Rayynor Silva,Raynor Silva Holdings,RaynorSilva,RayynorSilva

இயக்குனர் ஹரியின் இயக்கத்தில் சூர்யா, அனுஷ்கா ஆகியோர் நடித்த படம் சிங்கம். வணிக ரீதியாகவும் சரி, கதையினாலும் சரி வசூலை வாரிக் கொடுத்தது படம். ஏக பூரிப்பில் இருந்த படக்குழு, மீண்டும் அதே கூட்டணியை வைத்து சிங்கம் பாகம் இரண்டை எடுத்தார்கள். அதுவும் இலாபத்தை அள்ளிக் கொடுத்தது.

சூர்யாவுக்கு நல்ல நடிகர் எனும் பெயரையும் பெற்றுக் கொடுத்தது எனலாம். ஆகவே, அதே மகிழ்ச்சியோடு மீண்டும் அதே கூட்டணி சின்ன சின்ன மாற்றங்களோடு இணைகிறது.

சிங்கம் 3 தொடர்பான உத்தியோகபூர்வ தகவல்கள் இப்பொழுது வெளியாகியுள்ளன.  ஒரு படத்தின் பல பாகங்கள் தயாரிக்கப்படும் பொழுதே சிந்திக்க வேண்டும், அந்தப் படங்கள் ஆரம்பத்தில் கொடுத்திருக்கு இலாபங்களை !!

இதன்படி, சிங்கம் 3இல் சூர்யா நாயகன், அனுஷ்கா நாயகி. இசையமைப்பாளர் மாறி இருக்கிறார். கடந்த இரண்டு படங்களுக்கு இசையமைத்த தேவி ஸ்ரீ பிரசாத் இப்படத்தில் இல்லை. அவருக்கு பதிலாக அனிருத் அந்தப் பொறுப்பை ஏற்றுள்ளார். இப்பொழுது ஹைக்கூ மற்றும் 24 எனும் இரு புதுப்படங்களில் நடித்து வரும் சூர்யா, அவற்றை முடித்த கையேடு இந்தப் படத்தில் நடிக்கவுள்ளார்.

-கொண்டு வந்தது கோடம்பாக்கக் குருவி-

ஆரம்பத்தில் ராகவா லோரன்ஸ், ராஜ்கிரண், வேதிகா நடிப்பில் வந்து அனைவரையும் திகிலடைய வைத்து நல்ல பெயர் வாங்கிய படம் முனி. லோரன்ஸ் தானே இயக்கியிருந்தார்.

அதன் பின்னர், லோரன்ஸ், லட்சுமிராய், கோவை சரளா, தேவதர்ஷினி, சரத்குமார் என  நட்சத்திரங்கள் போட்டி போட்டு நடித்து, சிரிக்கவும் சொல்லி சிந்திக்கவும் கற்றுக் கொடுத்த படம் காஞ்சனா. அதாவது, முனி 2 !

பின்னர், இந்த அத்தனை படங்களும் கொடுத்த வெற்றியின் நிமித்தம் லோரன்ஸ் உற்சாகமாக அடுத்த படத்தையும் ஆரம்பித்தார். பேய், மர்மம், நகைச்சுவை என்று இவரது படைப்பின் பாணி புதிதாய் இரசிகர்களுக்கு விருந்து சமைத்தது. ஆர்ப்பாட்டமில்லாத நடிப்பும், ஆழமான கதை ஓட்டமும் பல விதத்தில் படத்தைப் பற்றி பேச வைத்தது.

இதன் காரணமாக, லோரன்ஸ் நாயகனாகவும், வெள்ளாவிப் பொண்ணு டாப்ஷி நாயகியாகவும் இன்னும் பல நட்சத்திரங்களோடு முனி 03 என்று படத்தை இயக்க ஆரம்பித்தார். பின்னர் கங்கா என பெயரிட்டுப் பார்த்தார். நாமும் அதே பெயரையே பதித்துக் கொண்டோம். ஆனாலும், அதுதான் இல்லை என்கிற வகையில் இப்பொழுது முனி 3, காஞ்சனா 2ஆக மாறியுள்ளது. காஞ்சனாவின் வெற்றி கொடுத்த மகிழ்ச்சியால் இதற்கும் அதே பெயரை இட்டுள்ளதாக லோரன்ஸ் சொல்கிறார்.
இப்படம், கோடை விருந்துக்கு வருகின்ற படங்களில் ஒன்றாக இணையவுள்ளது.

