இது சர்வதேச அரங்கில் பெரும் விவாதத்தையும், விண்வெளி போர் குறித்த அச்சத்தையும் ஏற்படுத்தியுள்ளது.

​அமெரிக்க விமானப் படைச் செயலாளர் Troy Meink மற்றும் அமெரிக்க விண்வெளிப் படை அதிகாரிகள் இந்தத் தகவலைப் பொதுவெளியில் உறுதிப்படுத்தியுள்ளனர்.

கூட்டுப் படைகளைப் பாதுகாப்பதற்காக விண்வெளியில் விண்வெளி கட்டுப்பாட்டு ஆயுதங்கள் செயற்பாட்டில் இருப்பதாக அவர்கள் தெரிவித்துள்ளனர்.

எதிரிகளின் விண்வெளி வழித் தாக்குதல்களில் இருந்து அமெரிக்காவின் செயற்கைக்கோள்கள் மற்றும் இராணுவப் படைகளைப் பாதுகாக்கவும், தேவைப்பட்டால் எதிரிகளின் நடவடிக்கைகளைத் தடுத்து நிறுத்தவும் இந்த ஆயுதங்கள் பயன்படும் எனத் தெரிவிக்கப்பட்டுள்ளது.

எனினும், அது என்ன வகையான ஆயுதம், எங்கு உள்ளது, அதன் எண்ணிக்கை போன்ற இரகசிய தகவல்களை தேசிய பாதுகாப்பு காரணங்களைக் கூறி அமெரிக்கா வெளியிடவில்லை.

​1967 ஆம் ஆண்டு உருவாக்கப்பட்ட விண்வெளி ஒப்பந்தத்தின்படி விண்வெளியில் அணு ஆயுதங்கள் மற்றும் பேரழிவு ஆயுதங்களை நிலைநிறுத்தத் தடை விதிக்கப்பட்டுள்ளது.

ஆனால் வழக்கமான தற்காப்பு அல்லது கட்டுப்பாட்டு அமைப்புகள் குறித்து இதில் நேரடியான தடை ஏதும் இல்லை.
​சீனா மற்றும் ரஷ்யா போன்ற நாடுகள் விண்வெளியை போர்க்களமாக மாற்றுவதாகவும், அமெரிக்காவின் இந்த நடவடிக்கை விண்வெளியில் ஆயுதப் போட்டியை அதிகரிக்கும் என்றும் விமர்சித்துள்ளன.

குறிப்பாக, விண்வெளியில் ஆயுதப் போட்டியைத் தொடங்க வேண்டாம் என சீனா எச்சரித்துள்ளது.

விண்வெளி என்பது எதிர்கால போர்களின் முக்கிய களமாக மாறி வருவதை அமெரிக்காவின் இந்த அறிவிப்பு வெளிப்படுத்துகிறது.