வானில் விமானம் செல்வதை கவனித்த பழங்குடியின மக்கள், அதன் சத்தத்தைக் கேட்டு மேல்நோக்கிப் பார்த்ததாகவும், சிலர் தங்களது குடியிருப்பைச் சுற்றியுள்ள பகுதிகளில் நகர்ந்ததாகவும் தெரிவிக்கப்படுகிறது. இதுபோன்ற வான்வழிக் காட்சிகள், வெளி உலகத்துடன் தொடர்பைத் தவிர்த்து வாழும் பழங்குடியின சமூகங்கள் இன்னும் அமேசன் பகுதியில் இருப்பதை ஆவணப்படுத்துவதற்கும், அவர்களின் வாழ்விடங்களைப் பாதுகாப்பதற்கும் பயன்படுத்தப்படுகின்றன.

எனினும், இந்த சமூகங்களின் வாழ்விடங்கள் சட்டவிரோத மரம் வெட்டுதல், சுரங்க நடவடிக்கைகள் மற்றும் காடுகளை விவசாய நிலங்களாக மாற்றுதல் உள்ளிட்ட நடவடிக்கைகளால் அச்சுறுத்தலுக்கு உள்ளாகி வருகின்றன. மேலும், வெளி உலக மக்களுடன் நேரடி தொடர்பு ஏற்படும்போது, அவர்களுக்கு நோய் எதிர்ப்பு சக்தி இல்லாத காரணத்தால் இலகுவாக நோய்கள் தாக்கும் அபாயமும் இருப்பதாக பழங்குடியின மக்களைப் பாதுகாக்கும் அமைப்புகள் தெரிவிக்கின்றன.

எனவே, இத்தகைய சமூகங்களின் இருப்பிடத்தைப் பாதுகாப்பதுடன், அவர்களின் விருப்பத்திற்கு மாறாக அவர்களை நேரடியாக தொடர்பு கொள்ளாமல் இருப்பதும் முக்கியமானதாகக் கருதப்படுகிறது.