-கொண்டு வந்தது கோடம்பாக்கக் குருவி-

சூர்யா, நயன்தாரா, ப்ரனீதா இன்னும் பல நட்சத்திரங்களோடு வெங்கட் பிரபுவின் இயக்கத்தில் தயாராகும் படம் மாஸ். படத்துக்கு யுவன் சங்கர்ராஜா இசை அமைக்கிறார். நிறைய எதிர்பார்ப்புக்களை குவித்திருக்கும் படம் மாஸ் என்றால் மிகையாகாது.

இதே போல, பொன்ராம் இயக்கத்தில் சிவகார்த்திகேயன், கீர்த்தி சுரேஷ், சூரி ஆகியோரின் நடிப்பில் வரவிருக்கும் ரஜினி முருகனும் ஒரே நாளில்  மோதவுள்ளதாக தெரிகிறது.

இப்போதைய தமிழ் சினிமாவைப் பொருத்தவரைக்கும் போட்டி போடும் நாயகனாக சிவகார்த்திகேயனும் அறியப்படுகிறார்.
சூர்யாவின் படத்தோடு பயமில்லாமல் மோதும் துணிச்சலுக்கு சொந்தக்காரர் ஆகிவிட்டார் சிவா. ஆகவே, இரசிகர்களுக்கு கோடை விருந்து ரெடி.

மே மாதம் 01 திகதி இரண்டு படங்களும் தியேட்டர்களை நிறைக்கவுள்ளன. பார்க்கலாம், இறுதியில்  எந்தப்படம் கை தட்டல்களையும்  வசூலையும் அதிகமாய் குவிக்கிறது என்று !

-கொண்டு வந்தது கோடம்பாக்கக் குருவி-

காற்றுள்ளவரை, த்ரீ ரோசஸ், கிச்சா வயசு 16, கோடம்பாக்கம், இராமகிருஷ்ணா போன்ற சில தமிழ் படங்களிலும், மேலும் சில தெலுங்குப் படங்களிலும் நடித்திருந்தவர் நடிகர் ஜெய் ஆகாஷ்.

எதிர்பார்த்ததைப் போல அவருக்கு ஏனோ வாய்ப்புக்கள் அமையவில்லை.
இப்பொழுது, காதலுக்கு கண்ணில்லை எனும் படத்தில் நடித்து வருகிறார். அத்தோடு இப்பொழுது ஒரு புதிய முடிவும் எடுத்துள்ளார். அதாவது சினிமாவில் தான் எதிர்பார்த்தும் கிடைக்காத வெற்றியை, அரசியலில் இணைந்து அதன்மூலமாக பெற்றுக் கொள்ள வேண்டும் என்பதுவே அந்த முடிவு.

தெலுங்கா ராஷ்திரிய சமிதி கட்சியில் இணைந்துள்ள ஜெய் ஆகாஷ், அரசியலுக்கு வந்துள்ளதால் நடிப்பை மறந்து விடுவேன் என்று நினைத்து விடாதீர்கள், நடிப்பு அரசியல் இரண்டிலும் ஈடுபட்டு வெற்றி பெறுவேன் என்று நம்பிக்கை பூரிப்போடு சொல்கிறார்.

-கொண்டுவந்தது கோடம்பாக்கக் குருவி-

இப்போது தமிழ் திரை உலகில் மட்டுமல்லாது வேறு மொழிகளிலும் தனக்கென இடத்தைபிடித்துள்ள  முன்னனி நடிகை ஹன்சிகா கடந்த சில வருடங்கலாக படப்பிடிப்பில் ரொம்ப பிசியாக இருந்து வருகிறார். கிடைக்கும் ஓரிரு நாட்களில் கூட மும்பைக்கு பறந்து விடுகிறார் ,தான் வளர்க்கும் குழைந்தைகளுடன் நேரம் செலவழிப்பதுதான் அவருடைய முக்கிய பொழுது போக்காக உள்ளது. அப்படி இருந்தும் கிடைக்கும் மீதி நேரஙகளில் தன் தோழிகளுடன் ஐரோப்பியா நாடுகளுக்கு சுற்றுலா சென்றுவிடுகிறாராம்.

