாக செயல்பட்டு மும்பை அணியை 170 ஓட்டங்களுக்குள் முடக்கினார்கள்.
பெங்களூரு றோயல் சேலஞ்சர்ஸ் அணி தன்னுடைய முதலாவது லீக் ஆட்டத்தில் 5 விக்கெட் வித்தியாசத்தில் பஞ்சாப் அணியிடம் பணிந்தது. அடுத்த ஆட்டத்தில் 3 விக்கெட் வித்தியாசத்தில் கொல்கத்தா அணியை சாய்த்தது. அந்த ஆட்டத்தில் 128 ஓட்டத்தில் கொல்கத்தாவை சுருட்டிய பெங்களூரு அணி 4 பந்துகள் மீதம் வைத்து வெற்றி இலக்கை எட்டியது.
பெங்களூரு அணியின் பந்து வீச்சாளர்கள் கச்சிதமாக செயல்பட்டாலும் அந்த அணியின் தொடக்க வரிசை வீரர்கள் நிலைத்து நிற்கவில்லை. தொடக்க வரிசை துடுப்பாட்டத்தில் அந்த அணி கூடுதல் கவனம் செலுத்த வேண்டியது அவசியமானதாகும்.
ராஜஸ்தான் அணி ‘ஹட்ரிக்’ வெற்றியை ருசிக்க அதிக ஆர்வம் காட்டும். அதேநேரத்தில் பெங்களூரு அணியும் தங்களது உத்வேகத்தை தொடர எல்லா வகையிலும் முயற்சி மேற்கொள்ளும். எனவே சம பலம் வாய்ந்த இரு அணிகளும் மோதும் இந்த ஆட்டத்தில் பரபரப்புக்கு பஞ்சம் இருக்காது.
Make a Comment
Follow US
Make a Comment
இன்னும் கிசுகிசு செய்திகளுக்கு
Hot Gossip
Recent Gossip Post
திக்கெட்டும் உச்சம் பெற்ற பரபரப்புச் செய்திகள்
Top 10 Commenters
Latest Comments
