55 Views
அவுஸ்ரேலியாவில் வாழும் கோலா விலங்குகளின் கைரேகைகள் மனிதர்களின் கைரேகைகளுடன் வியக்கத்தக்க வகையில் ஒத்துப்போவதாகக் கூறப்படும் தகவல், உலகளவில் கவனத்தை ஈர்த்துள்ளது. நுண்ணோக்கியின் கீழ் ஆய்வு செய்யும்போதுகூட, இந்த இரு இனங்களின் கைரேகைகளுக்கு இடையிலான வேறுபாடுகளை அடையாளம் காண்பது கடினமாக உள்ளது என விஞ்ஞானிகள் சுட்டிக்காட்டியுள்ளனர்.
மனிதர்களுக்கும் கோலாக்களுக்கும் நெருங்கிய பரிணாமத் தொடர்பு இல்லாதபோதிலும், மரங்களில் ஏறுதல், கிளைகளை உறுதியாகப் பற்றிக்கொள்ளுதல் போன்ற தேவைகளுக்கு ஏற்ப, இரு இனங்களிலும் ஒத்த கைரேகை வடிவங்கள் உருவாகியுள்ளதாகக் கருதப்படுகிறது. இவ்வாறான ஒற்றுமை, வெவ்வேறு உயிரினங்களில் ஒரே மாதிரியான சூழல் தேவைகளுக்கேற்ப பண்புகள் உருவாகும் ஒத்திசைவுப் பரிணாம வளர்ச்சி (Convergent Evolution) என அழைக்கப்படுகிறது.
மேலும், கோலாக்களின் கைரேகைகள் மனிதர்களின் கைரேகைகளைப் போலத் தோற்றமளிப்பது தடயவியல் துறையிலும் ஆர்வத்தை ஏற்படுத்தியுள்ளது. இருப்பினும், இயற்கையின் வியப்பூட்டும் படைப்புகளில் ஒன்றாக இந்த ஒற்றுமை தொடர்ந்து பேசப்பட்டு வருகிறது.
Follow US