                                                                                     எந்தந்த நாடுகளுக்கு செல்கிறார் என்ற விபரம் வெளியிடாமல் தோழிகளுடன் அடிக்கடி சென்று வருகிறாராம்.அவ்வப்போது புகைப்படங்களை மட்டும் வெளியிடுகிறார் ஹன்சிகா  ,அதில் ஒரு புகைப்படத்தில் டொல்பின் ஒன்றுக்கு முத்தமிடும் காட்சியினை வெளியிட்டுள்ளார்.

அவர் இப்படியும் தெரிவித்துள்ளார் என்னுடய இந்த பயணத்தில் ஆச்சரியமான விடயம் மாத்திரமல்லாமல் வாழ்நாள் முழுவதும் மறக்க முடியாத அனுபவ முத்தம் என்றும் குறிப்பிட்டுள்ளார். நாங்க ஒரு டொல்பினா பிறந்திருக்க கூடாதா என்று யோசிக்கிறீங்களா?     

DJ ரிம்ஷாத்                                                                        

வல்லவனுக்கு புல்லும் ஆயுதன் என்ற திரைப்படத்துக்கு பிறகு, அதிகமான கதைகளைக் கேட்டும் நடிக்க விரும்பாத நகைச்சுவை நடிகர் சந்தானம் இப்பொழுது ஒரு படத்துக்கு சம்மதம் சொல்லி நாயகனாக நடிக்கவும் ஆரம்பித்து விட்டார்.

என்ன ஆச்சர்யமாக இருக்கிறதா? நமக்கும்தான்!

நல்ல கதைகள் இல்லாமல், இனி நாயகனாக களமிறங்க மாட்டேன் என்று காத்திருந்தவர்  சந்தானம். கிடைக்கும் நகைச்சுவை பாத்திரங்களில் மட்டும் நடித்து வந்தார். இயலாத வேலைக்கு ஏன் போவான் என்று இருந்துள்ளார் போலும்!

ஆனாலும், இப்பொழுது கிடைத்த படம் அவருக்கு பிடித்துப் போனதாக கூறப்படுகிறது. அதனால்தான், நடிக்க சம்மதம் வழங்கியுள்ளார். படத்தின் பெயர் இனிமே அப்பிடித்தான் என்பதாகும். படப்பிடிப்புக்களில் பெரும்பாலானவை பாண்டிச்சேரி பகுதியில் படமாக்கப்பட்டு வருவதாக தெரிகிறது.

இனிமேல், நகைச்சுவை பாத்திரங்களில் நடிப்பதை குறைத்து நல்ல கதைகள் கிடைத்தால் நாயகனாகவும் கலக்குவேன் என்று நெருங்கியவர்களிடம் கிசுகிசுக்கிறாராம் சந்தானம்.

-கொண்டு வந்தது கோடம்பாக்கக் குருவி-

ஆடுகளம் தமிழுக்கு தந்த அழகு தேவதை நடிகை டாப்ஷி. அந்தப் படத்தில் வந்து எல்லோரையும் தன்  அழகால் கட்டி இழுத்தார். அதன் பின்னர் வாய்ப்புக்கள் வந்து கொட்டும் என அவர் உட்பட, அனைவரும் எதிர் பார்த்தார்கள். ஆனாலும்,  சொல்லிக் கொள்ளும்படியான வாய்ப்புக்கள் வந்து சேரவில்லை.

இதற்கு காரணமாக பார்த்தால், அவர் தமிழை விட தெலுங்கு மற்றும் ஏனைய வேற்று மொழிப் படங்களில் அதிக ஆர்வம் காட்டி வருகின்றார். இதனால், நிறைய தமிழ் பட வாய்ப்புக்களை தவிர்த்து வருகிறாரென ஒரு குற்றச்சாட்டு உண்டு.
                                                             
                     இந்நிலையில், டாப்ஷி இந்தியில் நடித்து நல்ல வரவேற்பை பெற்ற படம் பேபி. இதனைத் தொடர்ந்து நாயகியாக வளைய வந்த டாப்ஷி, நாயகனின் மகளாக மாறவுள்ளார். அதாவது, இந்தியில் ஒரு மல்யுத்த வீரரையும் அவரது மகளையும் மையமாக வைத்து ஒரு படம் உருவாகிறது. ''டங்கல்'' என பெயரிடப்பட்டுள்ள இந்தப் படத்தில் அமீர்கான் மல்யுத்த வீரராகவும் அவரது மகளாக டாப்ஷியும் நடிக்க ஒப்பந்தமாகியுள்ளனர்.

இந்தியில் என்றதும் மகளாகவும் நடிக்க ஒப்புக் கொண்ட அம்மணி, தமிழென்றால் ஏற்றுக் கொள்வாரா என்பது கேள்விக்குறிதான் !

-கொண்டு வந்தது கோடம்பாக்கக் குருவி-

"என்னை அறிந்தால்" பெறுபேறு பற்றி அஜித் - அதிர்ச்சியில் கெளதம்மேனன்.

'தல' அஜித் இன் நடிப்பில், அண்மையில் வெளியான சூப்பர்ஹிட் திரைப்படம் தான் "என்னை அறிந்தால்". தமிழில் வெளியாகி Box Office ஹிட் ஆன பல படங்களின் சாதனைகளை முறியடித்து, இன்னும் திரையரங்குகளில் கூட்டத்திற்கு குறைவில்லாமல் வெற்றிகரமாக ஓடிக்கொண்டிருக்கிறது இந்த "என்னை அறிந்தால்".

'தல'அஜித் ற்கு மேலும் புகழ் சேர்த்தது மட்டுமல்லாமல், திரைவானில் அவ்வளவாக ஜொலிக்க முடியாமல் தவித்துக்கொண்டிருந்த நடிகர் அருண் விஜய்க்கும் தமிழ்சினிமாவில் ஒரு திருப்புமுனையைக் கொடுக்குமென எதிர்பார்க்கப்படுகின்ற படம் இது. அது மட்டுமல்லாமல் ஒரு இயக்குனராக கெளதம்மேனன் மீண்டும் தலைதூக்க வைத்ததும் இந்தப்படம் என்றால் மிகையில்லை.

"யோகன் அத்தியாயம் ஒன்று" என ஒரு படம், அதேபோல "துருவ நட்சத்திரம்" மற்றுமொரு படம் என பல படங்கள் இயக்குனர் கெளதம்மேனன் இயக்கத்தில் வெளிவரவிருந்த நிலையில், அவை எல்லாம் இடைநடுவில் கைவிடப்பட்டன. அத்துடன் சில படங்களின் தொடர் தோல்வி என்பன காரணமாக மனதளவில் நொந்துபோயிருந்ததுடன், திரையுலகில் எதிர்மறையான விமர்சனங்களுக்கும், பொருளாதார நெருக்கடிக்கும் கூட உள்ளாகியிருந்தார் கெளதம். இந்தநிலையில், கெளதம்மேனனின் நிலையறிந்த 'தல'அஜித் தானே முன்வந்து நடிப்பிற்கான திகதிகள் ஒதுக்கிக் கொடுத்ததால் உருவான படம் தான் இந்த "என்னை அறிந்தால்".



இது இவ்வாறிருக்க, படம் பல தடைகளைதாண்டி வெளியாகி வெற்றிகரமாக ஓடிக்கொண்டிருக்கின்றது. இவ்வாறு "என்னை அறிந்தால்" வெளியான முதல்நாளில் சென்னையிலுள்ள சத்யம் திரையரங்கில் ரசிகர்களுடன் சேர்ந்து படம் பார்த்திருக்கிறார் கெளதம். அப்போது அஜித்திடமிருந்து கெளதமிற்கு தொலைபேசி அழைப்பு கிடைத்திருக்கின்றது. அந்தவேளையில் படத்தின் பெறுபேறு பற்றி இயக்குனர் என்ற முறையில் ‘தல’அஜித்திடம் கருத்துக் கேட்டிருக்கிறார் கெளதம். ஆனால் அஜித்தோ படத்தை பற்றி கணக்கில் எடுக்காமல் 'படம் ஒருபுறம் இருக்கட்டும்..... அதை விடுங்கள்...உங்களுக்கு இருந்த பிரச்சனைகள் எல்லாம் முடிந்து விட்டதா....? இப்பொழுது மன சந்தோசத்துடனும்,நிம்மதியுடனும் உள்ளீர்களா...?' என்று மட்டும் தான் முதலில் கேட்டாராம்.
                    


அத்துடன், கெளதமுடன் தொடர்ந்து உரையாடிய அஜித் 'படத்தின் வெற்றி தோல்வி பற்றி எல்லாம் ஜோசிக்காமல்,கவலைப்படாமல் குடும்பத்தினருடன் சேர்ந்து சந்தோசமாக இருங்கள் போதும்' என்று சொல்லிவிட்டு அழைப்பினை துண்டித்துவிட்டாராம். அதனை சற்றும் எதிர்பார்க்காத கெளதம்மேனன் அதிர்ச்சியில் வையடைத்துப் போய்விட்டாராம். அத்துடன் அஜித்தின் இந்த பெருந்தன்மையையும், அணுகுமுறையையும் கொஞ்சமும் எதிர்பாராத கெளதம், இப்படியும் மனிதர்கள் இருப்பார்களா...? அதுவும் சுயநலமாக மட்டுமே சிந்திக்கும் திரையுலகில் இப்படி ஒருவர் இருக்க முடியுமா என அதிசயிக்கிறாராம்.

இவ்வாறு இன்ப அதிர்ச்சியில் இருக்கும் கெளதம்மேனன், இந்த விஷயம் பற்றி தனக்கு நெருக்கமானவர்களிடமும் சிலாகித்து வருகிறாராம். இதை ஒருவாறு தெரிந்து கொண்ட கோடம்பாக்கம் சினிமா வட்டாரமும் வியப்பில் விழி விரிப்பதாகத் தகவல்.

எது எப்படியோ, Late ஆக இருந்தாலும் Latest ஆக இருக்கிறதே தகவல் என்ற மிதப்பில் 'தல' ரசிகர்கள்.

*கணேசமூர்த்தி ராகவன்.
  2015.02.20

நம்ம பக்கத்து வீட்டுப் பையன் போல உலாவும் நடிகர் ஜெய் நடிப்பில் காதலும், உணர்வுகளும் கொட்டப்படும் அழகிய கதையாக திரைக்கு வரவிருக்கும் படம்தான் புகழ்.

பகவதியில் விஜய்யின் தம்பியாக தன் நடிப்பை ஆரம்பித்தவர், அதன் பின்னர் ஆர்ப்பாட்டமில்லாத நடிப்பால் சில படங்களிலேயே இரசிகர்களை தனக்கென உருவாக்கிக் கொண்டார். நடிப்பில் தேர்ந்தவராக தனது படங்களை தெரிவு செய்தார் ஜெய். அதுவே அவரது வெற்றிகளின் சாதுர்யம் எனலாம்.

மணிமாறன் இயக்கம் இந்தப் படத்தில் இவன் வேற மாதிரி திரைப்படத்தில் வந்த நாயகி சுரபி, இதிலும் நாயகியாக ஜெய்யோடு ஜோடி சேர்கிறார். காதலும் த்ரில்லும் கலந்த கதையாக உருவாகியுள்ள படம் புகழ்.

முதன் முறையாக அரசியல் சார்ந்த கதையில் ஜெய் துணிச்சலோடு நடிக்க சம்மதித்திருக்கிறார் என்பதும் குறிப்பிடத்தக்கது.

-கொண்டு வந்தது கோடம்பாக்கக் குருவி-

சிவப்பு ரோஜாக்கள் திரைப்படத்துக்கு பின்பாக எந்த த்ரில்லர் படங்களுக்கும் இசையமைக்காத நான், மீண்டும் இந்த ஒரு மெல்லிய கோடு படத்துக்கே ஆர்வத்தோடு இசையமைக்க ஆயத்தமாகி வருகிறேன். ஒரு சிறந்த கூட்டணியோடு பணியாற்றுவது பிடித்திருக்கிறது என, படத்தைப் பற்றி ஆரம்பத்திலேயே புகழ்ந்து கொட்டுகிறார் இசைஞானி இளையராஜா.

இதைப் பார்த்ததும், ஆர்வம் தாங்காமல் நாமும் மேற்கொண்டு விடயங்களை ஆராய்ந்தோம்.

அதாவது, முற்று முழுதாக ஆக்க்ஷன் த்ரில்லர் படமாகவும்,  விறுவிறுப்புக்கு பஞ்சமில்லாமல்  இந்தப் படம் இன்று தனது படப்பிடிப்பை ஆரம்பித்துள்ளது. ஆசன நுனிக்கு கதையின் ஓட்டம் உங்களை அழைத்துச் செல்லுமென படக்குழு இப்பொழுதே பரபரப்பை கூட்டுகிறார்கள்.

ஆஹா ரேஞ்சில் படம் அமையப் போகிறது என்பது  எதிர்பார்ப்பு. இந்த ஒரு மெல்லிய கோட்டில், ஆக்க்ஷன் கிங் அர்ஜூன் நாயகனாக குதிக்கிறார். சரிந்த தனது மார்க்கெட்டை மீண்டும் கட்டிஎளுப்பும் படமாக இந்தப் படம் தனக்கு அமையுமென அவர் நம்பிக்கை தெரிவித்துள்ளதோடு, ''இந்தப் படத்தின் கதையை கேட்டதும் ஒத்துக் கொண்டேன். கதை கேட்டு மிரண்டு விட்டேன். என் படங்களில் மிக முக்கியமான படமாக இந்தப் படம் அமையும்'' என்கிறார் அர்ஜூன்.

-கொண்டு வந்தது கோடம்பாக்கக் குருவி-

தன்னால் தானே கெட்டுக் கொண்டது என்பது நம்ம நடிகை அசினுக்கு மிகப் பொருத்தம். தமிழ் சினிமாவில் கிடைத்த வாய்ப்புக்களை சரியாக பயன்படுத்தத் தெரியாமல் ஹிந்திக்கு சென்றார். அங்கு கிடைத்த படங்களில் நடித்தார். சில படங்கள் வெற்றியடைந்தாலும், அவருக்கு என்னவோ பெயர் கொடுக்கும் படங்கள் இற்றை வரை அமையவில்லை.

பல முன்னணி நடிகர்களோடு ஜோடி சேர வாய்ப்புக்கள் வந்தும் தமிழுக்கு வர விரும்பாவில்லை என்று வந்த வாய்ப்புக்களையும் உதறினார். ஹிந்தியை நம்பி காத்திருந்தவருக்கு இறுதியில் படங்களே இல்லை என்றான நிலைமையானது.

பொறுத்துப் பொறுத்துப் பார்த்தார். யாரும் வாசல் கதவை தட்டும் பாடில்லை.
இறுதியில், அசினின் பார்வை தமிழ் மீது திரும்பியுள்ளது. மாதவன் நடிக்கவுள்ள ஒரு படத்தில் மாதவனுக்கு ஜோடியாக நடிக்க ஒப்பந்தமாகியுள்ளார்.
இந்த வாய்ப்பின் மூலமாகவாவது சரியாக சிந்தித்து வாய்ப்புக்களை கைப்பற்றி தமிழில் மீண்டும் காலூன்றுகிறாரா என்று பார்ப்போம்.

-கொண்டு வந்தது கோடம்பாக்கக் குருவி-

Asin New Photos 

பிரம்மாண்டமாக பல ஆண்டுகளை விழுங்கி வெளியாகிய ஐ, எதிர்பார்த்த இலக்கை வெற்றி கொண்டது என்று சொல்லலாம். ஒவ்வொரு காட்சிக்கு காட்சியும் பயங்கரமாக மிரட்டியிருந்தார் இயக்குனர் சங்கர்.
விக்ரம், எமி ஏனைய நடிகர்கள் தொழில் நுட்ப கலைஞர்கள் ஆகியோர் தத்தமது பணியை சிறப்பாக செய்து பாராட்டு பெற்றுள்ளார்கள்.

ஐ வந்தாயிற்று, இனி ஐ படத்துக்கு கொடுத்த காலம் போல வழங்காமல் மூன்று மாதத்துக்கு மட்டுமே படங்களுக்கான திகதியை வழங்க விக்ரம் உத்தேசித்துள்ளார். இதனடிப்படையில், கோலிசோடா பட இயக்குனர் விஜய் மில்டன் இயக்கத்தில் விக்ரம் தற்போது நடித்துவரும் படம் பத்து என்றதுக்குள்ள. ஜோடியாக சமந்தா நடித்து வருகிறார்.
இந்நிலையில், அரிமா நம்பி படத்தை எடுத்த இயக்குனர் ஆனந்த் ஷங்கர் இயக்கத்தில் அடுத்த புதிய படத்தில் விக்ரம் நடிக்கவுள்ளதாக அறிவிக்கப்பட்டுள்ளது.

இந்தப் படத்தில், விக்ரமுக்கு ஈடு கொடுத்து நடிக்கக் கூடிய நடிகையாக நயன்தாரா உள்ளதால் அவரையே ஒப்பந்தம் செய்துள்ளதாக தெரிகிறது. அது உண்மைதான். முதன்முறையாக விக்ரமுடன் ஜோடி சேர்கிறார் நயன் என்பது முக்கியமானது.

-கொண்டுவந்தது கோடம்பாக்கக் குருவி-

பொலிவுட்டில் பிரகாசித்து வரும் இலங்கையைச் சேர்ந்த நட்சத்திரம் ஜெக்குலின் பெர்ணாண்டாஸ். 

ஜனாதிபதித் தேர்தல் காலப்பகுதியில் சல்மான் கானுடன் இலங்கைக்கும் விஜயம் மேற்கொண்டிருந்தார் ஜெக்குலின். 

சல்மானுடன் நீண்ட நாட்களாக சுற்றித் திரிந்த ஜெக்குலின், (ஜனாதிபதி தேர்தல் காலத்தில் கூட சல்மானுடன் ஜெக்குலின் இலங்கை வந்து கலக்கியதும், பின்னர் கலாய்க்கப்பட்டதும் ஞாபகம் தானே?) தற்போது புதிய நபரொருவடன் சுற்றித் திரிவதாக பொலிவுட்டில் கிசுகிசுக்கப்படுகின்றது.

 

அவர் வேறு யாரும் அல்ல, புகழ்பெற்ற இந்திப் பட இயக்குனர் கரண் ஜோஹார்.

 

ஆம் , ஜெக்குலினுடைய புதிய (ஊர் சுற்றும்) துணை கரன் ஜோஹார் என தெரிவிக்கப்படுகின்றது.

இதை உறுதிப்படுத்தும் விதமாக இருவரும் இணைந்து பல பொது நிகழ்வுகளிலும் கலந்துகொள்கின்றனர்.

 

ஏற்கனவே தன்னோடு நடிக்கும் நாயகர்கள், இயக்குனர்களுடன் சிறப்பான தொடர்பை பேணுவதில் ஜெக்குலின் கைதேர்ந்தவர் என கிசுகிசுக்கப்பட்டு வரும் நிலையில் தற்போது கரண் ஜோஹாருடன் சேர்ந்து சுற்ற ஆரம்பித்துள்ளார் அவர். 

என்னை அறிந்தால் திரைப்படத்தின் பின்னர் அஜித் நடிக்கவுள்ள படத்தை வீரம் படத்தை இயக்கிய சிறுத்தை சிவா இயக்கவுள்ளார். அனிருத் இசையமைக்கவுள்ளார். அடிதடியோடு அமர்க்களப்படுத்தவுள்ள இந்த படத்தில் அஜித்துக்கு ஜோடியாக ஹன்ஷிகா நடிப்பார் என்று பேசப்பட்டது. ஆனாலும், அம்மணி தனது ட்விட்டர் வலைத்தளத்தில் நான் நடிக்கவில்லை என்று அறிவித்து விட்டார்.

அவர் இல்லையென்றால் வேறு யாருக்கு அந்த வாய்ப்பு போகும் என பலரும் பரவலாக எதிர்பார்த்தார்கள். அடுத்த இடத்தில் சிவாவின் படமென்பதால் அவரது அபிமானம் வென்ற நாயகி தமன்னாவுக்கு வாய்ப்பு கிட்டலாம் என பேசினார்கள். ஆனால், அவரும் இல்லை என்று உறுதியாக தெரிந்து விட்டது.

இந்நிலையில், விஜய் சூர்யா விகாரம் என்று முன்னணி நாயகர்களோடு ஜோடி சேரும் சமந்தா நாயகியாகலாம் என்றார்கள். ஆனாலும், இந்த மல்கோவா மாம்பழத்துக்கும் அஜித் படத்தில் நடிக்க கொடுத்து வைக்கவில்லை.

இந்த பரபப்பான பட்டியலில் இப்பொழுது இணைந்திருப்பவர், உலக நாயகன் கமலஹாசன் மகள் சுருதி ஹாசன். விஜய் சூர்யா விஷால் என பலரோடும் ஜோடிபோட்ட இந்த நாயகிக்கு தல படத்தில் நடிக்க வாய்ப்பு கிடைப்பதுதான் மிகப்பெரிய இந்த வருட பரிசாக அமையும். எனவே எல்லோருடைய எதிர்பார்ப்பும் ஈடேறுகிறதா என்று பார்ப்போம்.

-கொண்டு வந்தது கோடம்பாக்கக் குருவி-